ಅಣ್ಣಾ ಗ್ರಂಥಾಲಯದಿಂದ ವಿನೂತನ ಪ್ರಯೋಗ: AI ಆಸಕ್ತರಿಗೆ ಬಂಪರ್
ಚೆನ್ನೈನಲ್ಲಿ ಇರುವ ಅಣ್ಣಾ ಶತಮಾನ ಗ್ರಂಥಾಲಯದಲ್ಲಿ, ಕಲಿಕೆ ಮತ್ತು ಸೃಜನಶೀಲತೆಗೆ ಉತ್ತೇಜನ ನೀಡಲು ಹೊಸ ಎಐ (ಕೃತಕ ಬುದ್ಧಿಮತ್ತೆ) ಕ್ಲಬ್ ಅನ್ನು ಉದ್ಘಾಟಿಸಲಾಗಿದೆ. ಈ ಕ್ಲಬ್ ಪ್ರತಿ ಮೊದಲ ಮತ್ತು ಮೂರನೇ ಭಾನುವಾರ ಸಭೆ ನಡೆಸಲಿದೆ. ಎಐ ತಜ್ಞರು ಮತ್ತು ಆಸಕ್ತರು ತಮ್ಮ ಆಲೋಚನೆಗಳನ್ನು ಹಂಚಿಕೊಳ್ಳಲು, ಚರ್ಚಿಸಲು ಮತ್ತು ಮಾಹಿತಿಯನ್ನು ನೀಡುವ ವೇದಿಕೆಯಾಗಲಿದೆ ಎಂದು ಮುಖ್ಯ ಗ್ರಂಥಪಾಲಕ ಎಸ್. ಕಾಮಚಿ ಟೈಮ್ಸ್ ಆಫ್ ಇಂಡಿಯಾಗೆ ತಿಳಿಸಿದ್ದಾರೆ.
ಅಣ್ಣಾ ಎಐ ಕ್ಲಬ್, ಎಐ ಕ್ಷೇತ್ರದಲ್ಲಿ ಆಸಕ್ತರು ಮತ್ತು ತಜ್ಞರಿಗೆ ಒಟ್ಟುಗೂಡುವ ವೇದಿಕೆಯನ್ನು ಒದಗಿಸುವ ಮೂಲಕ, ತಾಂತ್ರಿಕ ಜ್ಞಾನ ಹಾಗೂ ಸೃಜನಶೀಲತೆಯ ಬೆಳವಣಿಗೆಗೆ ದಾರಿ ಮಾಡಿಕೊಡಲಿದೆ. ಇದು ಮುಂದಿನ ದಿನಗಳಲ್ಲಿ ಹೆಚ್ಚಿನ ಉದ್ಯಮ ಮತ್ತು ಸಂಸ್ಥೆಗಳ ಸಹಕಾರದಿಂದ ಮತ್ತಷ್ಟು ಬಲಿಷ್ಠ ವೇದಿಕೆಯಾಗಲಿದೆ.
AI ಯೂ ಸಭೆಯ ಫಲಿತಾಂಶಗಳನ್ನು ದಾಖಲಿಸಲಾಗುತ್ತದೆ ಮತ್ತು ಸರ್ಕಾರಕ್ಕೆ ನೀತಿಗಳನ್ನು ಶಿಫಾರಸು ಮಾಡಲು ಸಹ ಬಳಸಬಹುದು. ಈಗಾಗಲೇ ಟ್ಯಾನ್ಕ್ಯಾಮ್ (Tamil Nadu Centre for Advanced Manufacturing) ಮತ್ತು ಖಾಸಗಿ ಓದುಗರ ವಲಯ 'ವರೂಂಗಳ್ ಪಡಿಪೊಮ್' ಜೊತೆ ಸಹಕರಿಸಲಾಗಿದೆ. ಭವಿಷ್ಯದಲ್ಲಿ ಹೆಚ್ಚಿನ ಉದ್ಯಮ ತಜ್ಞರು ಮತ್ತು ಸಂಸ್ಥೆಗಳೊಂದಿಗೆ ಸಹಕರಿಸುತ್ತೇವೆ ಎಂದು ಕಾಮಚ್ಚಿ ಹೇಳಿದರು.
ಸಾರ್ವಜನಿಕ ಗ್ರಂಥಾಲಯಗಳ ನಿರ್ದೇಶಕ ಪಿ. ಶಂಕರ್ ಉದ್ಘಾಟನಾ ಭಾಷಣದಲ್ಲಿ ಮಾತನಾಡಿ, ಶಿಕ್ಷಣವನ್ನು ಪುನರ್ರೂಪಿಸುವಲ್ಲಿ ಮತ್ತು ಜ್ಞಾನವನ್ನು ಎಲ್ಲರಿಗೂ ಹೆಚ್ಚು ಪ್ರವೇಶಿಸುವಂತೆ ಮಾಡುವಲ್ಲಿ AI ಪಾತ್ರದ ಬಗ್ಗೆ ಮಾತನಾಡಿದರು. ಮುಖ್ಯಮಂತ್ರಿಗಳ ಕಾರ್ಯದರ್ಶಿ ಎಂ. ಷಣ್ಮುಗಂ, ಕಲಾವಿದ ಟ್ರೋಟ್ಸ್ಕಿ ಮರುಧು ವಿನ್ಯಾಸಗೊಳಿಸಿದ ಅಣ್ಣಾ ಎಐ ಕ್ಲಬ್ನ ಅಧಿಕೃತ ಲೋಗೋವನ್ನು ಅನಾವರಣಗೊಳಿಸಿದರು ಮತ್ತು ಕ್ಲಬ್ ಭವಿಷ್ಯದಲ್ಲಿ ಒಂದು ದೃಢವಾದ ಉಪಕ್ರಮವಾಗಿ ಅಭಿವೃದ್ಧಿ ಹೊಂದುತ್ತದೆ ಎಂದು ಆಶಿಸಿದರು.
ಸಿವಿಲ್ ಸರ್ವೆಂಟ್ ಆರ್. ಬಾಲಕೃಷ್ಣನ್ ಅವರು ಮಾತನಾಡಿ, ಎಐ ಸಾರ್ವಜನಿಕ ಭಾಷಣದಲ್ಲಿ ಹೇಗೆ ಸಹಾಯ ಮಾಡುತ್ತದೆ ಮತ್ತು ಸಂಗಮ ಸಾಹಿತ್ಯ ಸೇರಿದಂತೆ ಪ್ರಾಚೀನ ಪಠ್ಯಗಳೊಂದಿಗೆ ಸಂಪರ್ಕ ಸಾಧಿಸುತ್ತಿದೆ. ಪುರಾತನ ಸಾಹಿತ್ಯದೊಂದಿಗೆ ಸಂಪರ್ಕ ಸಾಧಿಸುವಲ್ಲಿ ಎಐ ಪಾತ್ರವನ್ನು ವಿವರಿಸಿದರು. ಆಲ್ ಇಂಡಿಯಾ ಸಿವಿಲ್ ಸರ್ವೀಸಸ್ ಕೋಚಿಂಗ್ ಸೆಂಟರ್ ಪ್ರಾಂಶುಪಾಲ ಟಿ. ಶಂಕರ ಸರವಣನ್ ಮಾತನಾಡಿ, ChatGPT, Perplexity, Grok-3 ಹೀಗೆ ವಿವಿಧ ಎಐ ಪ್ಲಾಟ್ಫಾರ್ಮ್ಗಳ ಬಳಕೆಯನ್ನು ವಿವರಿಸಿದರು.
Click it and Unblock the Notifications
Sign in with Google