Arecanut Price: ₹50 ಸಾವಿರ ದಾಟದ ಅಡಿಕೆ ಧಾರಣೆ; ಕೊಬ್ಬರಿ ಧಾರಣೆ ಹೇಗಿದೆ?

2024ರ ಆರಂಭದಲ್ಲಿ ಅಡಿಕೆ ಧಾರಣ ಏರಿಕೆ ಕಾಣುವ ಮೂಲಕ ಬೆಳೆಗಾರರಲ್ಲಿ ಆಶಾಭಾವನೆ ಮೂಡಿಸಿತ್ತು. ಮುಂದಿನ ದಿನಗಳಲ್ಲಿ ರಾಶಿ ಕೆಂಪಡಕೆ ಧಾರಣೆ ₹ 50 ಸಾವಿರ ದಾಟಲಿದೆ ಎನ್ನುವಾಗಲೇ ಅಲ್ಪ ಕುಸಿತ ಕಂಡು ಮತ್ತೆ ನಿರಾಸೆ ಮೂಡಿಸಿತ್ತು. ಫೆಬ್ರವರಿ 1ರಂದು ಕೂಡ ಅಡಿಕೆ ಧಾರಣೆ ಏರಿಳಿತ ಆಟ ಮುಂದುವರೆಸಿದೆ.

ಫೆಬ್ರವರಿ 1ರಂದು ಶುಕ್ರವಾರ ರಾಶಿ ಕೆಂಪಡಕೆ ವಿವಿಧ ಮಾರುಕಟ್ಟೆಗಳಲ್ಲಿ ಕನಿಷ್ಠ ₹35,000 ಗಳಿಂದ ₹49,000 ದವರೆಗೆ ಮಾರಾಟವಾಗಿದೆ. ಮುಂದಿನ ದಿನಗಳಲ್ಲಿ ಅಡಿಕೆ ಧಾರಣೆ ಅಲ್ಪ ಪ್ರಮಾಣದಲ್ಲಿ ಏರಿಕೆ ಕಾಣಬಹುದು ಎಂದು ಹೇಳಲಾಗಿದೆ. ಆದರೂ, ಮಾರುಕಟ್ಟೆಯನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಲು ಆಗುತ್ತಿಲ್ಲ.

ಶುಕ್ರವಾರ ಬಂಟ್ವಾಳ, ಸಾಗರ, ಚನ್ನಗಿರಿ ಮಾರುಕಟ್ಟೆಗಳಲ್ಲಿ ರಾಶಿ ಅಡಿಕೆ ಧಾರಣೆ ಸ್ಥಿರತೆ ಕಾಯ್ದುಕೊಂಡಿದೆ. ಚನ್ನಗಿರಿ ಮಾರುಕಟ್ಟೆಯಲ್ಲಿ ರಾಶಿ ಕೆಂಪಡಕೆ ಧಾರಣೆ ಗರಿಷ್ಠ ₹49,200 ಆಗಿದೆ. ಸಾಗರ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಧಾರಣೆ ಕ್ವಿಂಟಾಲ್‌ಗೆ ಕನಿಷ್ಠ ₹30,899 ಇದ್ದರೆ, ಗರಿಷ್ಠ ₹48,799 ಕ್ಕೆ ಮಾರಾಟವಾಗಿದೆ.

ಬಂಟ್ವಾಳ ಮಾರುಕಟ್ಟೆಯಲ್ಲಿ ಕೋಕಾ ಧಾರಣೆ ಕನಿಷ್ಠ ₹18,000 ಆಗಿದ್ದರೆ ಗರಿಷ್ಠ ಮಾರಾಟ ದರ ₹28,500 ಆಗಿತ್ತು. ಕುಮಟಾ ಮಾರುಕಟ್ಟೆಯಲ್ಲಿ ಚಿಪ್ಪು ಕನಿಷ್ಠ ₹21,209 ಇದ್ದರೆ ಗರಿಷ್ಠ ₹33,069 ಆಗಿದೆ.

ಫೆಬ್ರವರಿ 1ರಂದು ಅಡಿಕೆ ಬೆಲೆ (ಪ್ರತಿ ಕ್ವಿಂಟಾಲ್‌ಗೆ)

ಕ್ರಮ ಸಂಖ್ಯೆ	ಮಾರುಕಟ್ಟೆ	ವಿಧ	ಕನಿಷ್ಠ ಬೆಲೆ	ಗರಿಷ್ಠ ಬೆಲೆ	ಸರಾಸರಿ ಬೆಲೆ
1	ಬಂಟ್ವಾಳ	ಕೋಕಾ	₹18,000	₹28,500	₹23,500
2	ಬಂಟ್ವಾಳ	ಹೊಸ ವೆರೈಟಿ	₹28,500	₹35,000	₹33,000
3	ಚನ್ನಗಿರಿ	ರಾಶಿ	₹47,212	₹49,200	₹48,054
4	ಗೋಣಿಕೊಪ್ಪಲ್	ಸಿಪ್ಪೆ ಅಡಿಕೆ	₹5,000	₹5,000	₹5,000
5	ಕಾರ್ಕಳ	ಹೊಸ ವೆರೈಟಿ	₹25,000	₹35,000	₹30,000
6	ಕುಮಟಾ	ಕೋಕಾ	₹14,129	₹27,370	₹25,619
7	ಕುಮಟಾ	ಚಿಪ್ಪು	₹21,209	₹33,069	₹32,429
8	ಸಾಗರ	ಸಿಪ್ಪೆಗೋಟು	₹10,000	₹19,599	₹17,699
9	ಸಾಗರ	ಬಿಳೆ ಗೊಟು	₹20,199	₹29,199	₹28,199
10	ಸಾಗರ	ಕೆಂಪು ಗೋಟು	₹25,399	₹37,099	₹36,099
11	ಸಾಗರ	ರಾಶಿ	₹30,899	₹48,799	₹47,699
12	ಸುಳ್ಯ	ಹೊಸ ವೆರೈಟಿ	₹37,000	₹39,900	₹38,000

ಕೊಬ್ಬರಿ ಧಾರಣೆ ಮಾಹಿತಿ

ಶುಕ್ರವಾರ ರಾಜ್ಯದ ಮಾರುಕಟ್ಟೆಗಳಲ್ಲಿ ಕೊಬ್ಬರಿ ದರದಲ್ಲಿ ಸ್ಥಿರತೆ ಕಾಯ್ದುಕೊಂಡಿದೆ. ಪ್ರಮುಖ ಕೊಬ್ಬರಿ ಮಾರುಕಟ್ಟೆ ತಿಪಟೂರಿನಲ್ಲಿ ಕೊಬ್ಬರಿ ಧಾರಣೆ ಕನಿಷ್ಠ ₹8,800 ಇದ್ದರೆ ಗರಿಷ್ಠ ₹9,800 ಆಗಿತ್ತು. ಕಳೆದ ವಾರ ಕೊಬ್ಬರಿ ಗರಿಷ್ಠ ಧಾರಣೆ 10 ಸಾವಿರ ದಾಟಿದ್ದು, ಈ ವಾರ ಅಲ್ಪ ಕುಸಿತ ಕಂಡಿದ್ದರೂ, 10 ಸಾವಿರ ರೂಪಾಯಿ ಆಸುಪಾಸಿನಲ್ಲೇ ಇರುವುದು ಬೆಳೆಗಾರರಲ್ಲಿ ಸಮಾಧಾನ ತರಿಸಿದೆ.

ಅರಸಿಕೆರೆ ಮಾರುಕಟ್ಟೆಯಲ್ಲಿ ಕೊಬ್ಬರಿ ಬೆಲೆ ಕನಿಷ್ಠ ₹7,500 ಇದ್ದರೆ ಗರಿಷ್ಠ ಧಾರಣೆ ₹10,800 ಆಗಿತ್ತು. ಕೆ.ಆರ್. ಪೇಟೆ ಮಾರುಕಟ್ಟೆಯಲ್ಲಿ ಕೊಬ್ಬರಿ ಬೆಲೆ ₹10,000 ಆಗಿತ್ತು.

ರಾಜ್ಯದ ವಿವಿಧ ಮಾರುಕಟ್ಟೆಗಳಲ್ಲಿ ಕೊಬ್ಬರಿ ದರ (ಪ್ರತಿ ಕ್ವಿಂಟಾಲ್‌ಗೆ)

ಕ್ರಮ ಸಂಖ್ಯೆ	ಮಾರುಕಟ್ಟೆ	ವಿಧ	ಕನಿಷ್ಠ ಬೆಲೆ	ಗರಿಷ್ಠ ಬೆಲೆ	ಸರಾಸರಿ ಬೆಲೆ
1	ಅರಸೀಕೆರೆ	ಕೊಬ್ಬರಿ	₹7,500	₹10,800	₹9,510
2	ತಿಪಟೂರು	ಕೊಬ್ಬರಿ	₹8,800	₹9,800	₹9,500
3	ಕೆ.ಆರ್.ಪೇಟೆ	ಕೊಬ್ಬರಿ	₹10,000	₹10,000	₹10,000
4	ಪುತ್ತೂರು	ಬೇರೆ	₹5,500	₹9,200	₹7,350
5	ಹುಳಿಯಾರು	ಬಾಲ್	₹9,800	₹10,010	₹10,000

English summary

On february 1st , Arecanut prices near the ₹49,000 in Karnataka markets, experiencing a slight increase, while Copra prices witnessed a mild rise, ranging between Rs. 7,500 and Rs. 10,000. latest price updates for Copra and Arecanut.