Tirupati Tirumala: ಬಹುದಿನಗಳ ನಂತರ ತಿರುಮಲ ಶ್ರೀವಾರಿ ಹುಂಡಿಗೆ ಭರ್ಜರಿ ಆದಾಯ.. ದಾಖಲೆ ಮುರಿದ ತಿಮ್ಮಪ್ಪ!
ತಿರುಮಲ ಶ್ರೀಗಳಿಗೆ ಮತ್ತೊಮ್ಮೆ ಹಣದ ಸುರಿಮಳೆಯಾಗಿದೆ. ಬಹಳ ದಿನಗಳ ನಂತರ ದಾಖಲೆ ಮಟ್ಟದಲ್ಲಿ ತಿರುಪತಿ ತಿಮ್ಮಪ್ಪನ ಆದಾಯ ಹೆಚ್ಚಾಗಿ ಸಂಗ್ರಹವಾಗಿದೆ. ಭಾನುವಾರವಷ್ಟೇ 5.04 ಕೋಟಿ ರೂಪಾಯಿ ಆದಾಯ ಬಂದಿದೆ ಎಂದು ಟಿಡಿಪಿ ತಿಳಿಸಿದೆ.
ಇದು ಈ ತಿಂಗಳ ಗರಿಷ್ಠ ದಾಖಲೆ ಆದಾಯ ಇದಾಗಿದೆ. ಡಿಸೆಂಬರ್ ತಿಂಗಳಲ್ಲೂ 5 ಕೋಟಿ ರೂಪಾಯಿ ಆದಾಯ ಸಂಗ್ರಹವಾಗಿತ್ತು. ಭಾನುವಾರ ಮಾತ್ರ ಈ ತಿಂಗಳಲ್ಲಿ ಮೊದಲ ಬಾರಿಗೆ ದಾಖಲೆಯ ಆದಾಯ ತಲುಪಿದೆ.
ಮತ್ತೊಂದೆಡೆ ತಿರುಮಲದಲ್ಲಿ ಭಕ್ತರ ನೂಕುನುಗ್ಗಲು ಮುಂದುವರಿದಿದೆ. ಸಾಲು ಸಾಲು ರಜಾ ದಿನಗಳು ಇರುವುದರಿಂದ ಬೆಟ್ಟದ ಮೇಲೆ ವಾಹನ ಸಂಚಾರ ದಿಢೀರ್ ಹೆಚ್ಚಾಯಿತು. ಶುಕ್ರವಾರದಿಂದಲೂ ತಿರುಪತಿಯಲ್ಲಿ ಈ ಜನ ದಟ್ಟಣೆ ಕಂಡು ಬಂದಿದೆ.
ಭಾನುವಾರ 85,142 ಭಕ್ತರು ತಿರುಮಲ ಶ್ರೀಗಳ ದರ್ಶನ ಪಡೆದರು. ಬರೋಬ್ಬರಿ 5.04 ಕೋಟಿ ರೂಪಾಯಿ ಆದಾಯ ಸಂಗ್ರಹವಾಗಿದೆ. 22,064 ಭಕ್ತರು ತಾಲನಿಲ ಸಮರ್ಪಿಸಿ ಪೂಜೆ ಸಲ್ಲಿಸಿದರು. ಕಳೆದ ದಿನ 21 ಕಂಪಾರ್ಟ್ ಮೆಂಟ್ ಗಳಲ್ಲಿ ಭಕ್ತರು ಸ್ವಾಮಿಯ ದರ್ಶನಕ್ಕಾಗಿ ಕಾಯುತ್ತಿರುವ ದೃಶ್ಯಗಳು ಕಂಡು ಬಂದಿವು.
ಯಾವುದೇ ಟೋಕನ್ ಇಲ್ಲದೆ ಭಕ್ತರಿಗೆ ಸರ್ವದರ್ಶನ 12 ಗಂಟೆ ತೆಗೆದುಕೊಳ್ಳುತ್ತದೆ. ಸರತಿ ಸಾಲುಗಳು ನಿಲುಗಡೆ ಸ್ಥಳಗಳು ಮತ್ತು ನಾರಾಯಣಗಿರಿ ಶೆಡ್ಗಳು ಸಂಪೂರ್ಣವಾಗಿ ಭರ್ತಿಯಾಗಿದ್ದವು. ಸ್ವಾಮಿಯ ಸರ್ವದರ್ಶನಕ್ಕೆ 10 ಗಂಟೆಗೂ ಹೆಚ್ಚು ಸಮಯ ಹಿಡಿಯಿತು. ಸತತ ರಜಾ ದಿನಗಳಿಂದಾಗಿ ಏಕಾಏಕಿ ತಿರುಮಲದಲ್ಲಿ ಭಕ್ತರ ಸಂಖ್ಯೆ ಹೆಚ್ಚಾಗಿ ನೂಕುನುಗ್ಗಲು ಕಂಡು ಬಂತು.
ತಿರುಮಲ ಶ್ರೀವಾರಿ ದೇಗುಲದಲ್ಲಿ ಫೆಬ್ರವರಿ ತಿಂಗಳಿನಲ್ಲಿ ಆಚರಿಸಲಾಗುವ ವಿಶೇಷ ದಿನಗಳ ವಿವರ ಇಲ್ಲಿದೆ.
- ಫೆಬ್ರವರಿ 9 ರಂದು ಶ್ರೀ ಪುರಂದರದಾಸರ ಆರಾಧನೋತ್ಸವ.
- ಫೆಬ್ರವರಿ 10 ರಂದು ತಿರುಕಚಿನಂಬಿ ಉತ್ಸವಾರಂಭ.
- ಫೆಬ್ರವರಿ 14 ರಂದು ವಸಂತ ಪಂಚಮಿ.
- ಫೆಬ್ರವರಿ 16 ರಂದು ರಥಸಪ್ತಮಿ.
- ಫೆಬ್ರವರಿ 19 ರಂದು ತಿರುಕಚಿನಂಬಿ ಸತ್ತುಮೊರ.
- ಫೆಬ್ರವರಿ 20 ರಂದು ಭೀಷ್ಮ ಏಕಾದಶಿ.
- ಫೆಬ್ರವರಿ 21 ಶ್ರೀ ಕುಲಶೇಖರಾಳ್ವಾರ್ ವರ್ಷ ತಿರುನಕ್ಷತ್ರ.
- ಫೆಬ್ರವರಿ 24ರಂದು ಕುಮಾರಧಾರ ತೀರ್ಥಮುಕ್ಕೋಟಿ, ಮಾಘ ಪೌರ್ಣಮಿ ಗರುಡಸೇವೆ.
ಏಪ್ರಿಲ್ ತಿಂಗಳಿನಲ್ಲಿ ಸ್ವಾಮಿಯ ದರ್ಶನಕ್ಕೆ ಬರುವ ಭಕ್ತರಿಗೆ ದರ್ಶನ ಟಿಕೆಟ್ ಜೊತೆಗೆ ಆರ್ಜಿತ ಸೇವಾ ಟಿಕೆಟ್ ಕೋಟಾವನ್ನು ಟಿಟಿಡಿ ಬಿಡುಗಡೆ ಮಾಡಿದೆ. https://ttdevasthanams.ap.gov.in/ ನಿಂದ ದರ್ಶನಕ್ಕಾಗಿ ಟಿಕೆಟ್ ಬಿಡುಗಡೆ ಮಾಡಿದೆ.
ಅರ್ಜಿತ ಸೇವೆಗಳಾದ ಸುಪ್ರಭಾತಂ, ತೋಮಾಲ, ಅರ್ಚನೆ, ಅಷ್ಟದಳ ಪಾದ ಪದ್ಮಾರಾಧನೆ, ಊಂಜಲ ಸೇವೆ (ತೊಟ್ಟಿಲು ಸೇವೆ) ಟಿಕೆಟ್ಗಳನ್ನು ಲಕ್ಕಿ ಡಿಪ್ನಲ್ಲಿ ಹಂಚಿಕೆ ಮಾಡಲಾಗುತ್ತದೆ. ಭಕ್ತರು ಜನವರಿ 18 ಇಂದು ಬೆಳಗ್ಗೆ 10ರಿಂದ ಜನವರಿ 20ರ ಬೆಳಗ್ಗೆ 10 ಗಂಟೆಯೊಳಗೆ ಅರ್ಜಿತ ಸೇವಾ ಟಿಕೆಟ್ಗಾಗಿ ಆನ್ಲೈನ್ನಲ್ಲಿ ನೋಂದಾಯಿಸಿಕೊಂಡಿದ್ದಾರೆ ಎಂದು ಟಿಟಿಡಿ ಸೂಚಿಸಿದೆ.
ಇನ್ನೇನು ಕೆಲವೇ ದಿನಗಳಲ್ಲಿ ಮೇ ತಿಂಗಳ ವಿಶೇಷ ಟಿಕೆಟ್ಗಳನ್ನು ಟಿಟಿಡಿ ಬಿಡುಗಡೆ ಮಾಡಲಿದೆ.
Click it and Unblock the Notifications
Sign in with Google