ನಿಮ್ಮ ಪ್ರವಾಸ ಆರೋಗ್ಯಕರವಾಗಿರಬೇಕೆ? ಈ 5 ಸರಳ ಟಿಪ್ಸ್ ಫಾಲೋ ಮಾಡಿ
ಬೆಂಗಳೂರು, ಫೆಬ್ರವರಿ 11: ಕೋಶ ಓದು ಇಲ್ಲವೇ ದೇಶ ಸುತ್ತು ಎಂಬ ಮಾತಿದೆ. ಅದರಂತೆ ಇತ್ತೀಚಿನ ದಿನಗಳಲ್ಲಿ ಟ್ರಾವೆಲ್ಲರ್ಗಳ ಸಂಖ್ಯೆ ಹೆಚ್ಚುತ್ತಿದೆ. ಇಷ್ಟದ ಹಾಗೂ ಹೊಸ ಹೊಸ ಸ್ಥಳಗಳಿಗೆ ಆಗಾಗ ನೀವು ಭೇಟಿ ನೀಡುವವರಾದರೆ, ತಪ್ಪದೇ ನೀವು ಈ ಪ್ರಮುಖ 5 ಸಂಗತಿಗಳನ್ನು ತಿಳಿದುಕೊಳ್ಳಬೇಕು. ಇದರಿಂದ ನಿಮ್ಮ ಪ್ರಯಾಣ ಇನ್ನಷ್ಟು ಸುಖಕರವಾಗಿರುತ್ತದೆ.
ಮೊದಲು ನೀವು (Traveller) ನಿಮ್ಮ ಪ್ರಯಾಣಕ್ಕೆ ಎಷ್ಟು ದೂರದ್ದು, ಎಷ್ಟು ದಿನಗಳ ವರೆಗೆ ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು. ಏಕೆಂದರೆ ಪ್ರತಿ ಪ್ರಯಾಣವು ದೈಹಿಕ ಬಳಲಿಕೆ ಒಳಗೊಂಡಿರುತ್ತದೆ. ಪ್ರಯಾಣದಲ್ಲಿ ಕೆಲವು ಟಿಪ್ಗಳನ್ನು ನೀವು ಅನುಸರಿಸದಿದ್ದರೆ ನೀವು ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆ ಇರುತ್ತದೆ.
ಸೂಕ್ತ ಪ್ಲಾನ್ ಇಲ್ಲದ ಪ್ರಯಾಣದಲ್ಲಿ ಒಮ್ಮೊಮ್ಮೆ ಅನಾರೋಗ್ಯ, ಅಪಾಯ ಎದುರಾದರೆ ಪ್ರವಾಸ ಅರ್ಧಕ್ಕೆ ಮೊಟಕುಗೊಳ್ಳಬಹುದು. ನಿಜವಾದ ಟ್ರಾವೆಲರ್ ಪ್ರವಾಸದ ಒಂದು ಗಂಟೆ ಸಮಯವನ್ನು ವ್ಯರ್ಥವಾಗಲು ಬಯಸುವುದಿಲ್ಲ. ಆದ್ದರಿಂದ ನೀವು ಪೂರ್ವ ಯೋಜಿತ ಪ್ರವಾಸದ ಜೊತೆಗೆ ಈ 5 ಟಿಪ್ಗಳನ್ನು ಅನುಸರಿಸಿದರೆ ಯಾವುದೇ ತೊಂದರೆ ಇಲ್ಲದೇ ಒಂದೊಳ್ಳೆ ಪ್ರವಾಸವನ್ನು ನೀವು ಆರೋಗ್ಯಯುತವಾಗಿ ಎಂಜಾಯ್ ಮಾಡಬಹುದು. ಅದಕ್ಕಾಗಿ ಈ ಕೆಳಗಿನ 5 ಸಲಹೆ ಇಲ್ಲಿ ತಿಳಿಯಿರಿ.
ಪ್ರಯಾಣದಲ್ಲಿ ಆರೋಗ್ಯವಾಗಿರಲು 5 ಮಾರ್ಗಗಳು
1. ಪದೇ ಪದೇ ನೀರು ಸೇವಿಸಿ-ಹೈಡ್ರೇಟೆಡ್ ಆಗಿರಿ
ಪ್ರಯಾಣವು ಬಹಳಷ್ಟು ಬಳಲಿಕೆಯನ್ನು ಒಳಗೊಂಡಿರುತ್ತದೆ. ಆದ್ದರಿಂದ, ನೀವು ಪ್ರಯಾಣದಲ್ಲಿ ಕಾಲಕಾಲಕ್ಕೆ ನೀರನ್ನು ಕುಡಿಯುವುದು ಮುಖ್ಯವಾಗಿರುತ್ತದೆ. ಪ್ರಯಾಣದ ವೇಳೆ ದೇಹದಲ್ಲಿ ನೀರಿನ ಅಂಶವು ಹೆಚ್ಚಿದ್ದರೆ, ಅದು ನಿಮಗೆ ಶಕ್ತಿಯುತವಾಗಿರಲು ಸಹಾಯ ಮಾಡುತ್ತದೆ. ಜತೆಗೆ ಕರುಳಿನ ಸಮಸ್ಯೆಗಳ ಅಪಾಯಗಳನ್ನು ತಡೆಯುತ್ತದೆ. ಏಕೆಂದರೆ ಪ್ರಯಾಣದ ಸಮಯದಲ್ಲಿ ಈ ಸಮಸ್ಯೆಗಳು, ಶಕ್ತಿ ಕುಂದುವುದು ಸಾಮಾನ್ಯವಾಗಿರುತ್ತದೆ.
2. ಆರೋಗ್ಯಕರ ಉಪಹಾರ ಸೇವಿಸಿ
ಪ್ರಯಾಣದ ದಿನವನ್ನು ನೀವು ಬೆಳಗ್ಗೆ ಆರೋಗ್ಯಕರ ಉಪಹಾರ ಸೇವಿಸುವ ಮುಖೇನ ಆರಂಭಿಸಿ. ಉತ್ತಮ ಉಪಹಾರವು ಉತ್ತಮ ದಿನ ಆರಂಭಕ್ಕೆ ಸಹಾಯ ಮಾಡುತ್ತದೆ. ಅಂದರೆ ಪ್ರಯಾಣಕ್ಕೆ ಅಣಿಯಾಗಿರುವ ನಿಮ್ಮ ದೇಹಕ್ಕೆ ಹೆಚ್ಚು ಶಕ್ತಿ ನೀಡಲು ಇದು ಅಗತ್ಯವಾಗುತ್ತದೆ.
ದೇಹಕ್ಕೆ ಶಕ್ತಿ ಲೋಡ್ ಆದರೆ ಆಮ್ಲೀಯತೆ, ಉಬ್ಬುವುದು ಮತ್ತು ಇತರ ಆರೋಗ್ಯದ ಅಪಾಯಗಳು ಕಡಿಮೆ ಎನ್ನುತ್ತಾರೆ ವೈದ್ಯರು. ಹಗಲಿನಲ್ಲಿ ದೇಹವು ನಾನಾ ರೂಪದಲ್ಲಿ ಹೆಚ್ಚು ಶಕ್ತಿ ಬೇಡುತ್ತದೆ. ಆದ್ದರಿಂದ ಬೆಳಗಿನ ಉಪಹಾರ ಆರೋಗ್ಯಯುತವಾಗಿರಬೇಕು. ಮತ್ತು ಕಡಿಮೆ ತಿನ್ನದೇ ಅಗತ್ಯವಾದಷ್ಟು ತಿನ್ನಲೇ ಬೇಕಿರುತ್ತದೆ.
3. ಹಾಳಾಗದ ತಿಂಡಿ ಕ್ಯಾರಿ ಮಾಡಿ
ಗೊತ್ತಿಲ್ಲದ ಸ್ಥಳ, ದೂರದ ಪ್ರಯಾಣ ಇಲ್ಲವೇ ಟ್ರೆಕ್ಕಿಂಗ್ ನಂತಹ ಪ್ರವಾಸದಲ್ಲಿ ನೀವು ಹೆಚ್ಚು ಹೆಚ್ಚು ನಡೆಯಬೇಕಿರುತ್ತದೆ. ಇದು ನಿಮ್ಮ ಉಪಹಾರವನ್ನು ಬೇಗನೆ ಜೀರ್ಣವಾಗಿಸಿಬಿಡುತ್ತದೆ. ಹಾಗಾಗಿ ಕಡಿಮೆ ಸಮಯದಲ್ಲಿಯೇ ನಿಮಗೆ ಹಸಿವು ಆಗುತ್ತದೆ. ಆದ್ದರಿಂದ ನೀವು ಕೆಡದ ತಿಂಡಿಗಳನ್ನು ಬ್ಯಾಗ್ನಲ್ಲಿ ಒಯ್ದರೆ ಬೇಕಾದಾಗ ತಿನ್ನಬಹುದು. ಅದರಲ್ಲೂ ನೀವು ಡ್ರೈಫ್ರೂಟ್ಸ್ ನಂತಹ ಕೆಲವು ಪದಾರ್ಥ ಒಯ್ದರೆ ನಡೆಯಲು ಹೆಚ್ಚು ಶಕ್ತಿ ನೀಡುತ್ತದೆ. ಹಸಿವಿನ ಸಂಕಟ ದೂರ ಮಾಡುತ್ತದೆ. ಜತೆಗೆ ಬಿಸ್ಕತ್ತು, ಹಣ್ಣುಗಳು ಇನ್ನಿತರ ಆರೋಗ್ಯಕರ ತಿಂಡಿ ಪ್ಯಾಕೆಟ್ ಸಹ ಒಯ್ಯಬಹುದು.
4. ಜಂಕ್ ಫುಡ್ ನಿಂದ ದೂರವಿರಿ
ಒಬ್ಬ ಟ್ರಾವೆಲ್ನ ಪ್ರವಾಸ ಯಶಸ್ವಿಯಾಗಲು ಆತ ಸೇವಿಸುವ ಆಹಾರ ಪೂರಕವಾಗಿರಬೇಕು. ಅಂದರೆ ಜಂಕ್ ಫುಡ್ ತಿಂದ ಮಾತ್ರಕ್ಕೆ ನಿಮ್ಮ ಆರೋಗ್ಯ ಹಾಳಗಿಬಿಡುತ್ತದೆ ಎಂದಲ್ಲ. ಜಂಕ್ ಫುಡ್ ಪ್ರಯಾಣದ ವೇಳೆ ಹೊಟ್ಟೆ ಕಡೆಸಬಹುದು. ಒಂದು ವೇಳೆ ನೀವು ಜಂಕ್ ಫುಡ್ ಒಯ್ದರೆ ಅವುಗಳನ್ನು ಪ್ರಯಾಣದ ಕೊನೆಯ ದಿನಗಳಲ್ಲಿ ಬಳಸಿಕೊಳ್ಳುವಂತೆ ಪ್ಲಾನ್ ಮಾಡಿಕೊಳ್ಳಿ. ಉಳಿದಂತೆ ಪ್ರವಾಸದ ಆರಂಭಿಕ ದಿನಗಳಲ್ಲಿ ನಿಮ್ಮ ಆಹಾರದ ಆಯ್ಕೆ ಬಗ್ಗೆ ಜಾಗರೂಕರಾಗಿರುವುದು ಉತ್ತಮ.
5. ಸುರಕ್ಷಿತ ಆಹಾರ ಆಯ್ಕೆಗಳು ನಿಮ್ಮದಾಗಿರಲಿ
ನೀವು ಆಹಾರಪ್ರಿಯರಾಗಿದ್ದರೆ, ನೀವು ಪ್ರಯಾಣಿಸುವ ಪ್ರದೇಶದ ಆಹಾರ ಸಂಸ್ಕೃತಿ ಬಗ್ಗೆ ಅನ್ವೇಷಿಸಿ. ಇದರಿಂದ ಆಯಾ ಸ್ಥಳದ ಆಹಾರ ಪದ್ಧತಿ ಬಗ್ಗೆ ತಿಳಿಯುತ್ತದೆ. ಆನ್ಲೈನ್ ಮೂಲಕವು ನೀವು ಅನ್ವೇಷಿಸಿದರೆ, ಯಾವ ಹೋಟೆಲ್, ಆಹಾರ ಸುರಕ್ಷಿತ, ರೇಟಿಂಗ್ ಎಷ್ಟು ಎಂಬುದು ಗೊತ್ತಾಗುತ್ತದೆ. ಅಲ್ಲದೇ ಪ್ರಯಾಣಕ್ಕೆ ತೊಂದರೆ ಆಗದಂತಹ ಹೊಸ ಬಗೆಯ ಆ ನೆಲದ ಆಹಾರಗಳನ್ನು ನೀವು ಸವಿಯಲು ಅನ್ವೇಷನೆ ನೆರವಾಗುತ್ತದೆ. ಹೊಸ ರುಚಿ ನೋಡಿದಂತಾಗುತ್ತದೆ. ಹೀಗಾಗಿ ಸುರಕ್ಷಿತ ಆಹಾರದ ಜತೆ ನಿಮ್ಮ ಪ್ರವಾಸ ಸುಖಕರವಾಗಿದ್ದು, ಉತ್ತಮ ಅನುಭವಗಳ ಜತೆ ಮರಳಿ..
ಈ ಟಿಪ್ಗಳನ್ನು ಅನುಸರಿಸಿದರೆ ನಿಮ್ಮ ಪ್ರವಾಸ ಸ್ಮರಣೀಯವಾಗಿರುತ್ತದೆ. ಜತೆಗೆ ಇದನ್ನು ನೀವು ನಿಮ್ಮ ಸ್ನೇಹಿತರ ಜತೆಗೆ ಶೇರ್ ಮಾಡಿಕೊಳ್ಳಬಹುದಾಗಿದೆ.
Click it and Unblock the Notifications
Sign in with Google