ಚಿತ್ರ ಚಿತ್ತಾರ - ಚುಟುಕು ವಿಚಾರ

ಚಿತ್ರ ಚಿತ್ತಾರ - ಚುಟುಕು ವಿಚಾರ
ಅತಿಥಿ ದೇವೋ ಭವ!
(ವಿಶ್ವಕನ್ನಡ ಸಮ್ಮೇಳನ 2006ರ ದಿನಗಣನೆ ಚಿತ್ರಸಂಪುಟ ರೂಪದಲ್ಲಿ)

ಸಮ್ಮೇಳನಕ್ಕೆ ಭಾರತದಿಂದ ಬರುತ್ತಿರುವ ಕಲಾವಿದರು, ಸಾಹಿತಿಗಳು, ಅತಿಥಿಗಳು... ಇವರನ್ನೆಲ್ಲ ಸಮ್ಮೇಳನ ಶುರುವಾಗುವವರೆಗೆ ಮತ್ತು ಸಮ್ಮೇಳನ ಮುಗಿದ ಕೂಡಲೆ (ಸಮ್ಮೇಳನದ ದಿನಗಳಲ್ಲಿ ಹೊಟೆಲ್‌ ವ್ಯವಸ್ಥೆ ಇದೆಯಾದರೂ) ತಂತಮ್ಮ ಮನೆಗಳಲ್ಲಿ ಉಳಿದುಕೊಳ್ಳುವ ಅನುಕೂಲ ಮಾಡಿಕೊಟ್ಟಿರುವ ಸ್ವಯಂಸೇವಕ ಕುಟುಂಬಗಳು ಬಹಳಷ್ಟಿವೆ. ಮುಖ್ಯವಾಗಿ ಬಾಲ್ಟಿಮೋರ್‌ ಪರಿಸರದಲ್ಲಿನ ಕನ್ನಡಿಗ ಕುಟುಂಬಗಳು ಈ ನಿಟ್ಟಿನಲ್ಲಿ ಪ್ರಶಂಸನೀಯ ಸಹಕಾರ ತೋರಿಸುತ್ತಿವೆ.

ಅತಿಥಿಗಳಿಗೆ ವಸತಿವ್ಯವಸ್ಥೆ ಮಾತ್ರವಲ್ಲದೆ ವಿಮಾನನಿಲ್ದಾಣದಿಂದ ಶಟಲ್‌ ಸರ್ವೀಸ್‌ನ ಏರ್ಪಾಡು, ಸಮ್ಮೇಳನದ ದಿನಗಳಲ್ಲಿ ಸಭಾಂಗಣದ ಪಕ್ಕದಲ್ಲೇ ಡೇ-ಕೇರ್‌-ಸೆಂಟರ್‌ (ಇದಕ್ಕೆ ‘ಕಾರಂತ ಬಾಲವನ’ ಎಂದು ಹೆಸರಿಡಲಾಗಿದೆ), ಸಮ್ಮೇಳನದ ನಂತರ ‘ವಾಷಿಂಗ್ಟನ್‌ ಡಿಸಿ ದರ್ಶನ’ಕ್ಕೆ ವ್ಯವಸ್ಥೆ - ಇತ್ಯಾದಿ ಅನೇಕ ಏರ್ಪಾಡುಗಳನ್ನು ಅಚ್ಚುಕಟ್ಟಾಗಿ ಮಾಡಲು ‘ಆತಿಥ್ಯ ಸಮಿತಿ’ಯು ದುಡಿಯುತ್ತಿದೆ.

ಚಿತ್ರದಲ್ಲಿ ನಾಗೇಶ್‌ (ಬಲಬದಿಯಲ್ಲಿರುವವರು, ಆತಿಥ್ಯಸಮಿತಿ ಸ್ವಯಂಸೇವಕ) ಸೀತಾರಾಮ ಗೌಡ (ಎಡಬದಿಯಲ್ಲಿರುವವರು) ಅವರೊಂದಿಗೆ ಆತಿಥ್ಯವ್ಯವಸ್ಥೆಯ ಅಂತಿಮರೂಪವನ್ನು ಸಮಾಲೋಚಿಸುತ್ತಿದ್ದಾರೆ.

ಸಂಯೋಜನೆ ಮತ್ತು ನಿರೂಪಣೆ - ಶ್ರೀವತ್ಸ ಜೋಶಿ ; ಮೇರಿಲ್ಯಾಂಡ್‌ ([email protected])
ಸಹಕಾರ - ಹರಿದಾಸ್‌ ಲಹರಿ ; ವರ್ಜೀನಿಯ ([email protected])

ಸಮ್ಮೇಳನದ ಕೌಂಟ್‌ಡೌನ್‌ ಆರಂಭ : ಇನ್ನು ಕೇವಲ 2 ದಿನ ಬಾಕಿ ಉಳಿದಿವೆ!!!