ಮುತ್ತಿನ ಕಿಮ್ಮತ್ತು ಗಮ್ಮತ್ತೇನೆಂದು ಬಲ್ಲವರಾರು?
ಪ್ರೀತಿ ವಾತ್ಸಲ್ಯದ ಮುದ್ದಿನ ಮುದ್ರೆಯೇ ಮುತ್ತು
ಬಾಲ್ಯ ಯೌವನ ಮುದಿತನ ಎಲ್ಲಾ ಪ್ರಾಯದಲ್ಲೂ
ಮುದ ನೀಡುವ ಮಧುರಸ ರಹಸ್ಯ ಸೋಮರಸ
ರಾಸಾಯನವಾಗಿ ವಿನಿಮಯವಾದರೆ ಇಲ್ಲ ಆಪತ್ತು
ವಿಪತ್ತು ಕುತ್ತು ಕತ್ತಿಯಿಂದ ಕತ್ತುಳಿಸುವ ಮದ್ದಾಯಿತು
ಅಕ್ಕರೆಯ ಆಪ್ತ ಪರಮಾಪ್ತರೆನಿಸಿದವರ ಈ ಸೊತ್ತು
ಸಿಕ್ಕಿದಾಗ ಮತ್ತು ಮುತ್ತಿನ ಗಮ್ಮತ್ತು ಮಹಾ ಸಂಪತ್ತು
ಎರಡು ತುಟಿಗಳ ಮೇಲೆ ಕೆಳಗೆ ನಡುವೆ
ಕೆನ್ನೆ ಕಣ್ಣು ದ್ವಯಗಳ ಗಲ್ಲ ಗುಳಿಗಳ ಮೇಲೆ
ಹಣೆ ತಲೆ ಹೆಂಗುರುಳು ಕೈ ಮೈ ಮೇಲೆಲ್ಲಾ
ಮುತ್ತಿಕ್ಕಿದಾಗ ಒಲುಮೆಯಿಂದ ನಾಚಿದಾಗ
ಸೂರ್ಯೋದಯ ಅಸ್ತಮಾನಗಳ ನಸುಗೆಂಪು
ಮಲ್ಲಿಗೆಯಾದ ತನುಮನ ಹೃದಯದಲ್ಲಿ
ಸೊಂಪಾದ ತಂಪು ಧೈರ್ಯೋಲ್ಲಾಸ ನೀಡುವ
ದಣಿವಾರಿಸುವ ಸಂಜೀವಿನಿ ಅಮೃತಪಾನ ಸಮಾನ
ಮಮಕಾರದ ದಿವ್ಯಸಾರವಿದೊಂದು ಚಮತ್ಕಾರ
ಭವ್ಯತೆಯಾ ವೈಭವ ತಿಳಿದಿಹರೆಲ್ಲಾ ಮಾನವ ಲೋಕದಲಿ
ದೇವ ದಾನವ ಕಿನ್ನರ ಯಕ್ಷ ಗಂಧರ್ವ ಲೋಕಗಳಲ್ಲೂ
ಅಳಿಸಲಾಗದ ಗುರುತು ಹೆಗ್ಗುರುತು
ನಲ್ಲ ನಲ್ಲೆ ಪ್ರಿಯಕರ ಪ್ರಿಯೆಯಲ್ಲೂ
ಸ್ನೇಹಿತರೂ ಮಿತ್ರ ಅನುಬಂಧನದಲ್ಲೂ
ಸಂಬಂಧಿಕ ಬಂಧು ಬಾಂಧವರಲ್ಲೂ
ಪವಿತ್ರ ಸತಿಪತಿ ಪತಿವ್ರತೆಯರಲ್ಲೂ
ವಿಚಿತ್ರ ಆಕರ್ಷಣೆ ಪ್ರೇಮ ಕಾಮ ಲೋಕದಲ್ಲಿ
ಕಾಮಿಸುವ ದಾಹ ತೀರಿಸುವ ದಾಸ ದಾಸಿಯರಲ್ಲೂ
ಮಾತಾ ಪ್ರಮಾತಾ ಪ್ರಮಾತಾಮಹಾರಲ್ಲೂ
ಪಿತ ಪ್ರಪಿತ ಪ್ರಪಿತಮಹಾರಲ್ಲೂ
ಮುತ್ತಿನ ಕಿಮ್ಮತ್ತು ಏನೆಂದು ಅದೇನೆಂದು
ಬಲ್ಲವರಾರು? ಗುಟ್ಟುರಟ್ಟು ಆಗಿದೆಯೇ?
ಇಲ್ಲ! ಗುಟ್ಟುರಟ್ಟು ಆಗಬಹುದೇ?
ಮುತ್ತು ಕೊಟ್ಟು ದಣಿದವರು ಯಾರು ಇಲ್ಲ
ಬಲ್ಲವರು; ಅದಕೆ ಸೋತು ಗೆದ್ದು ಗೆಲುವವರೇ.....
Click it and Unblock the Notifications
Sign in with Google