ನೀನು-ನಾನು

• ಸುಕುಮಾರ್‌ ಎಸ್‌. ರಘುರಾಂ

ಚಳಿಗಾಲದ ಬೋಳು ಮರಗಳ ಸಾಲು

ಒಡೆದ ಮೋಡದ ಜಿಟಿ ಜಿಟಿ ಹಾಡುಗಳು

ಕತ್ತಲಲಿ ನೀನು-ನಾನು

ತುಂಟ ಚಂದ್ರಮನಿಗೆ ಇಣುಕುವ ಚಪಲ
ರೋಹಿಣಿಯ ಸಖಿಯರಿಗೆ ಕೆಟ್ಟ ಕುತೂಹಲ
ಬೆತ್ತಲಲಿ ನೀನು-ನಾನು

ನಿಶ್ಯಬ್ದ ಮರುತನಿಗೆ ಕದ್ದು ಕೇಳುವ ಬಯಕೆ
ಹರಿವ ನದಿಗಳಿಗೀಗ ಮಂಜುಗಡ್ಡೆಯ ಹೊದಿಕೆ
ಮತ್ತಿನಲಿ ನೀನು-ನಾನು

ಸಂತಸದಿ ಅರಳುತಿಹ ಬ್ರಹ್ಮಕಮಲದ ಜೋಡಿ
ಹಿಗ್ಗಿನಲಿ ಗುನುಗುತಿಹ ಜೀರುಂಡೆಗಳ ಮೋಡಿ
ಸ್ಫೂರ್ತಿಯಲಿ ನೀನು-ನಾನು

ಅಪ್ಪುಗೆಯ ಸೆರೆಯಲ್ಲಿ ಹಸಿ ಹಸಿ ಮುತ್ತುಗಳುಬಿಸಿಯುಸಿರ ಕಾವಿನಲಿ ಜೀವಿತದ ಆಟಗಳುಮಿಲನದಲಿ ನೀನು-ನಾನು