ನಮ್ಮ ನಡುವಿನ ನಿತ್ಯ ಸುಮಂಗಲಿಯರು!

ನಿತ್ಯ ಸುಮಂಗಲಿಯರ ಬದುಕನ್ನು ಯಾವುದೇ ಪೂವಾಗ್ರಹವಿಲ್ಲದೆ ಬಂಬಿಸುವ ನಮ್ಮ ಪ್ರಯತ್ನಕ್ಕೆ ತುಂಬು ಹೃದಯದ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕಂಡದ್ದಷ್ಟೇ ಚಿತ್ರಣವಲ್ಲ, ಕಾಣದಿರುವುದೂ ಇನ್ನೂ ಸಾಕಷ್ಟಿರಬಹುದಲ್ಲವೆ?

ಪದ್ಯ 5 : ಕರ್ಮಠ

• ಪ್ರಶಾಂತ್‌ ಬೀಚಿ., ತಾನ್ಜಾನಿಯಾ
  [email protected]

ನಿನ್ನ ಮೊದಲ ನೋಟಕೆ ನಾ ಬಿರಿದೆ

ನೀನಿಲ್ಲದೆ ನನ್ನ ಜೀವನವೆ ಇಲ್ಲವೆನಿಸಿದೆ

ನಿನಗಾಗಿ ಪರಿತಪಿಸಿದೆ

ಎಲ್ಲಿ ಕಣ್ಮರೆಯಾದೆ?

ಒಂದಲ್ಲ ಎರಡಲ್ಲ ನೂರಾರು ದಿನ ಕಾದೆ
ಇಂದಲ್ಲದೆ ನಾಳೆ ಸಿಗಬಹುದು ಇಲ್ಲೆ
ಈ ದಿನ ಬಿಡಲಿಲ್ಲ, ಹಿಂಬಾಲಿಸಿದೆ
ಇಂದು ನೀ ಕಂಡೆಯಲ್ಲೆ ನಲ್ಲೆ.

ಮನಸಿನ ಉದ್ವೇಗ ನನ್ನ ನಡೆಗಿಂತ ಜೋರು
ನಿನ್ನ ಹತ್ತಿರ ಪಿಸುಗುಟ್ಟಲು ಮಾತು ನೂರು
ಇನ್ನೇನು ನಿನ್ನ ಹಿಡಿದೆ ಎನ್ನುವುದರೊಳಗೆ
ನೆಡೆದೆಯಲ್ಲೆ ನೀ ಆ ಮನೆಯೊಳಗೆ.

ಯಾರಿಗೂ ತಿಳಿಯದ ಮನೆಯೇನಲ್ಲ ಅದು
ನನ್ನ ಮನಸು ಹಿಂಜರಿಯಲೊಲ್ಲದು
ನಿನ್ನ ಜೀವನವನ್ನು ಮುಡಿಗೇರಿಸುತ್ತಿದ್ದೆ

ನೀನೇಕೆ ಆ ಮನೆಗೆ ಹೋದೆ?