ಸುಕುಮಾರ್‌ ಎಸ್‌. ರಘುರಾಂ

ರಂಗಸ್ಥಳ

ಸುಕುಮಾರ್‌ ಎಸ್‌. ರಘುರಾಂ [email protected] ಕುಂಚದ ಕಲೆಗಳ ಕೆಂಪು ಅರಿಶಿನದಿ ಕೆಸರು ನೆತ್ತರಿನ ಬಿಂಬವಿದೆ ಮಧುರ ಗಾಯನದ ಅಲೆಗಳ ಕೊಸರಲಿ ನೋವಿನ ರಾಗದ ಭಾವವಿದೆ ಮದನನು ಕಾಣುವ ಬೆಳಗಿನ ಕನಸಲಿ ಕೋಣೆಯ ಕನ್ನಡಿ ಒಡೆಯುತಿದೆ ಮಕ್ಕಳು ಮುದುಕರು ಸೇರುವ ಜಾತ್ರೆಗೆ ಕ್ರಿಮಿಗಳ ಅಣುಗಳ ಕಾವಲಿದೆ ಗರತಿಯ ಹಾಡನು ಗುನುಗುವ ಯುವತಿಯ ನೂಲಿನ ಸೀರೆಯು ಹರಿಯುತಿದೆ ಭಂಗನು ಕುಡಿದಿಹ ಸಂಜೆಯ ರವಿಯಡಿ ಕಪ್ಪು ಮೋಡಗಳ ಛಾಯೆಯಿದೆ ಮದುವೆ ಮಂಟಪದ ಮಂಗಳ ವಾದ್ಯದಿ ಯುದ್ಧದ ಗೀತೆಯು ಕೇಳುತಿದೆ ಋಷಿಗಳ ಕವಿಗಳ ಕಣ್ಣಿನ ಅಂಚಲಿ ಹನಿ ಹನಿ ಧಾರೆಯ ಮೊರೆತವಿದೆ Post your views

ಮುಖಪುಟ / ಎನ್‌ಆರ್‌ಐ