ಲಂಡನ್ನಿನ ಸ್ಲೌನಲ್ಲಿ ಮಧ್ವನವಮಿ, ಶ್ರೀಕೃಷ್ಣ ಗಾನಾಮೃತ

ಮಂತ್ರಾಲಯ ಮಠದ ಶ್ರೀ ಸುಬುಧೇಂದ್ರ ತೀರ್ಥ ಸ್ವಾಮೀಜಿಗಳ ಆಶೀರ್ವಾದ ಮತ್ತು ಮಾರ್ಗದರ್ಶನದಲ್ಲಿ "ಗ್ರೇಟ್ ಬ್ರಿಟನ್ ಶ್ರೀ ರಾಘವೇಂದ್ರ ಸ್ವಾಮಿ ಬೃಂದಾವನ್ (GB SRS ಬೃಂದಾವನ್)" ಸಂಸ್ಥೆಯು ಮಧ್ವನವಮಿ ಮತ್ತು ಶ್ರೀ ಕೃಷ್ಣ ಗಾನಾಮೃತ/ಉಯ್ಯಾಲೋತ್ಸವವನ್ನು ಆಚರಿಸುತ್ತಿದೆ.

ಲಂಡನ್ ಮಹಾನಗರದ ಸಮೀಪದಲ್ಲಿರುವ ಸ್ಲೌ (Slough) ನಗರದ ಹಿಂದೂ ದೇವಾಲಯದಲ್ಲಿ ಫೆಬ್ರವರಿ 20ರಂದು ಶನಿವಾರ ಮಧ್ವನವಮಿಯನ್ನು ವಿಜೃಂಭಣೆಯಿಂದ ಆಚರಿಸಲು ಸಿದ್ಧತೆ ನಡೆದಿವೆ. ದಿನಪೂರ್ತಿ ಹಲವಾರು ಕಾರ್ಯಕ್ರಮಗಳು ಆಯೋಜನೆಗೊಂಡಿವೆ. ಯುಕೆಯಲ್ಲಿ ಇದು ಮಧ್ವನವಮಿಯ 6ನೇ ವಾರ್ಷಿಕೋತ್ಸವ.

ಈ ಸಮಾರಂಭ ಉಚಿತವಾಗಿದ್ದು, ಎಲ್ಲ ಭಕ್ತಾದಿಗಳು ಬಂದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕಾಗಿ ಆಯೋಜಕರು ಕೋರಿದ್ದಾರೆ. ಸೇವೆಯ ವಿವರ, ಸ್ವಇಚ್ಛೆಯಿಂದ ದಾನ ಮಾಡುವವರಿಗಾಗಿ ವಿವರ ತಿಳಿಯಬಯಸುವವರು ಸಂಸ್ಥೆಯ ವೆಬ್ ಸೈಟ್ ನೋಡಬಹುದು. [ಲಂಡನ್ ನಲ್ಲಿ ರಾಘವೇಂದ್ರ ಸ್ವಾಮಿಯ 344ನೇ ಆರಾಧನೆ]

8ರಿಂದ 9 : ದೇವರ ಪೂಜೆ
9ರಿಂದ 11 : ಶ್ರೀ ಹರಿವಾಯು ಸ್ತುತಿ ಮತ್ತು ಪಂಚಾಮೃತ ಅಭಿಷೇಕ
11ರಿಂದ 12 : ಭಜನೆ
12ರಿಂದ 12.30 : ಮಹಾ ಮಂಗಳಾರತಿ
12.30ರಿಂದ 14.30 : ತೀರ್ಥ ಪ್ರಸಾದ (ಊಟ)
15ರಿಂದ 17 : ಶ್ರೀ ಕೃಷ್ಣ ಗಾನಾಮೃತ (ಗ್ರೇಟ್ ಬ್ರಿಟನ್ ಶ್ರೀ ರಾಘವೇಂದ್ರ ಸ್ವಾಮಿ ಬೃಂದಾವನ್ ತಂಡದಿಂದ ಸಾಂಸ್ಕೃತಿಕ ಕಾರ್ಯಕ್ರಮ)
17ರಿಂದ 18 : ಉಯ್ಯಾಲೋತ್ಸವ (ಶ್ರೀ ಕೃಷ್ಣನಿಗೆ ಉಯ್ಯಾಲೆ ಸೇವೆ)

ಕಳೆದ ವರ್ಷದ ಸೆಪ್ಟೆಂಬರ್ ತಿಂಗಳಲ್ಲಿ ರಾಘವೇಂದ್ರ ಸ್ವಾಮಿಗಳ 344ನೇ ಆರಾಧನೆಯನ್ನು (6ನೇ ವಾರ್ಷಿಕೋತ್ಸವ) ಗ್ರೇಟ್ ಬ್ರಿಟನ್ ಶ್ರೀ ರಾಘವೇಂದ್ರ ಸ್ವಾಮಿ ಬೃಂದಾವನ್ ನಲ್ಲಿ ಆಯೋಜಿಸಲಾಗಿತ್ತು. 500ಕ್ಕೂ ಹೆಚ್ಚು ಭಕ್ತಾದಿಗಳು ಈ ಸಮಾವೇಶದಲ್ಲಿ ಪಾಲ್ಗೊಂಡು ರಾಯರ ಅನುಗ್ರಹಕ್ಕೆ ಪಾತ್ರರಾಗಿದ್ದರು.

ವಿಶ್ವದ ಭಕ್ತರು ವೆಬ್ ಸೈಟ್ www.gb-srsbrundavn.org ಮೂಲಕ ಮುಂದೆ ಬರುವ ಕಾರ್ಯಕ್ರಮಗಳ ಬಗ್ಗೆ ಮಾಹಿತಿ ಪಡೆಯಬಹುದು ಹಾಗು ಇಮೇಲ್ [email protected] ಮೂಲಕ ಹೆಚ್ಚಿನ ಮಾಹಿತಿ ಪಡೆಯಬಹುದು.

English summary

GB – SRS Brundavan (SRS Mutt, Mantralaya – UK Branch) has organized Madhvanavami and Sri Krishna Ganamrutha in Slough near London on 20th February, Saturday, with the blessings and guidance of Sri Subudhendra Teertha Swamiji of Mantralaya. The event is free.