ವಿಮಾನದ ಟಾಯ್ಲೆಟ್ ನಲ್ಲಿ ಕ್ಯಾಮರಾ ಇಟ್ಟು, ಕಾಕ್ಪಿಟ್ ನಲ್ಲಿ ವಿಡಿಯೋ ನೋಡಿದ ಪೈಲಟ್!
ವಾಷಿಂಗ್ಟನ್, ಅಕ್ಟೋಬರ್ 28: ಸೌತ್ ವೆಸ್ಟ್ ಏರ್ ಲೈನ್ಸ್ ನ ಇಬ್ಬರು ಪೈಲಟ್ ಗಳು ತಾವು ಚಾಲನೆ ಮಾಡುತ್ತಿದ್ದ ವಿಮಾನದ ಟಾಯ್ಲೆಟ್ ನಲ್ಲಿ ಕ್ಯಾಮರಾ ಇರಿಸಿ, ಅದರಲ್ಲಿ ಚಿತ್ರೀಕರಣಗೊಂಡ ದೃಶ್ಯಗಳನ್ನು ಕಾಕ್ಪಿಟ್ ನಲ್ಲಿ ಕೂತು ನೋಡುತ್ತಿದ್ದ ಘಟನೆಯೊಂದು ಎರಡು ವರ್ಷಗಳ ಹಿಂದೆ ನಡೆದಿತ್ತು.
2017 ರಲ್ಲೇ ಈ ಘಟನೆ ನಡೆದಿದ್ದು, ಅದರ ಕುರಿತು ವಿಮಾನಯಾನ ಸಿಬ್ಬಂದಿಯೊಬ್ಬರು ದೂರು ನೀಡಿದ್ದರು. ಅದರ ವಿಚಾರಣೆ ಇನ್ನೂ ನಡೆಯುತ್ತಿದ್ದ ಇದೀಗ ಘಟನೆ ಬಹಿರಂಗಗೊಂದಿದೆ.
2017 ರ ಫೆಬ್ರವರಿಯಲ್ಲಿ ಪಿಟ್ಸ್ ಬರ್ಗ್ ನಿಂದ ಫಿನಿಕ್ಸ್ ಗೆ ತೆರಳುತ್ತಿದ್ದ ವಿಮಾನದ ಟಾಯ್ಲೆಟ್ ನಲ್ಲಿ ಹಿಡನ್ ಕ್ಯಾಮರಾ ಇಡಲಾಗಿತ್ತು. ಅದರಲ್ಲಿ ಟಾಯ್ಲೆಟ್ ಗೆ ಹೋಗಿ ಬರುವವರ ದೃಶ್ಯಗಳು ಸೆರೆಯಾಗಿತ್ತು. ಆ ಕ್ಯಾಮರಾದಲ್ಲಿ ಚಿತ್ರೀಕರಣವಾಗುತ್ತಿದ್ದ ದೃಶ್ಯಗಳನ್ನು ಪೈಲಟ್ ಗಳಿಬ್ಬರು ಕಾಕ್ಪಿಟ್ ನಲ್ಲಿ ಕುಳಿತು ವೀಕ್ಷಿಸುತ್ತಿದ್ದರು. ಈ ಸಂದರ್ಭದಲ್ಲಿ ಅಕಸ್ಮಾತ್ತಾಗಿ ಕಾಕ್ಪಿಟ್ಟಿಗೆ ರಿನೀ ಸ್ಟೇನೇಕರ್ ಎಂಬ ಗಗನಸಖಿಯೊಬ್ಬರು ಆಗಮಿಸಿದಾಗ ಅವರು ಈ ದೃಶ್ಯಗಳನ್ನು ನೋಡಿ ಆಘಾತಗೊಂಡಿದ್ದರು. ಕೂಡಲೇ ಈ ಬಗ್ಗೆ ಪ್ರಶ್ನಿಸಿದಾಗ ಪೈಲಟ್ ಗಳು ತಮಾಷೆಗೆಂದು ಮಾಡುತ್ತಿದ್ದೇವೆ. ಇವು ಹೈ ಸೆಕ್ಯುರಿಟಿ ಕ್ಯಾಮರಾಗಳು. ಇವು ಬೇರೆ ಯಾರಿಗೂ ಸಿಗುವುದಿಲ್ಲ, ಹೆದರಬೇಡಿ ಎಂದು ಆಕೆಯನ್ನು ಸುಮ್ಮನಿರಿಸಿದ್ದಾರೆ. ಆದರೆ ಆಕೆ ಪಟ್ಟು ಬಿಡದೆ ಈ ಪ್ರಕರಣವನ್ನು ಕೋರ್ಟಿಗೆ ಎಳೆದಿದ್ದಾರೆ.
"ಖಾಸಗಿ ವಿಮಾನವೊಂದರ ಕಾಕ್ಪಿಟ್ ನಿಮಗೆ ಆಟದ ಮೈದಾನವೇ" ಎಂದು ಅರ್ಜಿದಾರರ ಪರ ವಕೀಲರು ಆರೋಪಿ ಪೈಲಟ್ ಗಳನ್ನು ಪ್ರಶ್ನಿಸಿದ್ದು, ಪ್ರಕರಣದ ವಿಚಾರಣೆ ನಡೆಯುತ್ತಿದೆ.
Click it and Unblock the Notifications
Sign in with Google