ಮಂಗಳ ಗ್ರಹದ ರೋವರ್ ಅಪಾರ್ಚುನಿಟಿ ನೌಕೆಗೆ ಅಂತಿಮ ವಿದಾಯ
ವಾಷಿಂಗ್ಟನ್, ಫೆಬ್ರವರಿ 13: ಮಂಗಳ ಗ್ರಹದ ಅಧ್ಯಯನಕ್ಕೆ ತೆರಳಿದ್ದ ನಾಸಾದ ಮಹತ್ವಾಕಾಂಕ್ಷೆಯ 'ಮಾರ್ಸ್ ರೋವರ್ ಅಪಾರ್ಚುನಿಟಿ' ನೌಕೆ ವಿದಾಯ ಹೇಳುವ ಸಮಯ ಸಮೀಪಿಸಿದೆ.
ಅಂಗಾರಕನ ಅಂಗಳದಲ್ಲಿ ದಶಕಗಳಿಂದ ತುಂಬಿದ್ದ ದೂಳು ತೀವ್ರಗೊಂಡ ಪರಿಣಾಮ ರೋವರ್ ಅಪಾರ್ಚುನಿಟಿ ನೌಕೆಗೆ ಹಾನಿಯಾಗಿದ್ದು, ಸುಮಾರು ಎಂಟು ತಿಂಗಳಿನಿಂದ ಅದು ಚಟುವಟಿಕೆಗಳನ್ನು ನಡೆಸುತ್ತಿಲ್ಲ. ನಾಸಾ ವಿಜ್ಞಾನಿಗಳನ್ನು ನೌಕೆಯನ್ನು ಕೊನೆಯ ಬಾರಿಗೆ ಸಂಪರ್ಕಿಸಲು ಪ್ರಯತ್ನಿಸುತ್ತಿದ್ದು, ಬಳಿಕ ಈ ಪ್ರಯತ್ನವನ್ನು ಕೈಬಿಡಲಿದ್ದಾರೆ.
ಕಳೆದ ವರ್ಷ ಆಕಾಶವನ್ನು ದಪ್ಪನೆಯ ದೂಳಿನ ಮೋಡ ಆವರಿಸಿತ್ತು. ಇದರಿಂದಾಗಿ ತಿಂಗಳುಗಳ ಕಾಲ ನಾಸಾ ನೌಕೆಯ ಸೋಲಾರ್ ಪ್ಯಾನೆಲ್ಗಳಿಗೆ ಸೂರ್ಯನ ಕಿರಣಗಳು ತಲುಪುತ್ತಿರಲಿಲ್ಲ. ಅದನ್ನು ಸರಿಪಡಿಸುವ ನಾಸಾದ ಪ್ರಯತ್ನಗಳು ಯಶಸ್ವಿಯಾಗಲಿಲ್ಲ. ಸುಮಾರು ಸಾವಿರಾರು ಬಾರಿ ನಾಸಾ ನೌಕೆಗೆ ರಿಕವರಿ ಕಮಾಂಡ್ಗಳನ್ನು ರವಾನಿಸಿದೆ. ಈಗ ಕೊನೆಯ ಬಾರಿ ಆ ಪ್ರಯತ್ನವನ್ನು ಮತ್ತೆ ನಡೆಸಲಿದೆ.
ಬುಧವಾರ ರೋವರ್ ಅಪಾರ್ಚುನಿಟಿಯಿಂದ ಯಾವುದೇ ಸ್ಪಂದನೆ ವ್ಯಕ್ತವಾಗದೆ ಇದ್ದರೆ, ಕೆಂಪು ಗ್ರಹಕ್ಕೆ ತೆರಳಿ 15 ವರ್ಷಗಳ ಬಳಿಕ ರೋವರ್ ಮೃತಪಟ್ಟಿದೆ ಎಂದು ನಾಸಾ ಘೋಷಿಸಲಿದೆ.
ಅಪಾರ್ಚುನಿಟಿ ರೋವರ್ ಮಂಗಳ ಗ್ರಹದಲ್ಲಿ ಸಾಧಿಸಿದ ಸಾಧನೆ ಗಮನಾರ್ಹವಾಗಿದೆ. ಮಂಗಳದಲ್ಲಿ ಒಂದು ಕಾಲದಲ್ಲಿ ನೀರಿನ ಹರಿವು ಇತ್ತು ಎಂಬುದು ಸೇರಿದಂತೆ ಅನೇಕ ಮಹತ್ವದ ಸಂಗತಿಗಳನ್ನು ಅಪಾರ್ಚುನಿಟಿ ರೋವರ್ ರವಾನಿಸಿತ್ತು.
ಚಿತ್ರಕೃಪೆ: ನಾಸಾ
|
ಚೇತರಿಸಿಕೊಳ್ಳದ ರೋವರ್
ಹಲವು ತಿಂಗಳಿನಿಂದ ನೌಕೆ ನಿಯಂತ್ರಣಕಾರರು ರೋವರ್ಗೆ ನಿರಂತರವಾಗಿ ಸೂಚನೆಗಳನ್ನು ರವಾನಿಸುವ ಮೂಲಕ ಅದನ್ನು ಎಚ್ಚರಿಸಲು ಪ್ರಯತ್ನಿಸುತ್ತಿದ್ದಾರೆ. ಈಗ ಮಂಗಳ ಗ್ರಹದ ಆಕಾಶವು ಸೂರ್ಯ ಕಿರಣಗಳು ರೋವರ್ ಸೋಲಾರ್ ಪ್ಯಾನೆಲ್ಗೆ ತಲುಪುವಷ್ಟು ಶುಭ್ರವಾಗಿದೆ. ಆದರೂ ನೌಕೆಯಿಂದ ಯಾವುದೇ ಪ್ರತಿಕ್ರಿಯೆ ದೊರೆತಿಲ್ಲ. ಮಂಗಳ ಗ್ರಹದ ವಾತಾವರಣವು ಈಗ ತಂಪಾಗುತ್ತಿದ್ದು, ಮಸುಕಾಗುತ್ತಿದೆ. ಇದರಿಂದ ರೋವರ್ ಚೇತರಿಸಿಕೊಳ್ಳುವ ಸಾಧ್ಯತೆ ಕಡಿಮೆ.
2011 ರಲ್ಲಿ ಮೃತಪಟ್ಟಿದ್ದ ಸ್ಪಿರಿಟ್
ಮಂಗಳ ಗ್ರಹದಲ್ಲಿ ಅತಿ ಹೆಚ್ಚು ಕಾಲ ಬದುಕಿದ ನೌಕೆ ಅಪಾರ್ಚುನಿಟಿ ರೋವರ್. ಸುಮಾರು 45 ಕಿ.ಮೀಯಷ್ಟು ದೂರ ಈ ಆರು ಚಕ್ರದ ನೌಕೆ ಸುತ್ತಾಟ ನಡೆಸಿತ್ತು. ಇದರ ಅವಳಿ ಎಂದೇ ಗುರುತಿಸಲಾಗಿದ್ದ ಸ್ಪಿರಿಟ್ ನೌಕೆ ಒಂದು ವರ್ಷ ಮರಳಿನಲ್ಲಿ ಸಿಲುಕಿಕೊಂಡು ಸಂವಹನೆಯ ಸಾಮರ್ಥ್ಯ ಕಳೆದುಕೊಂಡಿತ್ತು. 2011 ರಲ್ಲಿ ಇದು 'ಮೃತಪಟ್ಟಿದೆ' ಎಂದು ಪ್ರಕಟಿಸಲಾಗಿತ್ತು.
ಮೂರು ತಿಂಗಳ ಅವಧಿ
ಅಪಾರ್ಚುನಿಟಿ ರೋವರ್ಅನ್ನು 2003ರ ಜುಲೈ 7ರಂದು ಉಡಾವಣೆ ಮಾಡಲಾಗಿತ್ತು. ಇದು 2004ರ ಜನವರಿ 25ರಂದು ಮಂಗಳದ ಮೇಲೆ ಇಳಿದಿತ್ತು. ಮೂರು ವಾರದ ಬಳಿಕ ಇದರ ಅವಳಿ 'ಸ್ಪಿರಿಟ್' ಕೂಡ ಗ್ರಹದ ಇನ್ನೊಂದು ಭಾಗಕ್ಕೆ ತಲುಪಿತ್ತು. ಈ ಎರಡೂ ನೌಕೆಗಳನ್ನು ಮೂರು ತಿಂಗಳ ಅವಧಿಗೆ ಮಾತ್ರ ಬಾಳಿಕೆ ಬರುವಂತೆ ವಿನ್ಯಾಸ ಮಾಡಲಾಗಿತ್ತು.
ಸ್ಪಿರಿಟ್ ಮತ್ತು ರೋವರ್ ಸಾಧನೆ
ಸ್ಪಿರಿಟ್ ಆರು ವರ್ಷ ಬದುಕಿತ್ತು. ಅದು 1,24,838 ಕಚ್ಚಾ ಚಿತ್ರಗಳನ್ನು ರವಾನಿಸಿತ್ತು. 4.8 ಮೈಲು ದೂರ ಪ್ರಯಾಣಿಸಿತ್ತು. 30 ಡಿಗ್ರಿಯಷ್ಟು ಆಳದವರೆಗೆ ಪ್ರವೇಶಿಸಿತ್ತು. ಅಪಾರ್ಚುನಿಟಿ ರೋವರ್ ನೌಕೆಯು 14 ವರ್ಷಕ್ಕೂ ಹೆಚ್ಚು ಸಮಯವನ್ನು ಅಲ್ಲಿ ಕಳೆದಿದೆ. ಈ ಅವಧಿಯಲ್ಲಿ 2,17,594 ಕಚ್ಚಾ ಚಿತ್ರಗಳನ್ನು ರವಾನಿಸಿದೆ. 28 ಮೈಲು ದೂರ ಪ್ರಯಾಣಿಸಿದೆ. 32 ಡಿಗ್ರಿಯಷ್ಟು ಆಳದವರೆಗೆ ಪ್ರವೇಶಿಸಿ ಬಂದಿತ್ತು.
-
ನಮ್ಮದು ಲವ್ ಜಿಹಾದ್ ಅಲ್ಲ, ಮತಾಂತರವೂ ಇಲ್ಲ, ಹಿಂದೂ ಸಂಪ್ರದಾಯದಂತೆ ವಿವಾಹ: ಮೊನಾಲಿಸಾ-ಫರ್ಹಾನ್ ಖಾನ್ ಸ್ಪಷ್ಟನೆ -
Horoscope March 12: ಗುರುವಾರ ದ್ವಾದಶ ರಾಶಿಗಳ ಫಲಾಫಲ ಹೇಗಿದೆ, ಇಲ್ಲಿದೆ ದಿನ ಭವಿಷ್ಯ -
Bengaluru Property Sale: ಬೆಂಗಳೂರಲ್ಲಿ 50 ಆಸ್ತಿದಾರರಿಗೆ ತಮ್ಮ ಆಸ್ತಿಯನ್ನೇ ಕಳೆದುಕೊಳ್ಳುವ ಆತಂಕ: ಜಿಬಿಎ ಹೇಳಿದ್ದೇನು -
ಪಿಎಂ ಇ-ಬಸ್ ಯೋಜನೆ: ಕರ್ನಾಟಕದಲ್ಲಿ ರಸ್ತೆಗಿಳಿಯಲಿವೆ 750 ಇ-ಬಸ್ಗಳು; ಮಹಾರಾಷ್ಟ್ರಕ್ಕೆ ಸಿಂಹಪಾಲು -
Bengaluru Drone Survey: ಬೆಂಗಳೂರಿನಲ್ಲಿ ಆಸ್ತಿಗಳ ಡ್ರೋನ್ ಸರ್ವೇ: ಇದರ ಉದ್ದೇಶವೇನು, ವಿರೋಧವೇಕೆ ಇಲ್ಲಿದೆ ಮಾಹಿತಿ -
ಇರಾನ್ ಸಂಘರ್ಷ: ಭಾರತದ ಪ್ರಯತ್ನಕ್ಕೆ ಫಲ, ಕೊಲ್ಲಿ ಮಾರ್ಗವಾಗಿ ಭಾರತಕ್ಕೆ ಬಂದ ಮೊದಲ ತೈಲ ಟ್ಯಾಂಕರ್ -
ಒಣ ಮೆಣಸಿನಕಾಯಿ ಬಳಸುವ ಮುನ್ನ ಈ ಕೆಲಸ ಮಾಡಿದ್ದೀರಾ? ಆರೋಗ್ಯ ಕಾಪಾಡಲು ಇಲ್ಲಿದೆ ಸೂಪರ್ ಐಡಿಯಾ -
ಭಾರತದ ಹಡಗುಗಳಿಗೆ ಭರ್ಜರಿ ಸುದ್ದಿ ನೀಡಿದ ಇರಾನ್, ಗ್ಯಾಸ್ ಸಮಸ್ಯೆ ಇತ್ಯರ್ಥ ಸಾಧ್ಯತೆ | Operation Roaring Lion -
Swamijis: ಬಹುತೇಕ ಕಾವಿಧಾರಿ ಸ್ವಾಮೀಜಿಗಳು ಅವಿವಾಹಿತರು, ಆದರೆ ಅವರೆಲ್ಲರೂ ಬ್ರಹ್ಮಚಾರಿಗಳಲ್ಲ: ರವಿಕೃಷ್ಣ ರೆಡ್ಡಿ -
ಬೆಂಗಳೂರಿನ ಪ್ರಮುಖ ವಿದ್ಯುತ್ ಸ್ಥಾವರ ಬಂದ್; ರಾಜ್ಯದಲ್ಲಿ ವಿದ್ಯುತ್ ಕಡಿತದ ಭೀತಿ! -
ಅರಬ್ ದೇಶಗಳ ಬ್ಯಾಕಿಂಗ್ ಸೇವೆ ಮೇಲೆ ಇರಾನ್ ಸೇನೆ ದಾಳಿ ಸಾಧ್ಯತೆ ಹಿನ್ನೆಲೆ ಕಟ್ಟೆಚ್ಚರ | Operation Roaring Lion -
LPG Gas: ಗೃಹ-ವಾಣಿಜ್ಯ ಸಿಲಿಂಡರ್ ಬುಕಿಂಗ್ ಮಿತಿ, ದಾಸ್ತಾನು ನಿಯಮಗಳೇನು? ಗ್ಯಾಸ್ ದರಪಟ್ಟಿ
Click it and Unblock the Notifications
Sign in with Google