ಬಂದಿದೆ ಮೆದುಳನ್ನೇ ನಿಷ್ಕ್ರಿಯಗೊಳಿಸಬಲ್ಲ ಹೊಸ ವೈರಸ್
ನವದೆಹಲಿ, ನವೆಂಬರ್ 18: ಇಡೀ ವಿಶ್ವವೇ ಕಳೆದ ವರ್ಷದಿಂದ ಕೊರೊನಾ ಆತಂಕದಲ್ಲಿ ಮುಳುಗಿದೆ. ಇದರ ನಡುವೆಯೇ ಹೊಸ ವೈರಸ್ 'ಚಾಪರೆ' ಒಂದು ಎಂಟ್ರಿ ಕೊಟ್ಟಿದೆ.
ಈ ವೈರಸ್ ಕೂಡ ಮನುಷ್ಯರಿಂದ ಮನುಷ್ಯರಿಗೆ ಹರಡಬಹುದು ಎನ್ನುವ ಅಂಶ ಬೆಳಕಿಗೆ ಬಂದಿದೆ.ಅಮೆರಿಕದ ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ ಈ ವೈರಸ್ ಕುರಿತ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.
ಡೆಂಗ್ಯೂ ಮಾದರಿಯ ಲಕ್ಷಣಗಳನ್ನು ಈ ವೈರಸ್ ಹೊಂದಿದೆ. ಇದರಿಂದ ಮೆದುಳು ನಿಷ್ಕ್ರಿಯಗೊಳ್ಳುವ ಸಾಧ್ಯತೆಯೂ ಹೆಚ್ಚಿದೆ. ಹಾಗೆಯೇ ಇಬೋಲಾದ ಲಕ್ಷಣಗಳನ್ನು ಕೂಡ ಹೊಂದಿದೆ. ಇದನ್ನು ಅತ್ಯಂತ ಕೆಟ್ಟ ವೈರಸ್ ಎಂದು ಪರಿಗಣಿಸಲಾಗಿದೆ.
ವಿಜ್ಞಾನಿಗಳು ನೀಡಿರುವ ಮಾಹಿತಿ ಪ್ರಕಾರ 2019ರಲ್ಲಿ ಬೊಲಿವಿಯಾದ ರಾಜಧಾನಿ ಲಾ ಪಾಜ್ನಲ್ಲಿ ಇಬ್ಬರಲ್ಲಿ ಈ ಸೋಂಕು ಕಾಣಿಸಿಕೊಂಡಿತ್ತು. ಆಸ್ಪತ್ರೆಯ ಇಬ್ಬರು ನರ್ಸ್ಗಳು ಈ ವೈರಸ್ನಿಂದಲೇ ಮೃತಪಟ್ಟಿದ್ದರು.
2004ರಲ್ಲಿ ಈ ವೈರಸ್ನ್ನು ಬೊಲಿವಿಯಾದ ಚಾಪರೆ ಪ್ರದೇಶದಲ್ಲಿ ಕಂಡುಹಿಡಿಯಲಾಗಿತ್ತು. ಈ ವೈರಸ್ ಇಲಿಗಳಿಂದ ಮಾನವನ ಶರೀರವನ್ನು ಪ್ರವೇಶಿಸುತ್ತದೆ. ಇದು ಕೂಡ ಉಸಿರಾಟದ ತೊಂದರೆಗೆ ಕಾರಣವಾಗುತ್ತದೆ.
ಯಾರ್ಯಾರಿಗೆ ಈ ಸೋಂಕು ತಗುಲಿರುತ್ತದೆಯೋ ಅವರಲ್ಲಿ ವಸಡಿನಲ್ಲಿ ರಕ್ತ ಸುರಿಯುವುದು, ಮುಖ ಊದಿಕೊಳ್ಳುವುದು, ಕಣ್ಣಿನೊಳಗೆ ನೋವು ಕಾಣಿಸಿಕೊಳ್ಳುತ್ತದೆ, ಈ ರೋಗಕ್ಕೆ ಯಾವುದೇ ಔಷಧಗಳಿಲ್ಲ. ಒಂದೆರೆಡು ಪ್ರಕಣಗಳಲ್ಲೇ ರೋಗದ ಬಗ್ಗೆ ಅರಿವು ಬಂದಿರುವ ಕಾರಣ ಚಿಕಿತ್ಸೆಯೂ ಕೂಡ ಸುಲಭವಾಗಲಿದೆ. ಈ ವೈರಸ್ ಬಗ್ಗೆ ಮತ್ತಷ್ಟು ಮಾಹಿತಿ ಕಲೆ ಹಾಕಲಾಗುತ್ತದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.