ಡೊನಾಲ್ಡ್ ಟ್ರಂಪ್ ಟ್ವಿಟ್ಟರ್ ಖಾತೆ ಹ್ಯಾಕ್ ಆಗಿದ್ದು ಸತ್ಯ: ಡಚ್ ನ್ಯಾಯವಾದಿ
ವಾಷಿಂಗ್ಟನ್, ಡಿಸೆಂಬರ್ 17: ಡೊನಾಲ್ಡ್ ಟ್ರಂಪ್ ಟ್ವಿಟ್ಟರ್ ಖಾತೆ ಹ್ಯಾಕ್ ಆಗಿದ್ದು ಸತ್ಯ ಎಂದು ಡಚ್ ನ್ಯಾಯವಾದಿಗಳು ಹೇಳಿದ್ದಾರೆ.
ಅಕ್ಟೋಬರ್ನಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟ್ವಿಟ್ಟರ್ ಖಾತೆ ಹ್ಯಾಕ್ ಆಗಿತ್ತು, ಆದರೂ ಯಾವುದೇ ಕ್ರಮ ಜರುಗಿಸಿಲ್ಲ ಎಂದು ಹೇಳಿದ್ದಾರೆ.
ಡಚ್ ಭದ್ರತಾ ಸಂಶೋಧಕರಾದ ವಿಕ್ಟರ್ ಗೇವರ್ಸ್ ಎಂಬುವವರು ಟ್ರಂಪ್ ಅವರ ಟ್ವಿಟ್ಟರ್ ಖಾತೆಗೆ ಲಾಗ್ಇನ್ ಆಗಿದ್ದರೆಂಬ ಮಾಹಿತಿ ಲಭ್ಯವಾಗಿದೆ.
ಟ್ರಂಪ್ ಟ್ವಿಟ್ಟರ್ ಖಾತೆ ಹ್ಯಾಕ್ ಆಗಿಲ್ಲವೆಂದು ವೈಟ್ಹೌಸ್ ಮತ್ತು ಟ್ವಿಟ್ಟರ್ನ ಆಡಳಿತ ವರ್ಗ ಸ್ಪಷ್ಟನೆ ನೀಡಿತ್ತು.@realDonaldTrump' ಖಾತೆಯ ಪಾಸ್ವರ್ಡ್ ಊಹೆ ಮೂಲಕ ವಿಕ್ಟರ್ ಗೇವರ್ಸ್ ಡೊನಾಲ್ಡ್ ಟ್ರಂಪ್ ಅಧಿಕೃತ ಖಾತೆಗೆ ಲಾಕ್ಇನ್ ಆಗಿದ್ದರು ಎನ್ನಲಾಗಿದೆ.
ವಿಕ್ಟರ್ ಗೇವರ್ಸ್ ಅವರು ಯಾವುದೇ ದುರುದ್ದೇಶ ಇಟ್ಟುಕೊಂಡು ಟ್ರಂಪ್ ಖಾತೆಗೆ ಲಾಗ್ಇನ್ ಆಗಿಲ್ಲ. ಹೀಗಾಗಿ ಅವರಿಗೆ ಯಾವುದೇ ಶಿಕ್ಷೆ ವಿಧಿಸಲಾಗುವುದಿಲ್ಲ ಅವರೊಬ್ಬ ಎಥಿಕಲ್ ಹ್ಯಾಕರ್ ಎಂದು ಹೇಳಿದ್ದಾರೆ.
ವಿಕ್ಟರ್ ಗೇವರ್ಸ್ ಅವರು ಟ್ರಂಪ್ ಖಾತೆಗೆ ಲಾಗ್ಇನ್ ಆಗಲು ಹಲವು ಬಾರಿ ಪ್ರಯತ್ನಿಸಿದ ಬಳಿಕ maga2020 ಎಂಬ ಪಾಸ್ವರ್ಡ್ ಅನ್ನು ಟೈಪ್ ಮಾಡಿದ್ದರು. ಆಗ ಟ್ರಂಪ್ ಅವರ ಖಾತೆ ತೆರೆದುಕೊಂಡಿತ್ತು. maga2020 ಎಂದರೆ ಮೇಕ್ ಅಮೆರಿಕ ಗ್ರೇಟ್ ಅಗೈನ್ ಎಂದು ಅರ್ಥ. ಈ ಹೇಳಿಕೆಯು ಟ್ರಂಪ್ ಭಾಷಣದಲ್ಲಿ ಪದೇಪದೇ ಉಲ್ಲೇಖವಾಗಿದೆ.
Click it and Unblock the Notifications
Sign in with Google