ಪುಲ್ವಾಮಾ ದಾಳಿ ಬಳಿಕ, ಸೇನಾ ವಾಹನ ಸಂಚಾರ ಬಂದ್ ಮಾಡಿದ ಸರ್ಕಾರ

ಶ್ರೀನಗರ, ಫೆಬ್ರವರಿ 21: ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯಲ್ಲಿ ನಡೆದ ಆತ್ಮಾಹುಳಿ ದಾಳಿಯ ಬಳಿಕ ಕೇಂದ್ರ ಸರ್ಕಾರವು ಮಹತ್ವದ ನಿರ್ಧಾರವೊಂದನ್ನು ಗುರುವಾರದಂದು ಪ್ರಕಟಿಸಿದೆ.

ಶ್ರೀನಗರ- ಅವಂತಿಪೋರ್ ಮಾರ್ಗದ ಹೆದ್ದಾರಿಯಲ್ಲಿ ಸೇನಾ ವಾಹನ ಸಂಚಾರ ಬಂದ್ ಮಾಡುವಂತೆ ಸೂಚಿಸಲಾಗಿದೆ. ಯೋಧರನ್ನು ಇನ್ಮುಂದೆ ವಿಮಾನ, ಹೆಲಿಕಾಪ್ಟರ್ ಮೂಲಕ ಏರ್ ಲಿಫ್ಟ್ ಮಾಡಲು ಗೃಹ ಸಚಿವಾಲಯ ತೀರ್ಮಾನಿಸಿದೆ. ಕೇಂದ್ರ ಸಶಸ್ತ್ರ ಮೀಸಲು ಪಡೆ, ಪ್ಯಾರಾಮಿಲಿಟರಿ ದಳ ಸೇರಿದಂತೆ ಜಮ್ಮು -ಶ್ರೀನಗರ ವಲಯದ ಎಲ್ಲಾ ಮಿಲಿಟರಿ ಕ್ಯಾಂಪಿನವರಿಗೂ ಈ ಆದೇಶ ಅನ್ವಯವಾಗಲಿದೆ.

ಈ ಆದೇಶದಿಂದ ತಕ್ಷಣದಿಂದ ಜಾರಿಗೆ ಬರುವಂತೆ ಸುಮಾರು 7,80,000 ಸಿಎಪಿಎಫ್ ಸೇನಾ ಸಿಬ್ಬಂದಿಗಳಿಗೆ ನೆರವಾಗಲಿದೆ. ಕಾನ್ಸ್ ಟೇಬಲ್, ಹೆಡ್ ಕಾನ್ಸ್ ಟೇಬಲ್, ಎಎಸ್ ಐಗಳಿಗೆ ಈ ಮುಂಚೆ ಏರ್ ಲಿಫ್ಟ್ ಸೌಲಭ್ಯ ಸಿಗುತ್ತಿರಲಿಲ್ಲ. ಈಗ ಸೇವಾ ಅವಧಿ, ರಜಾ ವೇಳೆ ತೆರಳುವಾಗಲೂ ಸೇನಾ ವಿಮಾನ ಬಳಸಲು ಅನುಮತಿ ಸಿಕ್ಕಿದೆ.

ಈ ಹೊಸ ಸೌಲಭ್ಯದಿಂದ ಯೋಧರ ಪ್ರಯಾಣ ಸಮಯವೂ ಉಳಿಯುತ್ತದೆ ಹಾಗೂ ಸುರಕ್ಷಿತವಾಗಿಯೂ ಇರಬಹುದು ಎಂದು ಗೃಹ ಸಚಿವಾಲಯ ಹೇಳಿದೆ.

ಜಮ್ಮು ಮತ್ತು ಕಾಶ್ಮೀರ ವಲಯದಲ್ಲಿ ಏರ್ ಕೊರಿಯರ್ ಸೇವೆ ಸಿಎಪಿಎಫ್ ಸಿಬ್ಬಂದಿಗಳಿಗೆ ಲಭ್ಯವಾಗಿದೆ. ಶ್ರೀನಗರ-ಜಮ್ಮು ಸೆಕ್ಟರ್ ಅಲ್ಲದೆ ದೆಹಲಿ -ಜಮ್ಮು, ಜಮ್ಮು-ಶ್ರೀನಗರ, ಜಮ್ಮು-ದೆಹಲಿ ಸೆಕ್ಟರ್ ಗೂ ಏರ್ ಕೊರಿಯರ್ ಸೇವೆ ಜನವರಿ 2017ರಿಂದ ಲಭ್ಯವಿದೆ.

English summary

The Ministry of Home Affairs has approved the entitlement of air travel on Delhi-Srinagar, Srinagar-Delhi, Jammu-Srinagar and Srinagar-Jammu sectors to all the personnel of Central Armed Paramilitary Forces.