ದಿಗ್ಗಜ ಬೌಲರ್ ಮೆಕ್ಗ್ರಾತ್ ದಾಖಲೆ ಮೇಲೆ ಕಣ್ಣಿಟ್ಟಿರುವ ಆಸೀಸ್ ವೇಗಿ
ಭಾರತದಲ್ಲಿ ಏಕದಿನ ವಿಶ್ವಕಪ್ ನಡೆಯುತ್ತಿದ್ದು, ಹಲವು ಆಟಗಾರರು ತಮ್ಮ ಧಮಾಕೆದಾರ್ ಪ್ರದರ್ಶನದಿಂದ ಎಲ್ಲರು ಹುಬ್ಬೇರಿಸುವಂತೆ ಮಾಡಲು ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. ವಿಶ್ವಕಪ್ ಇತಿಹಾಸದಲ್ಲಿ ಯಾರೂ ಮುರಿಯದ ದಾಖಲೆಯನ್ನು ಅಳಿಸಲು ಆಸ್ಟ್ರೇಲಿಯಾ ವೇಗಿ ಕನಸು ಕಾಣುತ್ತಿದ್ದಾರೆ.
ಆಸ್ಟ್ರೇಲಿಯಾ ತಂಡ ಮೊದಲಿನಿಂದಲೂ ತನ್ನ ಶಿಸ್ತು ಬದ್ಧ ಆಟಕ್ಕೆ ಹೆಸರುವಾಸಿ. ಕಾಂಗರೂ ನಾಡು ಹಲವು ಸ್ಟಾರ್ ಬ್ಯಾಟರ್ಗಳನ್ನು ವಿಶ್ವಕ್ಕೆ ನೀಡಿದರೆ, ಹಲವು ಸ್ಟಾರ್ ಬೌಲರ್ ಗಳು ಸಹ ಹಳದಿ ಜೆರ್ಸಿ ತೊಟ್ಟು ಮಿಂಚಿದ್ದಾರೆ. ಈ ಸಾಲಿನಲ್ಲಿ ಎದ್ದು ಕಾಣುವ ಬೌಲರ್ ದಿಗ್ಗಜ ಗ್ಲೆನ್ ಮೆಕ್ಗ್ರಾತ್.
ತನ್ನ ಶಿಸ್ತು ಬದ್ದ ಲೈನ್ ಹಾಗೂ ಲೆಂತ್ ಮೂಲಕವೇ ಎದುರಾಳಿಗಳ ನಿದ್ದೆ ಗೆಡಿಸಿದ್ದ ವೇಗಿ ಕ್ರಿಕೆಟ್ ವಿಶ್ವಕಪ್ ನಲ್ಲೂ ವಿಶಿಷ್ಠ ದಾಖಲೆ ಹೊಂದಿದ್ದಾರೆ. ಗ್ಲೆನ್ ಒಟ್ಟಾರೆ ಏಕದಿನ ವಿಶ್ವಕಪ್ ನಲ್ಲಿ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಎಂಬ ಕೀರ್ತಿ ತಮ್ಮದಾಗಿಸಿಕೊಂಡಿದ್ದಾರೆ.
ಗ್ಲೆನ್ ಒಟ್ಟು 71 ವಿಕೆಟ್ ಕಬಳಸಿದ್ದಾರೆ, ಈ ಸಾಧನೆಯನ್ನು ಅಳಿಸಿ ಹಾಕುವ ಕನಸಿನೊಂದಿಗೆವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾದ ವೇಗದ ಬೌಲರ್ ಮಿಚೆಲ್ ಸ್ಟಾರ್ಕ್ ಅಂಗಳ ಪ್ರವೇಶಿಸಲಿದ್ದಾರೆ. ಸ್ಟಾರ್ಕ್ ವಿಶ್ವಕಪ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಬೌಲರ್ ಆಗಬಹುದು.
ಪ್ರಸ್ತುತ ಏಕದಿನ ವಿಶ್ವಕಪ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್
ಮಿಚೆಲ್ ಸ್ಟಾರ್ಕ್ ಪ್ರಸ್ತುತ ಏಕದಿನ ವಿಶ್ವಕಪ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ಗಳ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. ಅವರ ಹೆಸರಿನಲ್ಲಿ 49 ವಿಕೆಟ್ಗಳಿವೆ. ವಿಶ್ವಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಗ್ಲೆನ್ ಮೆಕ್ಗ್ರಾತ್. ಸ್ಟಾರ್ಕ್ ಅವರಿಗೆ ಹಾಗೂ ಗ್ಲೆನ್ ಪಡೆದ ವಿಕೆಟ್ ಗೆ 22 ವಿಕೆಟ್ ಗಳ ಅಂತರವಿದೆ.
ಈ ಬಾರಿಯ ವಿಶ್ವಕಪ್ ರೌಂಡ್ ರಾಬಿನ್ ಮಾದರಿಯಲ್ಲಿ ನಡೆಯುತ್ತಿದ್ದು, ಪ್ರತಿ ತಂಡಕ್ಕೂ ಕನಿಷ್ಠ 10-10 ಪಂದ್ಯಗಳು ಸಿಗುತ್ತವೆ. ಸ್ಟಾರ್ಕ್ 10 ಪಂದ್ಯಗಳಲ್ಲಿ ಕನಿಷ್ಠ 23 ವಿಕೆಟ್ಗಳನ್ನು ಪಡೆಯುವ ಮೂಲಕ ವಿಶ್ವಕಪ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಬೌಲರ್ ಆಗುವ ಉತ್ತಮ ಅವಕಾಶವನ್ನು ಹೊಂದಿದ್ದಾರೆ.
ಉತ್ತಮ ಫಾರ್ಮ್ನಲ್ಲಿರುವ ಮಿಚೆಲ್ ಸ್ಟಾರ್ಕ್
ಸ್ಟಾರ್ಕ್ ಉತ್ತಮ ಫಾರ್ಮ್ನಲ್ಲಿರುವಂತೆ ಕಾಣುತ್ತದೆ. ಆಸೀಸ್ ವೇಗಿ ಪ್ರತಿ ಪಂದ್ಯಕ್ಕೆ 2-3 ವಿಕೆಟ್ ಪಡೆಯುವುದು ಅವರಿಗೆ ದೊಡ್ಡ ವಿಷಯವಲ್ಲ. ಈ ಪರಿಸ್ಥಿತಿಯಲ್ಲಿ, ಸ್ಟಾರ್ಕ್ ಖಂಡಿತವಾಗಿಯೂ ಮಾಜಿ ಕ್ರಿಕೆಟಿಗ ಮೆಕ್ಗ್ರಾತ್ನನ್ನು ಹಿಂದಿಕ್ಕ ಬಹುದು ಎಂದು ಲೆಕ್ಕಾಚಾರಗಳು ಆರಂಭವಾಗಿವೆ.
ಸ್ಟಾರ್ಕ್ಗೆ ಮತ್ತೊಂದು ಒಳ್ಳೆಯ ವಿಷಯವೆಂದರೆ ಈ ರೇಸ್ನಲ್ಲಿ ಅವರಿಗೆ ಯಾವುದೇ ಸನಿಹದ ಸ್ಪರ್ಧಿಯೂ ಇಲ್ಲ. ಈ ಪಟ್ಟಿಯಲ್ಲಿ, ಸ್ಟಾರ್ಕ್ ನಂತರ, ಸಕ್ರಿಯ ಕ್ರಿಕೆಟಿಗರಲ್ಲಿ, ಟ್ರೆಂಟ್ ಬೌಲ್ಟ್ ಹೆಸರು ಕಾಣಿಸಿಕೊಳ್ಳುತ್ತದೆ, ಅವರು ಸ್ಟಾರ್ಕ್ಗಿಂತ 10 ವಿಕೆಟ್ಗಳಿಂದ ಹಿಂದುಳಿದಿದ್ದಾರೆ. ಸ್ಟಾರ್ಕ್ ಕೇವಲ ಎರಡು ಏಕದಿನ ವಿಶ್ವಕಪ್ (2015, 2019) ಆಡಿದ್ದಾರೆ. ಈ ಎರಡೂ ವಿಶ್ವಕಪ್ಗಳಲ್ಲಿ ಅವರು 18 ಪಂದ್ಯಗಳನ್ನು ಆಡಿದ್ದಾರೆ. ಸ್ಟಾರ್ಕ್ ಕೇವಲ 18 ಪಂದ್ಯಗಳಲ್ಲಿ 49 ವಿಕೆಟ್ ಪಡೆದಿದ್ದಾರೆ.
Click it and Unblock the Notifications
Sign in with Google