Mitchel Starc: ಐಪಿಎಲ್ ದುಬಾರಿ ಬೌಲರ್ಗೆ ರೆಸ್ಪೆಕ್ಟೇ ಇಲ್ಲಾ! ಸಿಕ್ಸರ್ ಚಚ್ಚಿದ ರಿಂಕು ಸಿಂಗ್
ಆಸ್ಟ್ರೇಲಿಯಾ ವೇಗದ ಬೌಲರ್ ಮಿಚೆಲ್ ಸ್ಟಾರ್ಕ್ 2024ರ ಐಪಿಎಲ್ ಮಿನಿ ಹರಾಜಿನಲ್ಲಿ ದಾಖಲೆಯ ಮೊತ್ತಕ್ಕೆ ಹರಾಜಿದ್ದರು. 24.75 ಕೋಟಿ ರೂ.ಗಳಿಗೆ ಕೆಕೆಆರ್ ತಂಡ ಖರೀದಿ ಮಾಡಿತ್ತು. ಆದರೆ ಐಪಿಎಲ್ ಆರಂಭಕ್ಕೆ ಮುನ್ನ ಕೆಕೆಆರ್ ದುಬಾರಿ ಬೌಲರ್ ರನ್ನು ಅದೇ ತಂಡದ ರಿಂಕು ಸಿಂಗ್ ಸಿಕ್ಸರ್ ಬಾರಿಸುವ ಮೂಲಕ ಸ್ವಾಗತಿಸಿದ್ದಾರೆ.
ಟೀಮ್ ಗೋಲ್ಡ್ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಟೀಮ್ ಪರ್ಪಲ್ ಅನ್ನು ಪ್ರತಿನಿಧಿಸುತ್ತಾ, 34 ವರ್ಷದ ಮಿಚೆಲ್ ಸ್ಟಾರ್ಕ್ ಉತ್ತಮವಾಗಿ ಕಾಣಿಸಿಕೊಂಡರು. ಸ್ಟಾರ್ಕ್ ಹೊಸ ಚೆಂಡಿನೊಂದಿಗೆ ಉತ್ತಮವಾಗಿ ಬೌಲಿಂಗ್ ಮಾಡಿದರು. ರಹಮಾನುಲ್ಲಾ ಗುರ್ಬಾಜ್ ಮತ್ತು 18 ವರ್ಷದ ರಘುವಂಶಿ ಅವರ ಆರಂಭಿಕ ಓವರ್ನಲ್ಲಿ ರನ್ ಗಳಿಸಲು ಪರದಾಡಿದರು.
ನಿಧಾನಗತಿಯ ಈಡನ್ ಪಿಚ್ನಲ್ಲಿ ಬೌನ್ಸರ್ ಗಳನ್ನು ಎಸೆದರು. ಏಕೆಂದರೆ 2022 ಅಂಡರ್-19 ವಿಶ್ವಕಪ್ ವಿಜೇತ ಆಂಗ್ಕ್ರಿಶ್ ಆಫ್ ಸ್ಟಂಪ್ನ ಹೊರಗೆ ಕೆಲವು ಬಾರಿ ಸೋಲಿಸಲ್ಪಟ್ಟರು. ಸ್ಟಾರ್ಕ್ ಮೊದಲ ಓವರ್ ನಲ್ಲಿ ಒಂದು ರನ್ ನೀಡಿ, ಗುರ್ಬಾಜ್ ಅವರನ್ನು ಔಟ್ ಮಾಡಿದರು.
ಮೂರನೇ ಓವರ್ ಅನ್ನು ಬೌಲಿಂಗ್ ಮಾಡಿದ ಸ್ಟಾರ್ಕ್ ಮತ್ತೆ ಆಂಗ್ಕ್ರಿಶ್ ಅವರಿಗೆ ಕಾಟ ಕೊಟ್ಟರು. ಆದರೆ ಆಂಗ್ಕ್ರಿಶ್ ಅದೇ ಓವರ್ ನಲ್ಲಿ ಎರಡು ಬೌಂಡರಿ ಗಳಿಸಿದರು. ಅಂತಿಮ ಓವರ್ ನಲ್ಲಿ ಅವರು ಮತ್ತಷ್ಟು ದುಬಾರಿಯಾದರು, ರಿಂಕು ಸಿಂಗ್ ಮತ್ತು ಮನೀಶ್ ಪಾಂಡೆ ಬೌಂಡರಿಗಳನ್ನು ಗಳಿಸಿದರು.
ಅಂತಿಮ ಓವರ್ ನಲ್ಲಿ ಮಿಚೆಲ್ ಸ್ಟಾರ್ಕ್ ಬರೋಬ್ಬರಿ 20 ರನ್ ಬಿಟ್ಟುಕೊಟ್ಟರು. ಅಂತಿಮವಾಗಿ 4 ಓವರ್ ಗಳಲ್ಲಿ 40 ರನ್ ನೀಡಿ ಒಂದು ವಿಕೆಟ್ ಪಡೆದುಕೊಂಡರು. ರಿಂಕು ಕೊನೆಯ ಓವರ್ನಲ್ಲಿ ಮಿಡ್ವಿಕೆಟ್ನಲ್ಲಿ ಸಿಕ್ಸರ್ ಸಿಡಿಸುವ ಮೂಲಕ ಶಾಕ್ ಕೊಟ್ಟರು.
ಐಪಿಎಲ್ ಬಗ್ಗೆ ಸ್ಟಾರ್ಕ್ ಹೇಳಿದ್ದೇನು?
ಒಂದು ದಶಕದ ಬಳಿಕ ಅವರು ಮತ್ತೆ ಐಪಿಎಲ್ಗೆ ವಾಪಸಾಗಿದ್ದಾರೆ. 2014 ಮತ್ತು 2015 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಕೊನೆಯ ಬಾರಿಗೆ ಐಪಿಎಲ್ ಆಡಿದ್ದರು. ಬಳಿಕ ಐಪಿಎಲ್ 2018 ಕ್ಕೆ ಮುಂಚಿತವಾಗಿ ಕೆಕೆಆರ್ ಖರೀದಿಸಿತು. ಆದರೆ ಗಾಯದ ಕಾರಣದಿಂದ ಅವರು ಐಪಿಎಲ್ನಿಂದ ಹೊರಗುಳಿದಿದ್ದರು.
ಶಾರುಖ್ ಖಾನ್ ಒಡೆತನದ ಕೆಕೆಆರ್ ಫ್ರಾಂಚೈಸಿ ಈ ವರ್ಷದ ಹರಾಜಿನಲ್ಲಿ ಸಾರ್ವಕಾಲಿಕ ದಾಖಲೆ ಬೆಲೆ 24.75 ಕೋಟಿ ರೂ.ಗಳಿಗೆ ಖರೀದಿಸಿತು. ಐಪಿಎಲ್ ಬಗ್ಗೆ ಮಾತನಾಡಿರುವ ಸ್ಟಾರ್ಕ್, "ವಿಶ್ವದ ಅತ್ಯುತ್ತಮ ಟಿ20 ಲೀಗ್ ಆಗಿರುವಾಗ ಇದು ಯಾವಾಗಲೂ ಸ್ವಲ್ಪ ಸವಾಲು ಆಗಿರುತ್ತದೆ. ಇದು ಖಂಡಿತವಾಗಿಯೂ ಹೊಸ ಸವಾಲು. ಹೌದು, ಇದು ರೋಮಾಂಚನಕಾರಿಯಾಗಲಿದೆ. ಹಾಗಾಗಿ, ಹೌದು ನಾನು ಅದನ್ನು ಎದುರು ನೋಡುತ್ತಿದ್ದೇನೆ" ಎಂದು ಹೇಳಿದ್ದಾರೆ.
Click it and Unblock the Notifications
Sign in with Google