ICC World Cup 2023: ಐಸಿಸಿ ಏಕದಿನ ವಿಶ್ವಕಪ್ ಗೆದ್ದ ತಂಡಗಳು & ವರ್ಷ!

ಇಡೀ ಜಗತ್ತು ಉಸಿರು ಬಿಗಿಹಿಡಿದು ಕಾಯುತ್ತಿರುವ ಸಮಯ ಬಂದೇ ಬಿಟ್ಟಿದೆ, ಭಾರತ & ಆಸ್ಟ್ರೇಲಿಯಾ ನಡುವೆ ರಣಕಾಳಗ ನೋಡಲು ಜಗತ್ತೇ ಸಜ್ಜಾಗಿದೆ. ಗುಜರಾತ್ ರಾಜಧಾನಿ ಅಹಮದಾಬಾದ್ ಶತಕೋಟಿ ಭಾರತೀಯರಿಗೆ ಈಗ ಹೃದಯವಾಗಿದೆ. ಹಾಗಾದರೆ ಈ ವೇಳೆ ನಾವು ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ ಚರಿತ್ರೆಯ ಬಗ್ಗೆ ತಿಳಿಯೋಣ. ಈವರೆಗೆ ಯಾರು, ಯಾರು ವಿಶ್ವಕಪ್ ಗೆದ್ದಿದ್ದಾರೆ? ಯಾವ ವರ್ಷದಲ್ಲಿ? ಎನ್ನುವ ಮಾಹಿತಿ ಇಲ್ಲಿದೆ ಮುಂದೆ ಓದಿ.

ಏಕದಿನ ಕ್ರಿಕೆಟ್ ಅಂದ್ರೆ ಒಂದು ಗತ್ತಿದೆ ಅದರಲ್ಲೂ ವಿಶ್ವಕಪ್ ಎಂಬ ಸಂಭ್ರಮ ಶುರುವಾಗಿದ್ದೂ ಇದೇ ಏಕದಿನ ಮಾದರಿ ಪಂದ್ಯಗಳಿಂದ. ಮೊಟ್ಟ ಮೊದಲ ಬಾರಿ 1975 ರಲ್ಲಿ ಆರಂಭವಾದ ಕ್ರಿಕೆಟ್ ವಿಶ್ವಕಪ್ ಹಬ್ಬ, ಈವರೆಗೂ ಒಟ್ಟಾರೆ 12 ವಿಶ್ವಕಪ್ ಟೂರ್ನಿಗಳನ್ನು ಕಂಡಿದೆ. ಈಗಿನ ವಿಶ್ವಕಪ್‌ನ ಲೆಕ್ಕಕ್ಕೆ ತೆಗೆದುಕೊಂಡರೆ ಈ ಸಂಖ್ಯೆ 13 ಆಗುತ್ತದೆ. 1975, 1979, 1983, 1987, 1992, 1996, 1999, 2003, 2007, 2011, 2015, 2019 ರಲ್ಲಿ ನಡೆದ ಐಸಿಸಿ ವಿಶ್ವಕಪ್ ಟೂರ್ನಿಗಳಲ್ಲಿ ಗೆದ್ದು ಬೀಗಿದ ತಂಡಗಳು ಯಾವುವು? ಫೈನಲ್ ಪಂದ್ಯ ನಡೆದ ನಗರಗಳು ಯಾವುವು? 2023 ರ ವಿಶ್ವಕಪ್ ಅಖಾಡದಲ್ಲಿ ಭಾರತದ ಶಕ್ತಿ ಹೇಗಿದೆ? ಬನ್ನಿ ತಿಳಿಯೋಣ.

ಕೋಟಿ ಕೋಟಿ ಹಣ ಸಿಗುತ್ತೆ!

'ಐಸಿಸಿ ಏಕದಿನ ವಿಶ್ವಕಪ್-2023'ರ ಬಹುಮಾನ ಮೊತ್ತ ಒಟ್ಟು 10 ಮಿಲಿಯನ್. ಅಂದರೆ 84 ಕೋಟಿ ರೂಪಾಯಿ. ಇದು ಒಂದೆ ಟೀಂಗೆ ಸಿಗಲ್ಲ ಬದಲಾಗಿ 'ಐಸಿಸಿ ಏಕದಿನ ವಿಶ್ವಕಪ್-2023' ಟೂರ್ನಿ ಬಹುಮಾನ ಮೊತ್ತ ಇದಾಗಿದೆ. ನವೆಂಬರ್ 19 ರಂದು ಅಂದ್ರೆ ಇವತ್ತೇ ಫೈನಲ್‌ಗೆ ಸಿದ್ಧತೆ ಸಾಗಿದೆ. ಅಹಮದಾಬಾದ್‌ ನಗರದ 'ನರೇಂದ್ರ ಮೋದಿ' ಕ್ರೀಡಾಂಗಣದಲ್ಲಿ, ಫೈನಲ್ ಪಂದ್ಯ ನಡೆಯಲಿದೆ. ಇಂದಿನ ಫೈನಲ್ ಪಂದ್ಯದಲ್ಲಿ ಗೆದ್ದು ಬೀಗುವ ತಂಡವು, ಒಟ್ಟಾರೆ 4 ಮಿಲಿಯನ್ ಡಾಲರ್ ಅಂದರೆ 33 ಕೋಟಿ ರೂಪಾಯಿ ಪ್ರೈಜ್ ಪಡೆಯಲಿದ್ದಾರೆ. ಹಾಗಾದ್ರೆ ಈ ರೀತಿ ಈವರೆಗೂ ಏಕದಿನ ವಿಶ್ವಕಪ್ ಗೆದ್ದ ತಂಡಗಳು ಯಾವುವು?

ಐಸಿಸಿ ಏಕದಿನ ವಿಶ್ವಕಪ್ ಚರಿತ್ರೆ

ವರ್ಷ	ಕದನ ಕಲಿಗಳು	ವಿಶ್ವಕಪ್ ಯುದ್ಧ ಗೆದ್ದ ತಂಡ	ನಡೆದಿದ್ದು ಎಲ್ಲಿ
1975	ಆಸ್ಟ್ರೇಲಿಯಾ vs ವೆಸ್ಟ್ ಇಂಡೀಸ್	ವೆಸ್ಟ್ ಇಂಡೀಸ್	ಲಂಡನ್
1979	ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್	ವೆಸ್ಟ್ ಇಂಡೀಸ್	ಲಂಡನ್
1983	ವೆಸ್ಟ್‌ ಇಂಡೀಸ್‌ vs ಭಾರತ	ಭಾರತ	ಲಂಡನ್
1987	ಆಸ್ಟ್ರೇಲಿಯಾ vs ಇಂಗ್ಲೆಂಡ್	ಆಸ್ಟ್ರೇಲಿಯಾ	ಕೊಲ್ಕತ್ತಾ
1992	ಪಾಕಿಸ್ತಾನ vs ಇಂಗ್ಲೆಂಡ್	ಪಾಕಿಸ್ತಾನ	ಮೆಲ್ಬರ್ನ್
1996	ಶ್ರೀಲಂಕಾ vs ಆಸ್ಟ್ರೇಲಿಯಾ	ಶ್ರೀಲಂಕಾ	ಲಾಹೋರ್
1999	ಆಸ್ಟ್ರೇಲಿಯಾ vs ಪಾಕಿಸ್ತಾನ	ಆಸ್ಟ್ರೇಲಿಯಾ	ಲಂಡನ್
2003	ಆಸ್ಟ್ರೇಲಿಯಾ vs ಭಾರತ	ಆಸ್ಟ್ರೇಲಿಯಾ	ಜೋಹಾನ್ಸ್‌ ಬರ್ಗ್
2007	ಆಸ್ಟ್ರೇಲಿಯಾ vs ಶ್ರೀಲಂಕಾ	ಆಸ್ಟ್ರೇಲಿಯಾ	ಬ್ರಿಡ್ಜ್‌ಟೌನ್
2011	ಭಾರತ vs ಶ್ರೀಲಂಕಾ	ಭಾರತ	ಮುಂಬೈ
2015	ಆಸ್ಟ್ರೇಲಿಯಾ vs ನ್ಯೂಜಿಲೆಂಡ್	ಆಸ್ಟ್ರೇಲಿಯಾ	ಮೆಲ್ಬರ್ನ್
2019	ಇಂಗ್ಲೆಂಡ್ vs ನ್ಯೂಜಿಲೆಂಡ್	ಇಂಗ್ಲೆಂಡ್	ಲಂಡನ್
2023	ಭಾರತ vs ಆಸ್ಟ್ರೇಲಿಯಾ	------	ಅಹಮದಾಬಾದ್

2 ಬಾರಿ ವಿಶ್ವಕಪ್ ಗೆದ್ದಿದೆ ಭಾರತ

ಹೀಗೆ ಭಾರತ ತಂಡ ಐಸಿಸಿ ಏಕದಿನ ವಿಶ್ವಕಪ್ ಅಖಾಡದಲ್ಲಿ ತನ್ನದೇ ತಾಕತ್ ತೋರಿಸಿದೆ ಮತ್ತು ತೋರಿಸುತ್ತಲೂ ಇದೆ. ಆಸ್ಟ್ರೇಲಿಯಾ ಮತ್ತು ವೆಸ್ಟ್‌ ಇಂಡೀಸ್‌ ತಂಡಗಳನ್ನ ಬಿಟ್ಟರೆ ಭಾರತ ತಂಡವೇ ಅತಿಹೆಚ್ಚು ಬಾರಿ ಐಸಿಸಿ ಏಕದಿನ ವಿಶ್ವಕಪ್ ಗೆದ್ದಿದೆ. 1983 ಮತ್ತೆ 2011 ಎರಡೂ ಏಕದಿನ ವಿಶ್ವಕಪ್ ಗೆದ್ದು ಬೀಗಿದೆ ಭಾರತ. ಮತ್ತೊಂದು ಕಡೆ 2023 ರಲ್ಲಿ ಕೂಡ ಭಾರತವೇ ಐಸಿಸಿ ಏಕದಿನ ವಿಶ್ವಕಪ್ ಗೆಲ್ಲುವ ತಂಡವಾಗಿದೆ.

5 ಬಾರಿ ಚಾಂಪಿಯನ್ಸ್ ಆಗಿದ್ದ ಆಸ್ಟ್ರೇಲಿಯಾ

ಆಸ್ಟ್ರೇಲಿಯಾ ಟೀಂ 5 ಬಾರಿ ಚಾಂಪಿಯನ್ಸ್ ಆಗಿದೆ ಅಂದ್ರೆ, 1987, 1999, 2003, 2007, 2015 ರಲ್ಲಿ ವಿಶ್ವಕಪ್ ಗೆದ್ದು ಬೀಗಿದೆ. ಹಾಗೇ 2 ಬಾರಿ ರನ್ನರ್ಸ್‌ ಅಪ್ ಆಗಿದೆ, ಹೀಗೆಂದರೆ ಫೈನಲ್ ಪಂದ್ಯದಲ್ಲಿ ಸೋತಿದೆ. 1975 & 1996ರಲ್ಲಿ ಹೀಗೆ ಆಸ್ಟ್ರೇಲಿಯಾ ಐಸಿಸಿ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ಸೋತಿದ್ದು. ಈ ಬಾರಿ ಇಟ್ ಮೀನ್ಸ್ 2023 ರಲ್ಲಿ ಕೂಡ ಭಾರತದ ಎದುರು ಆಸ್ಟ್ರೇಲಿಯಾ ಹೀನಾಯವಾಗಿ ಸೋಲುವುದು ಗ್ಯಾರಂಟಿ ಅಂತಿದ್ದಾರೆ ಫ್ಯಾನ್ಸ್.

ಒಟ್ನಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಭೀಕರ ರಣಕಾಳಗಕ್ಕೆ ಈಗ ವೇದಿಕೆ ಸಿದ್ಧತೆ ಮಾಡಲಾಗುತ್ತಿದೆ. ಇನ್ನೇನು ಕೆಲವೇ ನಿಮಿಷದಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ, 2023ರ ಐಸಿಸಿ ಏಕದಿನ ವಿಶ್ವಕಪ್ ಫೈನಲ್ ಪಂದ್ಯ ಆರಂಭವಾಗಲಿದೆ. ಹಾಗಾದರೆ ಇಂದು ಗೆದ್ದು ಬೀಗುವುದು ಯಾರು? ಸೋತು ಮನೆಗೆ ಹೋಗುವುದು ಯಾರು? ಅನ್ನೋದು ರಾತ್ರಿ 11 ಗಂಟೆಯ ಒಳಗೆ ಫೈನಲ್ ಆಗಲಿದೆ.

English summary

History Of ICC World Cup Winners Complete List.