ಭಾರತಕ್ಕೆ ಆರಂಭದಲ್ಲಿ 4 ರಿಂದ 5 ಕೋಟಿ ಕೋವಿಶೀಲ್ಡ್‌ ಲಸಿಕೆ ಸಿದ್ಧ

ನವದೆಹಲಿ, ಡಿಸೆಂಬರ್ 28: ದೇಶದಲ್ಲಿ ಕೊರೊನಾ ಲಸಿಕೆ ಕೋವಿಶೀಲ್ಡ್‌ ಅನ್ನು ಕೆಲವೇ ದಿನಗಳಲ್ಲಿ ಅನುಮತಿ ಸಿಕ್ಕ ತಕ್ಷಣ ಬಿಡುಗಡೆ ಮಾಡಲಿದ್ದು, ಕಂಪನಿಯು ಈಗಾಗಲೇ 4 ರಿಂದ 5 ಕೋಟಿ ಡೋಸ್ ಲಸಿಕೆ ಸಿದ್ಧಪಡಿಸಿದೆ ಎಂದು ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ಸಿಇಒ ಆದರ್ ಪೂನವಾಲಾ ಸೋಮವಾರ ಎಎನ್‌ಐಗೆ ತಿಳಿಸಿದ್ದಾರೆ.

ಲಸಿಕೆ ಎಷ್ಟು ಮತ್ತು ಎಷ್ಟು ಬೇಗನೆ ಬೇಕಾಗಬಹುದು ಎಂಬುದನ್ನು ಕೇಂದ್ರ ಸರ್ಕಾರದ ಮೇಲೆ ಅವಲಂಬಿತವಾಗಿದೆ ಎಂದು ಹೇಳಿದ್ದು, ಏಷ್ಯಾದ ಅತಿದೊಡ್ಡ ಲಸಿಕೆ ತಯಾರಕರಾದ ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಜುಲೈ 2021ರ ವೇಳೆಗೆ 300 ಮಿಲಿಯನ್ ಡೋಸ್ ಗುರಿಯನ್ನು ಹೊಂದಿದ್ದಾರೆ.

We have 40-50 million doses of Covishield stockpiled. Once we get regulatory approvals in a few days, it'll be down to the Govt to decide how much they can take and how fast. We will be producing around 300 million doses by July 2021: Adar Poonawalla, Serum Institute of India pic.twitter.com/SzLTZN1wBg

— ANI (@ANI) December 28, 2020

2021ರ ಮೊದಲ ಆರು ತಿಂಗಳಲ್ಲಿ ಜಾಗತಿಕ ಕೊರತೆ ಉಂಟಾಗಲಿದೆ ಮತ್ತು ಇದಕ್ಕೆ ಯಾವುದೇ ಪರಿಹಾರವಿಲ್ಲ ಎಂದು ಅವರು ಹೇಳಿದರು. ಆದರೆ ಆಗಸ್ಟ್‌-ಸೆಪ್ಟೆಂಬರ್ 2021ರ ವೇಳೆಗೆ ಇತರೆ ಲಸಿಕೆ ತಯಾರಕರು ಲಸಿಕೆ ಪೂರೈಸಿದರೆ ಸಾಧ್ಯವಾಗುತ್ತದೆ ಎಂದು ಹೇಳಿದ್ದಾರೆ.

ಭಾರತವು ಕೋವ್ಯಾಕ್ಸ್‌ನ ಭಾಗವಾಗಿದ್ದು, ನಾವು ತಯಾರಿಸುವ ಲಸಿಕೆಯಲ್ಲಿ ಶೇಕಡಾ 50ರಷ್ಟು ಭಾಗವನ್ನು ಭಾರತಕ್ಕೆ ನೀಡುತ್ತೇವೆ ಎಂದಿದ್ದಾರೆ.

ಈ ಹಿಂದೆ, ಜನವರಿಯಲ್ಲಿ ಭಾರತದಲ್ಲಿ ಕೊರೊನಾವೈರಸ್‌ಗೆ ಸಂಭಾವ್ಯ ಲಸಿಕೆ ನೀಡಲು ಸಿದ್ಧತೆಗಳು ನಡೆಯುತ್ತಿವೆ ಎಂದು ಹೇಳಿತ್ತು. ಮೂಲಗಳ ಪ್ರಕಾರ ಅದು ಶೀಘ್ರದಲ್ಲೇ ಆಕ್ಸ್‌ಫರ್ಡ್ ನಿರ್ಮಿತ ಕೋವಿಡ್ -19 ಲಸಿಕೆಯನ್ನು ಅನುಮೋದಿಸಬಹುದು.

English summary

We have 40-50 million doses of Covishield stockpiled. Once we get regulatory approvals in a few days, it'll be down to the Govt to decide how much they can take and how fast Movi Says Adar Poonawalla