ಕುಜ ದೋಷ ಸರಿಪಡಿಸುವುದಾಗಿ ನಾಲ್ಕು ವರ್ಷ ನಿರಂತರ ಅತ್ಯಾಚಾರ
ನವದೆಹಲಿ, ಅಕ್ಟೋಬರ್ 2: ಕುಜ ದೋಷ ನಿವಾರಣೆ ಮಾಡುವುದಾಗಿ ನಾಲ್ಕು ವರ್ಷದಿಂದ ಸೋದರ ಸಂಬಂಧಿ ಮಹಿಳೆ ಮೇಲೆ ಅತ್ಯಾಚಾರ ನಡೆಸುತ್ತಿದ್ದ ಆರೋಪದಲ್ಲಿ ಇಲ್ಲಿನ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ. ಒಂದು ವೇಳೆ ದೋಷ ನಿವಾರಣೆ ಆಗದಿದ್ದರೆ 'ನಿನ್ನ ತಂದೆ ಬದುಕುವುದಿಲ್ಲ' ಎಂದು ಆತ 23 ವರ್ಷದ ಮಹಿಳೆಯನ್ನು ಹೆದರಿಸಿದ್ದ.
ಕಳೆದ ವರ್ಷಗಳಲ್ಲಿ ನಿರಂತರವಾಗಿ ಅತ್ಯಾಚಾರ ನಡೆದಿದೆ. ಮಹಿಳೆಗೆ ಮದುವೆ ಆದ ನಂತರ ಕೂಡ ಆಕೆ ಮೇಲಿನ ದೌರ್ಜನ್ಯ ನಿಂತಿಲ್ಲ. ಕೊನೆಗೆ ಮಹಿಳೆಯು ಈ ವಿಚಾರವನ್ನು ತನ್ನ ಪತಿಯ ತಂದೆಗೆ ತಿಳಿಸಿದ್ದಾರೆ. ಆ ನಂತರ ಅವರು ನರೇಲಾ ಪೊಲೀಸ್ ಠಾಣೆಗೆ ಬಂದು, ದೂರು ದಾಖಲಿಸಿದ್ದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ.
ಅತ್ಯಾಚಾರ ಆರೋಪ ಎದುರಿಸುತ್ತಿರುವ ಸ್ವಯಂಘೋಷಿತ ದೇವಮಾನವರು
ಆರೋಪಿಯು ಮಹಿಳೆಯ ತಂದೆ ಕಡೆಯಿಂದ ಸಂಬಂಧಿ. ಎಫ್ ಐಆರ್ ದಾಖಲಾದ ದಿನದಂದೇ ಆತನನ್ನು ಬಂಧಿಸಲಾಗಿದೆ. ಸದ್ಯಕ್ಕೆ ಪೊಲೀಸರು ದೆಹಲಿ ಮಹಿಳಾ ನಿಯೋಗವನ್ನು ಸಂಪರ್ಕಿಸಿದ್ದು, ಸಂತ್ರಸ್ತೆಗೆ ಕೌನ್ಸೆಲಿಂಗ್ ಮಾಡುವಂತೆ ಕೇಳಿಕೊಂಡಿರುವುದಾಗಿ ತಿಳಿದುಬಂದಿದೆ. ಇನ್ನು ಆರೋಪಿಯ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಪೊಲೀಸರು ನೀಡಿಲ್ಲ.