ರಾಜ್ಯಸಭೆಯಲ್ಲೂ ಪೌರತ್ವ ಮಸೂದೆ ಅಂಗೀಕಾರ ಅಕ್ರಮ ವಲಸೆಗೆ ಶೀಘ್ರವೇ ಬ್ರೇಕ್‌

Updated: Thursday, December 19, 2019, 13:34 [IST]

ನವದೆಹಲಿ, ಡಿಸೆಂಬರ್ 11: ವಿವಾದಾತ್ಮಕ ಪೌರತ್ವ ತಿದ್ದುಪಡಿ ಮಸೂದೆಯನ್ನು ಗೃಹ ಸಚಿವ ಅಮಿತ್ ಶಾ ರಾಜ್ಯಭೆಯಲ್ಲಿ ಮಂಡಿಸಿದ್ದಾರೆ.

ತೀವ್ರ ವಿರೋಧ, ಪ್ರತಿಭಟನೆಗಳ ನಡುವೆಯೂ ಲೋಕಸಭೆಯಲ್ಲಿ ಮಹತ್ವದ ಪೌರತ್ವ ತಿದ್ದುಪಡಿ ಮಸೂದೆ, 2019 (ಕ್ಯಾಬ್) ಸೋಮವಾರ ಅಂಗೀಕಾರವಾಗಿತ್ತು.

ದೇಶದಾದ್ಯಂತ ಈ ಮಸೂದೆ ವಿರುದ್ಧ ಭಾರಿ ಪ್ರತಿಭಟನೆಗಳು ನಡೆಯುತ್ತಿವೆ. ಈಶಾನ್ಯ ರಾಜ್ಯಗಳಲ್ಲಿ ನಿರಂತರ ಪ್ರತಿಭಟನೆ ಮುಷ್ಕರಗಳು ನಡೆಯುತ್ತಿವೆ. ಅದರ ನಡುವೆಯೇ ಗೃಹ ಸಚಿವ ಅಮಿತ್ ಶಾ ಮಸೂದೆಯನ್ನು ಮಂಡಿಸಿದರು.

ಪೌರತ್ವ ತಿದ್ದುಪಡಿ ಮಸೂದೆ, 2019ರ (ಕ್ಯಾಬ್) ಪ್ರಕಾರ 2014ರ ಡಿ. 31ರ ಒಳಗೆ ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನಗಳಿಂದ ಧಾರ್ಮಿಕ ಶೋಷಣೆಗೆ ಒಳಪಟ್ಟು ಭಾರತಕ್ಕೆ ನಿರಾಶ್ರಿತರಾಗಿ ಬಂದ ಹಿಂದೂ, ಕ್ರೈಸ್ತ, ಸಿಖ್, ಬೌದ್ಧ, ಜೈನ ಮತ್ತು ಪಾರ್ಸಿ ಸಮುದಾಯಗಳ ಜನರನ್ನು ಅಕ್ರಮ ವಲಸಿಗರು ಎಂದು ಪರಿಗಣಿಸದೆ ಅವರಿಗೆ ಭಾರತದ ಪೌರತ್ವ ನೀಡಲಾಗುತ್ತದೆ.

Citizenship Amendment Bill Rajya Sabha Live Updates

ಅರುಣಾಚಲ ಪ್ರದೇಶ, ನಾಗಾಲ್ಯಾಂಡ್ ಮತ್ತು ಮಿಜೋರಾಂ ಈ ಮಸೂದೆಯಿಂದ ಸಂಪೂರ್ಣವಾಗಿ ವಿನಾಯಿತಿ ಪಡೆದಿವೆ. ಮೇಘಾಲಯ, ಅಸ್ಸಾಂನ ಕೆಲವು ಭಾಗಗಳು ಮತ್ತು ತ್ರಿಪುರಾ ಬಹುತೇಕ ವಿನಾಯಿತಿ ಪಡೆದಿವೆ. ಆದರೆ ಮಣಿಪುರ ಸಂಪೂರ್ಣವಾಗಿ ಈ ಮಸೂದೆ ವ್ಯಾಪ್ತಿಗೆ ಒಳಪಡಲಿದೆ. ಮಣಿಪುರಕ್ಕೆ ಸಂಬಂಧಿಸಿದಂತೆ ಸರ್ಕಾರವು ವಿಶೇಷ ಪ್ರಾತಿನಿಧ್ಯಗಳನ್ನು ಘೋಷಿಸುವ ಸಾಧ್ಯತೆ ಇದೆ.

Dec 11, 2019, 11:50 pm IST

ಪೌರತ್ವ ತಿದ್ದುಪಡಿ ಮಸೂದೆ ಜಾರಿಗೊಳಿಸುವುದನ್ನು ವಿರೋಧಿಸಿ ಅಸ್ಸಾಂನಲ್ಲಿ ಹಿಂಸಾಚಾರ ನಡೆದಿದೆ. ಹಲವು ಜಿಲ್ಲೆಗಳಲ್ಲಿ ನಿಷೇಧಾಜ್ಞೆ ಜಾರಿಗೊಳಿಸಲಾಗಿದೆ.

Dec 11, 2019, 11:14 pm IST

"ಪೌರತ್ವ ತಿದ್ದುಪಡಿ ಮಸೂದೆ ಭಾರತದ ಜಾತ್ಯಾತೀತ ಹಾಗೂ ಬಹುಸಂಸ್ಕೃತಿಗೆ ಧಕ್ಕೆ ಉಂಟು ಮಾಡಲಿದ್ದು, ಸಂವಿಧಾನದ ವಿರೋಧಿಯಾಗಿದೆ" ಎಂದು ಹೇಳಿರುವ ಐಪಿಎಸ್ ಅಧಿಕಾರಿ ಅಬ್ದುರ್ ರೆಹಮಾನ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.

Dec 11, 2019, 10:52 pm IST

ಭಾರತಕ್ಕೆ ಐತಿಹಾಸಿಕ ದಿನ ಮೋದಿ ಟ್ವೀಟ್

A landmark day for India and our nation’s ethos of compassion and brotherhood!

Glad that the #CAB2019 has been passed in the #RajyaSabha. Gratitude to all the MPs who voted in favour of the Bill.

This Bill will alleviate the suffering of many who faced persecution for years.
— Narendra Modi (@narendramodi) December 11, 2019

Dec 11, 2019, 10:29 pm IST

ಪೌರತ್ವ ತಿದ್ದುಪಡಿ ಮಸೂದೆ ಜಾರಿಯನ್ನು ಐಪಿಎಸ್ ಅಧಿಕಾರಿ ಅಬ್ದುಲ್ ರೆಹಮಾನ್ ಖಂಡಿಸಿದ್ದಾರೆ. ಮಹಾರಾಷ್ಟ್ರ ಕೆಡರ್‌ನ ಅಧಿಕಾರಿಯಾದ ಅಬ್ದುಲ್ ರೆಹಮಾನ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.

Dec 11, 2019, 10:03 pm IST

ಪೌರತ್ವ ತಿದ್ದುಪಡಿ ಮಸೂದೆ ರಾಜ್ಯಸಭೆಯಲ್ಲಿ ಅನುಮೋದನೆ ಗೊಂಡಿದೆ. ಇದು ದೇಶದ ಇತಿಹಾಸದಲ್ಲಿ ಕರಾಳ ದಿನವಾಗಿದೆ ಎಂದು ಎಐಸಿಸಿ ಅಧ್ಯೆಕ್ಷೆ ಸೋನಿಯಾ ಗಾಂಧಿ ಪ್ರತಿಕ್ರಿಯೆ ನೀಡಿದ್ದಾರೆ.

Dec 11, 2019, 8:55 pm IST

ರಾಜ್ಯಸಭೆಯಲ್ಲಿ ಪೌರತ್ವ ಮಸೂದೆಯು ಅಂಗೀಕಾರವಾಗಿದೆ. ಎಲೆಕ್ಟ್ರಾನಿಕ್ ಮತ್ತು ಡಿವಿಷನ್ ಸ್ಲಿಪ್ ಒಟ್ಟು ಮಾಡಿ 125 ಮತಗಳು ಮಸೂದೆಯ ಪರವಾಗಿ ಬಿದ್ದಿದ್ದರೆ, 105 ಮತಗಳು ಮಸೂದೆಯ ವಿರುದ್ಧವಾಗಿ ಬಿದ್ದಿವೆ. ಯಾರೂ ಸಹ ಮತಚಲಾಯಿಸದೇ ತಟಸ್ಥರಾಗಿರಲಿಲ್ಲ.

Dec 11, 2019, 8:46 pm IST

ರಾಜ್ಯಸಭೆಯಲ್ಲಿ ಪೌರತ್ವ ಮಸೂದೆ ಅಂಗೀಕಾರವಾಗಿದೆ. ಮಸೂದೆ ಪರವಾಗಿ 117 ಎಲೆಕ್ಟ್ರಾನಿಕ್ ಮತಗಳು ಬಿದ್ದಿವೆ.

Dec 11, 2019, 8:43 pm IST

ಅಮಿತ್ ಶಾ ಮಸೂದೆ ಮಂಡಿಸಿದ್ದು, ಅಂಗೀಕಾರಕ್ಕೆ ಮನವಿ ಮಾಡಿದ್ದಾರೆ. ಈಗ ಎಲೆಕ್ಟ್ರಾನಿಕ್ ಮತ ನಡೆಯಲಿದೆ.

Dec 11, 2019, 8:37 pm IST

ನಿನ್ನೆ ಲೋಕಸಭೆಯಲ್ಲಿ ಮಸೂದೆಗೆ ಬೆಂಬಲ ನೀಡಿದ್ದ ಶಿವಸೇನಾ ಪಕ್ಷದ ಸಂಸದರು ಇಂದು ರಾಜ್ಯಸಭೆಯಲ್ಲಿ ಮತದಾನದಿಂದ ದೂರ ಉಳಿದಿದ್ದಾರೆ. ಶಿವಸೇನಾ ಪಕ್ಷದ ಸಂಸದರು ಸಭಾತ್ಯಾಗ ಮಾಡಿದ್ದಾರೆ.

Dec 11, 2019, 8:07 pm IST

ಮಸೂದೆಯನ್ನು ಆಯ್ಕೆ ಸಮಿತಿಗೆ ಕಳುಹಿಸಲು ಅಭಿಪ್ರಾಯ ಕೇಳಿ ಮತಕ್ಕೆ ಹಾಕಿದಾಗ ಬೇಡವೆಂದು 113 ಮತ, ಹೌದು ಎಂದು 92, ಒಬ್ಬರು ಗೈರು ಮತ ಚಲಾಯಿಸಿದ್ದಾರೆ.

Dec 11, 2019, 7:53 pm IST

ಉತ್ತರ ನೀಡುವ ಕಾರ್ಯ ಮುಗಿದಿದ್ದು, ಸಭಾಧ್ಯಕ್ಷ ವೆಂಕಯ್ಯ ನಾಯ್ಡು ಅವರು ಮಸೂದೆಯನ್ನು ಮತಕ್ಕೆ ಹಾಕಿದರು. ಕೆಲವೇ ಕ್ಷಣಗಳಲ್ಲಿ ಎಕ್ಟ್ರಾನಿಕ್ ಓಟಿಂಗ್ ನಡೆಯಲಿದೆ.

Dec 11, 2019, 7:49 pm IST

ಪಶ್ಚಿಮ ಬಂಗಾಳ ಸೇರಿದಂತೆ ಇಡೀಯ ದೇಶದಲ್ಲಿ ಸಿಎಬಿ ಅನ್ವಯಿಸಲಾಗುತ್ತದೆ-ಅಮಿತ್ ಶಾ

Dec 11, 2019, 7:48 pm IST

ಪೌರತ್ವ ಮಸೂದೆ ಯಾರ ನಾಗರೀಕತೆಯನ್ನು ಕಿತ್ತುಕೊಳ್ಳುವುದಿಲ್ಲ, ಬದಲಿಗೆ ಪೌರತ್ವವನ್ನು ನೀಡುವ ಮಸೂದೆ ಇದಾಗಿದೆ- ಅಮಿತ್ ಶಾ

Dec 11, 2019, 7:21 pm IST

ಅಸ್ಸಾಂ ಭಾಷೆ, ಸಂಸ್ಕೃತಿ, ಆಚರಣೆ ಎಲ್ಲದರ ಬಗ್ಗೆಯೂ ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ. ಅಸ್ಸಾಂ ನವರಿಗೆ ರಾಜಕೀಯ ಮೀಸಲಾತಿ ಸಿಗುವ ಬಗ್ಗೆಯೂ ನಾವು ಯೋಚನೆ ಮಾಡಿದ್ದೇವೆ- ಅಮಿತ್ ಶಾ

Dec 11, 2019, 7:19 pm IST

1985 ರ ಅಸ್ಸಾಂ ಒಪ್ಪಂದದಲ್ಲಿ ಯಾವುದೇ ಬದಲಾವಣೆ ಆಗುವುದಿಲ್ಲ, ಅಸ್ಸಾಂ ನ ಮೀಸಲಾತಿ ಬದಲಾಗುವುದಿಲ್ಲ, ಆರನೇ ಶೆಡ್ಯೂಲ್‌ನಲ್ಲಿ ವ್ಯತ್ಯಾಸವಾಗುವುದಿಲ್ಲ- ಅಮಿತ್ ಶಾ

Dec 11, 2019, 6:53 pm IST

ಅಮಿತ್ ಶಾ ಅವರು ಮಮತಾ ಬ್ಯಾನರ್ಜಿ ಹಿಂದೊಮ್ಮೆ ಲೋಕಸಭೆಯಲ್ಲಿ ಹೇಳಿದ್ದಾರೆ ಎನ್ನಲಾದ ವಿಷಯದ ಬಗ್ಗೆ ಉಲ್ಲೇಖ ಮಾಡಿದಾಗ ಟಿಎಂಸಿ ಪಕ್ಷದ ಸದಸ್ಯರು ಗದ್ದಲ ಎಬ್ಬಿಸಿದ್ದಾರೆ.

Dec 11, 2019, 6:49 pm IST

ಪಾಕಿಸ್ತಾನದಲ್ಲಿರುವ ಮುಸ್ಲೀಮೇತರ ಉಳಿದ ಧರ್ಮದವರಿಗೆ ನಾವು ರಕ್ಷಣೆ ಕೊಡಲು ಬದ್ಧರಾಗಿದ್ದಾವೆ ಎಂದು ಕಾಂಗ್ರೆಸ್ ಕಾರ್ಯಕರಿಣಿಯಲ್ಲಿ ಒಮ್ಮೆ ರೆಸ್ಯೂಲಷನ್ ಮಾಡಲಾಗಿತ್ತು-ಅಮಿತ್ ಶಾ

Dec 11, 2019, 6:46 pm IST

ಭಾರತದಲ್ಲಿನ ಅಲ್ಪಸಂಖ್ಯಾತರು, ವಿಶೇಷವಾಗಿ ಮುಸ್ಲಿಂ ಅಣ್ಣ-ತಮ್ಮಂದಿರು ಹೆದರುವುದು ಬೇಕಿಲ್ಲ. ಈ ಮಸೂದೆಯು ಯಾರ ಪೌರತ್ವವನ್ನೂ ಕಿತ್ತುಕೊಳ್ಳುವುದಿಲ್ಲ-ಅಮಿತ್ ಶಾ

Dec 11, 2019, 6:42 pm IST

ಈ ಮಸೂದೆ ಆರ್ಟಿಕಲ್ 14 ರ ಉಲ್ಲಂಘನೆ ಮಾಡುವುದಿಲ್ಲ, ಸಂವಿಧಾನವನ್ನು ಉಲ್ಲಂಘನೆ ಮಾಡುವುದಿಲ್ಲ ಎಂದ ಅಮಿತ್ ಶಾ ಹಲವು ತೀರ್ಪುಗಳನ್ನು ಓದಿ ಹೇಳಿದರು.

Dec 11, 2019, 6:40 pm IST

ಮುಸ್ಲಿಂ ರಾಷ್ಟ್ರಗಳಲ್ಲಿ ಮುಸ್ಲೀಮರ ಮೇಲೆ ದೌರ್ಜನ್ಯ ಆಗುವುದಿಲ್ಲ, ಹಾಗಾಗಿ ಮುಸ್ಲೀಂ ದೇಶಗಳಲ್ಲಿ ದೌರ್ಜನ್ಯ ಆಗುತ್ತಿರುವ ಇತರ ಧರ್ಮದವರಿಗೆ ಮಾತ್ರವೇ ಅವಕಾಶ ನೀಡುತ್ತಿದ್ದೇವೆ- ಅಮಿತ್ ಶಾ

Dec 11, 2019, 6:39 pm IST

ಆರು ಧರ್ಮದವರಿಗೆ ನಾಗರೀಕತೆ ಕೊಡುತ್ತಿದ್ದೇವೆ ಇದರ ಬಗ್ಗೆ ಸಂತೋಶ ವ್ಯಕ್ತಪಡಿಸುವುದು ಬಿಟ್ಟು, ಮುಸ್ಲಿಂ ನವರು ಪಟ್ಟಿಯಲ್ಲಿ ಏಕಿಲ್ಲ ಎಂದು ಪ್ರಶ್ನೆ ಮಾಡುತ್ತಿದ್ದಾರೆ- ಅಮಿತ್ ಶಾ

Dec 11, 2019, 6:26 pm IST

ಧರ್ಮದ ಆಧಾರದಲ್ಲಿ ಭಾರತದ ವಿಭಜನೆ ಆಗಿದೆ, ಅಂದು ಮಾಡಿದ ತಪ್ಪಿನಿಂದಾಗಿ ನಾನು ಇಂದು ಈ ಮಸೂದೆಯನ್ನು ತಂದಿದ್ದೇನೆ- ಅಮಿತ್ ಶಾ, ಗೃಹ ಮಂತ್ರಿ

Dec 11, 2019, 6:22 pm IST

ಮಸೂದೆ ಬಗ್ಗೆ ಈವರೆಗೆ 44 ಸಂಸದರು ಮಾತನಾಡಿದ್ದಾರೆ, ನಾನು ಎಲ್ಲರ ಪ್ರಶ್ನೆಗಳ ಬಗ್ಗೆಯೂ ಉತ್ತರ ನೀಡುವ ಪ್ರಯತ್ನ ಮಾಡುತ್ತೇನೆ- ಅಮಿತ್ ಶಾ, ಗೃಹ ಮಂತ್ರಿ

Dec 11, 2019, 6:13 pm IST

ಆರ್ಟಿಕಲ್ 246 ಪ್ರಕಾರ ಸಂಸತ್‌ನ ಎರಡೂ ಸದನವು ಪೌರತ್ವದ ವಿಷಯದ ಬಗ್ಗೆ ಕಾನೂನು ರಚಿಸಬಹುದಾಗಿದೆ, ಅಷ್ಟೆ ಅಲ್ಲದೆ ಆರ್ಟಿಕಲ್ 14 ರ ಉಲ್ಲಂಘನೆಯನ್ನು ಈ ಮಸೂದೆ ಮಾಡುವುದಿಲ್ಲ -ಕಾನೂನು ಸಚಿವ ರವಿಶಂಕರ್ ಪ್ರಸಾದ್

Dec 11, 2019, 6:08 pm IST

ಎನ್‌ಸಿಆರ್‌ ಗೆ ಕೇವಲ ನಾಲ್ಕು ಸಾವಿರ ಮಂದಿ ಮಾತ್ರ ಅರ್ಜಿ ಸಲ್ಲಿಸಿದ್ದಾರೆ, ಆದರೆ ನೀವು ಹೇಳುತ್ತೀರಾ ಇಡೀ ದೇಶವೇ ಇದರ ಬಗ್ಗೆ ಹೆಮ್ಮೆ ಪಡುತ್ತಿದೆ ಎಂದು, ನಾಗಾಲ್ಯಾಂಡ್, ತ್ರಿಪುರ, ಅಸ್ಸಾಂ ನಲ್ಲಿ ಜನರು ಬೀದಿಗೆ ಇಳಿದು ಪ್ರತಿಭಟನೆ ಮಾಡುತ್ತಿದ್ದಾರೆ. ಅವರ ಮೇಲೆ ಪೊಲೀಸರು ಹಲ್ಲೆ ಮಾಡುತ್ತಿದ್ದಾರೆ ಇದು ನ್ಯಾಯವಾ- ಗುಲಾಂ ನಬಿ ಆಜಾದ್, ಕಾಂಗ್ರೆಸ್ ಹಿರಿಯ ಸದಸ್ಯ

Dec 11, 2019, 5:34 pm IST

ಮಸೂದೆಯನ್ನು ಸಂಸತ್‌ನ ಆಯ್ಕೆ ಸಮಿತಿಗೆ ಕೊಂಡೊಯ್ಯಲು ಕಾಂಗ್ರೆಸ್ ಮತ್ತು ಎಡಪಕ್ಷಗಳ ನಿರ್ಧಾರ

Dec 11, 2019, 5:28 pm IST

ಈಗಾಗಲೇ ವಲಸಿಗರು ಮತ್ತು ಮೂಲನಿವಾಸಿಗಳ ನಡುವಿನ ಸಂಪನ್ಮೂಲ ಹಂಚಿಕೆಯಿಂದ ಮೇಘಾಲಯ ಸಂಕಷ್ಟ ಅನುಭವಿಸಿದೆ. ರಾಜ್ಯದ ಮೂಲನಿವಾಸಿ ಆದಿವಾಸಿಗಳ ಅಸ್ಮಿತೆಯನ್ನು ಉಳಿಸಲು ನಾವು ಹೋರಾಡುತ್ತೇವೆ- ಕಾಂಗ್ರೆಸ್‌ನ ಸಂಸದ ವನ್ಸುಕ್ ಸೈಯೆಮ್

Dec 11, 2019, 5:26 pm IST

ಪೌರತ್ವ ತಿದ್ದುಪಡಿ ಮಸೂದೆಗೆ ವೈಎಸ್ ಆರ್ ಕಾಂಗ್ರೆಸ್ ಮತ್ತು ಬಿಜೆಡಿ ಸಂಸದರು ಬೆಂಬಲ ವ್ಯಕ್ತಪಡಿಸಿದ್ದಾರೆ. ಆದರೆ ಅದರಲ್ಲಿ ಕೆಲವು ಬದಲಾವಣೆಗಳನ್ನು ತರುವಂತೆ ಒತ್ತಾಯಿಸಿದ್ದಾರೆ.

Dec 11, 2019, 5:24 pm IST

ಅಸ್ಸಾಂ ಮತ್ತು ತ್ರಿಪುರಾಗಳಲ್ಲಿ ಪ್ರತಿಭಟನೆ ಹೆಚ್ಚುತ್ತಿರುವ ಕಾರಣದಿಂದ ಜಮ್ಮು ಮತ್ತು ಕಾಶ್ಮೀರದಿಂದ ಹಿಂದೆಗೆದುಕೊಳ್ಳಲಾದ ಸೇನೆಯನ್ನು ಈಶಾನ್ಯ ರಾಜ್ಯಗಳಿಗೆ ನಿಯೀಜಿಸಲಾಗುತ್ತಿದೆ.

Dec 11, 2019, 5:05 pm IST

ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನಗಳಲ್ಲಿನ ಧಾರ್ಮಿಕ ಗುಂಪುಗಳನ್ನು ಶೋಷಿಸಲಾಗಿದೆ ಮತ್ತು ದಬ್ಬಾಳಿಕೆ ನಡೆಸಲಾಗಿದೆ. ಅಹಮದೀಯರು ಅಥವಾ ಶಿಯಾಗಳು ಇರಾನ್, ಬಹರೇನ್‌ಗಳಿಗೆ ಆಶ್ರಯಕ್ಕಾಗಿ ಹೋಗಲು ಅವಕಾಶವಿದೆ- ಸುಬ್ರಮಣಿಯನ್ ಸ್ವಾಮಿ

12:27 PM, 11 Dec

ರಾಜ್ಯಸಭೆಯಲ್ಲಿ ಪೌರತ್ವ ತಿದ್ದುಪಡಿ ಮಸೂದೆ ಮಂಡಿಸಿದ ಅಮಿತ್ ಶಾ

12:27 PM, 11 Dec

ಪೌರತ್ವ ಮಸೂದೆ ಐತಿಹಾಸಿಕ ಎಂದು ಬಣ್ಣಿಸಿದ ಅಮಿತ್ ಶಾ

12:27 PM, 11 Dec

ಕ್ಯಾಬ್ ಮಸೂದೆಯು ಎನ್‌ಡಿಯ ಪ್ರಣಾಳಿಕೆಯ ಭಾಗ. ಪಾಕಿಸ್ತಾನದಲ್ಲಿ ಅಲ್ಪಸಂಖ್ಯಾತರಿಗೆ ಪೌರತ್ವವನ್ನೇ ನೀಡಲಾಗಿಲ್ಲ- ಅಮಿತ್ ಶಾ

12:32 PM, 11 Dec

ಪೌರತ್ವ ಮಸೂದೆಯಿಂದ ಯಾರೂ ಆತಂಕ ಪಡಬೇಕಾಗಿಲ್ಲ. ಭಾರತದ ಮುಸ್ಲಿಮರಿಗೆ ಯಾವುದ ತೊಂದರೆಯಾಗುವುದಿಲ್ಲ.- ಅಮಿತ್ ಶಾ

12:32 PM, 11 Dec

ಪೌರತ್ವ ಮಸೂದೆಯು ಮತ ಬ್ಯಾಂಕ್ ರಾಜಕಾರಣವನ್ನು ಚಲಾಯಿಸುವ ಪ್ರಯತ್ನವಲ್ಲ. ಇದರಲ್ಲಿ ರಾಜಕೀಯ ಬೆರೆಸುವ ಪ್ರಯತ್ನವನ್ನು ಕೆಲವರು ಮಾಡುತ್ತಿದ್ದಾರೆ. ಹಾಗೆ ಮಾಡಬೇಡಿ ಎಂದು ಅವರಿಗೆ ಮನವಿ ಮಾಡುತ್ತೇನೆ- ಅಮಿತ್ ಶಾ

12:33 PM, 11 Dec

ಮತ್ತೊಮ್ಮೆ ಹೇಳುತ್ತೇನೆ, ಈ ಮಸೂದೆ ವಿಚಾರವು ನಮ್ಮ ಚುನಾವಣಾ ಪ್ರಣಾಳಿಕೆಯಲ್ಲಿಯೇ ಇತ್ತು. ನಮಗೆ ಮತ್ತು ನಮ್ಮ ಪ್ರಣಾಳಿಕೆಗೆ ಭಾರತದ ಜನರು ಮತ ಹಾಕಿದ್ದಾರೆ ಎನ್ನುವುದು ಸ್ಪಷ್ಟ- ಅಮಿತ್ ಶಾ

12:35 PM, 11 Dec

2016ರಲ್ಲಿ ಪ್ರಸ್ತಾಪಿಸಲಾಗಿದ್ದ ಮಸೂದೆಗೂ ಈಗ ಮಂಡಿಸಲಾಗಿರುವ ಮಸೂದೆಗೂ ಅಜಗಜಾಂತರ ವ್ಯತ್ಯಾಸವಿದೆ- ಆನಂದ್ ಶರ್ಮಾ

12:36 PM, 11 Dec

ಮಸೂದೆ ಕುರಿತು ಆರು ಗಂಟೆಗಳ ಚರ್ಚೆಗೆ ಅವಕಾಶ ನೀಡಿರುವ ರಾಜ್ಯಸಭೆ ಅಧ್ಯಕ್ಷ ಎಂ. ವೆಂಕಯ್ಯ ನಾಯ್ಡು

12:38 PM, 11 Dec

2014ರ ಡಿ.31ಕ್ಕೂ ಮೊದಲು ಭಾರತಕ್ಕೆ ವಲಸೆ ಬಂದ ಶೋಷಿತ ಅಲ್ಪಸಂಖ್ಯಾತ ಸಮುದಾಯದ ಜನರ ವಿರುದ್ಧ ಯಾವುದೇ ಕಾನೂನು ಕ್ರಮ ತೆಗೆದುಕೊಳ್ಳುವುದಿಲ್ಲ. ಅವರ ವಿರುದ್ಧದ ಪ್ರಕರಣಗಳನ್ನು ಕೈಬಿಡಲಾಗುವುದು- ಅಮಿತ್ ಶಾ

12:39 PM, 11 Dec

ಭಾರತದ ಪೌರತ್ವ ಹೊಂದಿರುವ ಮೂಲ ಮುಸ್ಲಿಮರಿಗೆ ಈ ಮಸೂದೆಯಿಂದ ಯಾವುದೇ ತೊಂದರೆಯಾಗುವುದಿಲ್ಲ.

12:39 PM, 11 Dec

ಜಗತ್ತಿನ ಯಾವುದೇ ಭಾಗದಿಂದ ಬಂದ ಯಾವುದೇ ಮುಸ್ಲಿಮರಿಗೆ ಹೊಸದಾಗಿ ಭಾರತದ ಪೌರತ್ವ ನೀಡುವುದಿಲ್ಲ- ಅಮಿತ್ ಶಾ

12:43 PM, 11 Dec

ನೀವು ಮಂಡಿಸಿರುವ ಮಸೂದೆ ಭಾರತದ ಸಂವಿಧಾನದ ಮೂಲ ತಳಹದಿ ಮೇಲಿನ ಪ್ರಹಾರವಾಗಿದೆ. ಇದು ಭಾರತ ಗಣರಾಜ್ಯದ ಮೇಲೆ ಹಲ್ಲೆ. ಇದು ಭಾರತದ ಆತ್ಮಕ್ಕೆ ಗಾಸಿಯುಂಟುಮಾಡುತ್ತದೆ. ಇದು ನಮ್ಮ ಸಂವಿಧಾನ ಮತ್ತು ಪ್ರಜಾಪ್ರಭುತ್ವಕ್ಕೆ ವಿರುದ್ಧವಾದುದು. ಇದು ನೈತಿಕ ಪರೀಕ್ಷೆಯಲ್ಲಿ ಸೋತಿದೆ- ಆನಂದ್ ಶರ್ಮಾ, ಕಾಂಗ್ರೆಸ್ ಸಂಸದ

Anand Sharma,Congress in Rajya Sabha: The bill that you have brought is an assault on the very foundation of the Indian constitution, it is an assault on the Republic of India. It hurts the soul of India. It is against our constitution&democracy. It fails the morality test pic.twitter.com/dCMVAea9rr
— ANI (@ANI) December 11, 2019

12:45 PM, 11 Dec

ಮಸೂದೆಯು ಅಲ್ಪಸಂಖ್ಯಾತರು ಮತ್ತು ಮುಸ್ಲಿಂ ವಿರೋಧಿ ಎಂದು ಹೇಳಲಾಗುತ್ತಿದೆ. ಪಾಕಿಸ್ತಾನದಲ್ಲಿನ ಮುಸ್ಲಿಮರಿಗೆ ಭಾರತದ ಪೌರತ್ವ ನೀಡುವುದನ್ನು ನೀವು ಬಯಸಿದ್ದೀರಾ?- ಅಮಿತ್ ಶಾ

12:48 PM, 11 Dec

ಈ ಮಸೂದೆಯು ಭಾರತದಲ್ಲಿನ ಮುಸ್ಲಿಮರಿಗೆ ವಿರುದ್ಧವಾಗಿದೆ ಎಂಬ ಸುಳ್ಳು ಅಭಿಪ್ರಾಯ ಬಿತ್ತಲಾಗುತ್ತಿದೆ. ಈ ಮಸೂದೆಯು ಭಾರತದ ಮುಸ್ಲಿಮರಿಗೆ ಹೇಗೆ ಸಂಬಂಧಿಸಿದ್ದಾಗಿದೆ ಎಂದು ಕೇಳಲು ಬಯಸುತ್ತೇನೆ? ಅವರು ಭಾರತದ ಪ್ರಜೆಗಳು ಮತ್ತು ಪ್ರಜೆಗಳಾಗಿಯೇ ಉಳಿಯುತ್ತಾರೆ. ಅವರ ವಿರುದ್ಧ ಯಾವುದೇ ತಾರತಮ್ಯವಿಲ್ಲ- ಅಮಿತ್ ಶಾ

12:50 PM, 11 Dec

ನರೇಂದ್ರ ಮೋದಿ ಸರ್ಕಾರದ ಅಡಿಯಲ್ಲಿ ಮುಸ್ಲಿಮರು ಭಯಪಡುವ ಅಗತ್ಯವಿಲ್ಲ. ಕೇಂದ್ರ ಸರ್ಕಾರವು ಮೂರು ದೇಶಗಳನ್ನು ಮಾತ್ರ ಆಯ್ದುಕೊಂಡಿದೆ, ಏಕೆಂದರೆ ಜಗತ್ತಿನ ಎಲ್ಲ ಭಾಗಗಳಲ್ಲಿನ ಮುಸ್ಲಿಮರಿಗೆ ಆಶ್ರಯ ನೀಡಲು ಸಾಧ್ಯವಿಲ್ಲ. ಅದು ಹೇಗೆ ಸಾಧ್ಯ?- ಅಮಿತ್ ಶಾ

12:52 PM, 11 Dec

ಬಾಂಗ್ಲಾದೇಶ ಮತ್ತು ಪಾಕಿಸ್ತಾನಗಳಲ್ಲಿನ ಧಾರ್ಮಿಕ ಅಲ್ಪಸಂಖ್ಯಾತರ ಜನಸಂಖ್ಯೆಯು ಶೇ 20ರಷ್ಟು ಕುಸಿದಿದೆ. ಅವರನ್ನು ಕೊಲ್ಲಲಾಗಿದೆ, ಇಲ್ಲವೇ ಮತಾಂತರ ಮಾಡಲಾಗಿದೆ. ಕೆಲವರು ಆಶ್ರಯಕ್ಕಾಗಿ ಭಾರತಕ್ಕೆ ನುಸುಳಿದ್ದಾರೆ- ಅಮಿತ್ ಶಾ

12:54 PM, 11 Dec

ಈ ಮಸೂದೆಯನ್ನು ತುರ್ತಾಗಿ ಜಾರಿ ಮಾಡುವ ಅವಸರವೇಕೆ? ನಾವು ಇದನ್ನು ವಿರೋಧಿಸುತ್ತೇವೆ. ಈ ವಿರೋಧಕ್ಕೆ ರಾಜಕೀಯ ಕಾರಣವಲ್ಲ, ಆದರೆ ಸೈದ್ಧಾಂತಿಕವಾದದ್ದು. ಈ ಮಸೂದೆ ಸಂವಿಧಾನದ ಪ್ರಸ್ತಾವನೆಗೆ ವಿರುದ್ಧವಾಗಿದೆ. 2019ರ ಈ ನಡೆ ನಮ್ಮ ಸಂವಿಧಾನದ ಮೂಲ ಪಿತಾಮಹರಿಗೆ ಅವಮಾನ ಎಸಗುತ್ತಿದೆ. ಅವರ ಜ್ಞಾನವನ್ನು ನೀವು ಅವಮಾನಿಸುತ್ತಿದ್ದೀರಿ- ಕಾಂಗ್ರೆಸ್‌ನ ಆನಂದ್ ಶರ್ಮಾ

12:56 PM, 11 Dec

ದೇಶ ವಿಭಜನೆಯ ಬಳಿಕ ಪಾಕಿಸ್ತಾನದಿಂದ ಬಂದ ಜನರಿಗೆ ನಾವು ಆಶ್ರಯ ಕಲ್ಪಿಸಿದ್ದೇವೆ. ಅವರಲ್ಲಿ ಇಬ್ಬರು ನಮ್ಮ ಮಾಜಿ ಪ್ರಧಾನಿಗಳೂ ಸೇರಿದ್ದಾರೆ- ಡಾ. ಮನಮೋಹನ್ ಸಿಂಗ್ ಮತ್ತು ಐಕೆ ಗುಜ್ರಾಲ್.

12:57 PM, 11 Dec

1955ರಿಂದಲೂ ಪೌರತ್ವ ಕಾಯ್ದೆಗೆ ತಿದ್ದುಪಡಿಗಳನ್ನು ಮಾಡಲಾಗುತ್ತಿದೆ. ಆದರೆ ಈ ಕಾಯ್ದೆಯ ಮೂಲ ತತ್ವಗಳನ್ನು ಎಂದಿಗೂ ಹಾಳುಗೆಡವಿರಲಿಲ್ಲ. ರಾಜಕೀಯದಾಚೆ ಬೆಳೆಯಿರಿ ಎಂದು ನೀವು ನಮಗೆ ಹೇಳುತ್ತೀರಿ. ಆದರೆ ಈ ವಿಚಾರವನ್ನು ರಾಜಕೀಯಗೊಳಿಸಬೇಡಿ ಎಂದು ನಾನು ನಿಮಗೆ ಮನವಿ ಮಾಡುತ್ತೇನೆ- ಆನಂದ್ ಶರ್ಮಾ

12:58 PM, 11 Dec

ಎರಡು ದೇಶಗಳ ಸಿದ್ಧಾಂತವನ್ನು ತಂದವರು ಜಿನ್ನಾ ಅಲ್ಲವೇ ಅಲ್ಲ. ಅದನ್ನು 1937ರಲ್ಲಿ ಗುಜರಾತ್‌ನಲ್ಲಿ ಪರಿಚಯಿಸಿದ್ದು ಹಿಂದೂ ಮಹಾಸಭಾ- ಆನಂದ್ ಶರ್ಮಾ.

1:00 PM, 11 Dec

ಬ್ರಿಟಿಷರ ಹಸ್ತಕ್ಷೇಪದ ಬಗ್ಗೆ ನೀವೇಕೆ ಚಕಾರವೆತ್ತುತ್ತಿಲ್ಲ? ಮುಸ್ಲಿಂ ಲೀಗ್‌ಅನ್ನು ಬಲಗೊಳಿಸಿದ್ದು ಅವರೇ. ಬ್ರಿಟಿಷರು ಕಾಂಗ್ರೆಸ್‌ಅನ್ನು ನಿಷೇಧಿಸಿ, ಎರಡು ದೇಶಗಳ ಪರಿಕಲ್ಪನೆಗಾಗಿ ಮುಸ್ಲಿಂ ಲೀಗ್ ಮತ್ತು ಹಿಂದೂ ಮಹಾಸಭಾವನ್ನು ಮುಂಚೂಣಿಗೆ ತರಲು ಅವಕಾಶ ನೀಡಿದರು- ರಾಜ್ಯಸಭೆಯಲ್ಲಿ ಆನಂದ್ ಶರ್ಮಾ.

1:01 PM, 11 Dec

ಪೌರತ್ವ ಮಸೂದೆಗೆ ತಿದ್ದುಪಡಿಗಳನ್ನು ಮಾಡಿದಾಗಲೆಲ್ಲಾ ಧರ್ಮವನ್ನು ಅದರ ಮೂಲವಾಗಿ ಬಳಸಿಕೊಂಡಿರಲಿಲ್ಲ. 14ನೇ ವಿಧಿಯು ಕಾನೂನಿನ ಮುಂದೆ ಎಲ್ಲರೂ ಸಮಾನರು ಎಂಬುದನ್ನು ಹೇಳುತ್ತದೆ- ಆನಂದ್ ಶರ್ಮಾ

1:03 PM, 11 Dec

ಭಾರತವು ಮಾನವ ಹಕ್ಕುಗಳ ಸಮ್ಮೇಳನದ ಒಪ್ಪಂದವನ್ನು ಅನುಮೋದಿಸಿದೆ. ಸಂವಿಧಾನದ ವಿರುದ್ಧ ಯಾವ ಪ್ರಣಾಳಿಕೆಯೂ ಹೋಗಬಾರದು. ಮಹಾತ್ಮಾ ಗಾಂಧಿ ಇದ್ದಿದ್ದರೆ ಈ ಸರ್ಕಾರದ ಬಗ್ಗೆ ಬೇಸರಪಟ್ಟುಕೊಳ್ಳುತ್ತಿದ್ದರು - ಆನಂದ್ ಶರ್ಮಾ

1:06 PM, 11 Dec

ಮಸೂದೆಗೆ ಸಂಬಂಧಿಸಿದಂತೆ ಗೃಹ ಸಚಿವರು ಈಶಾನ್ಯ ಜನರ ಅಭಿಪ್ರಾಯಗಳನ್ನು ಆಲಿಸಿದ್ದಾರೆ ಮತ್ತು ಚರ್ಚಿಸಿದ್ದಾರೆ. ಈಶಾನ್ಯ ಪ್ರದೇಶದ ಮೂಲ ನಿವಾಸಿಗಳ ಕಳವಳಗಳನ್ನು ಸೂಕ್ತವಾಗಿ ಬಗೆಹರಿಸಲಾಗುವುದು- ಕೇಂದ್ರ ಸಚಿವ ಕಿರೆನ್ ರಿಜಿಜು

Union Minister Kiren Rijiju on Citizenship Amendment Bill (CAB): Home Minister has discussed & listened to the voice of the people of the northeast. The concerns of the indigenous people of the north-east region are being addressed thoroughly. pic.twitter.com/tB7x4GAqVK
— ANI (@ANI) December 11, 2019

1:08 PM, 11 Dec

ಡೇಟಾ ಸಂರಕ್ಷಣಾ ಮಸೂದೆಯನ್ನು ಉಭಯ ಸದನಗಳ ಜಂಟಿ ಸಮಿತಿಗೆ ಕಳುಹಿಸಲು ಗುರುವಾರ ಪ್ರಸ್ತಾವನೆಯನ್ನು ತರುತ್ತೇವೆ- ಕೇಂದ್ರ ಸಂವಹನ, ವಿದ್ಯುನ್ಮಾನ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ರವಿಶಂಕರ್ ಪ್ರಸಾದ್.

Union Minister of Communications, Electronics & Information Technology, Ravi Shankar Prasad in Lok Sabha:
We will bring a proposal tomorrow that a joint select committee of both the Houses should hold deliberations on Data Protection Bill. pic.twitter.com/qTL3zRrEEk
— ANI (@ANI) December 11, 2019

1:11 PM, 11 Dec

ನಮ್ಮ ಧರ್ಮದಲ್ಲಿ ನಾವು ಮರುಜನ್ಮವನ್ನು ಮತ್ತು ನಮ್ಮ ಹಿರಿಯರನ್ನು ಮತ್ತೆ ಭೇಟಿಯಾಗುತ್ತೇವೆ ಎಂದು ನಂಬುತ್ತೇವೆ. ಹಾಗಾಗಿ ಸರ್ದಾರ್ ಪಟೇಲರು ಮೋದಿಜಿಯನ್ನು ಭೇಟಿಯಾದರೆ ಅವರು ಕೋಪಗೊಳ್ಳುತ್ತಾರೆ. ಗಾಂಧೀಜಿ ಖಂಡಿತವಾಗಿಯೂ ಬೇಸರಪಟ್ಟುಕೊಳ್ಳುತ್ತಾರೆ. ಆದರೆ ಪಟೇಕರು ತುಂಬಾ ಸಿಟ್ಟಾಗುವುದು ಮಾತ್ರ ಖಚಿತ- ಆನಂದ್ ಶರ್ಮಾ

1:12 PM, 11 Dec

ತ್ರಿಪುರಾದ ರಾಜಧಾನಿ ಅಗರ್ತಲಾದಲ್ಲಿ ಕ್ಯಾಬ್ ವಿರೋಧಿಸಿ ಭಾರಿ ಪ್ರತಿಭಟನೆ ನಡೆಯುತ್ತಿದೆ.

Tripura: People stage protest against #CitizenshipAmendmentBill2019 in Agartala. pic.twitter.com/my5Bjqb5wB
— ANI (@ANI) December 11, 2019

1:16 PM, 11 Dec

ನಿರಾಶ್ರಿತರರಿಗೆ ಪೌರತ್ವ ಕಲ್ಪಿಸುವಾಗ ಭಾರತ ಎಂದಿಗೂ ಧರ್ಮವನ್ನು ಪ್ರಮುಖ ಅಂಶವನ್ನಾಗಿ ಪರಿಗಣಿಸಿರಲಿಲ್ಲ. ಭಾರತದ ಸಂವಿಧಾನಕ್ಕಿಂತ ಯಾವುದೇ ಪಕ್ಷದ ಸಂವಿಧಾನ ದೊಡ್ಡದಲ್ಲ. ಬಂಧನ ಕೇಂದ್ರಗಳಲ್ಲಿ ಇರುವ ವಲಸಿಗರ ಪರಿಸ್ಥಿತಿ ಶೋಚನೀಯವಾಗಿದೆ- ಆನಂದ್ ಶರ್ಮಾ.

1:17 PM, 11 Dec

ದೇಶ ವಿಭಜನೆಯ ಬಳಿಕ ಭಾರತದಲ್ಲಿ ಅಲ್ಪಸಂಖ್ಯಾತರನ್ನು ರಕ್ಷಿಸಲಾಗಿದೆ. ಆದರೆ ಅದು ಪಾಕಿಸ್ತಾನದಲ್ಲಿ ನಡೆದಿಲ್ಲ- ಜೆ.ಪಿ. ನಡ್ಡಾ

1:22 PM, 11 Dec

ವಿಭಜನೆಯ ಬಳಿಕ ಭಾರತ ಜಾತ್ಯತೀತ ರಾಷ್ಟ್ರವಾದರೆ, ಪಾಕಿಸ್ತಾನ ಧರ್ಮ ಆಧಾರಿತವಾಗಿಯೇ ಉಳಿಯಿತು. ಭಾರತದಲ್ಲಿ ಅಲ್ಪಸಂಖ್ಯಾತರ ಸಂಖ್ಯೆ ಹೆಚ್ಚುತ್ತಿರುವುದನ್ನು ದಾಖಲೆಗಳು ತೋರಿಸುತ್ತವೆ. ಆದರೆ ಪಾಕಿಸ್ತಾನದಲ್ಲಿ ಅಲ್ಪಸಂಖ್ಯಾತರ ಪ್ರಮಾಣ ಇಳಿಮುಖವಾಗಿದೆ- ಜೆಪಿ ನಡ್ಡಾ