ಸಂಘಮಿತ್ರ ಎಕ್ಸ್ ಪ್ರೆಸ್ ರೈಲಿನೊಳಗೆ ವಾಟರ್ ಫಾಲ್ಸ್!
ಬೆಂಗಳೂರು, ಜುಲೈ 3: ವಾಟರ್ ಫಾಲ್ಸ್ ನೋಡಲು ಎಲ್ಲರಿಗೂ ಖುಷಿಯಾಗುತ್ತದೆ. ಆದರೆ ಈ ವಾಟರ್ ಫಾಲ್ಸ್ ನೋಡಿದವರಿಗೆ ಮಾತ್ರ ಖುಷಿಯಾಗಿಲ್ಲ. ಬದಲಿಗೆ ದಿಗಿಲು ಹುಟ್ಟಿದೆ. ಏಕೆಂದರೆ ಇದು ಕಂಡಿರುವುದು ರೈಲಿನಲ್ಲಿ. ಹೌದು. ರೈಲಿನ ಎಸಿ ಕೋಚ್ ಒಂದರಲ್ಲಿ ಹೀಗೆ ನೀರು ಹರಿದು ಹೋಗುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಕಳೆದ ಜೂನ್ 29ರಂದು ಸಂಗಮಿತ್ರ ಸೂಪರ್ ಫಾಸ್ಟ್ ಎಕ್ಸ್ಪ್ರೆಸ್ನ ಎ1 ಕೋಚ್ ನಲ್ಲಿ ಎಸಿ ಆನ್ ಮಾಡಿದಾಗ ತಣ್ಣನೆ ಗಾಳಿ ಬರುವ ಬದಲು ನೀರು ಸುರಿಯಲು ಪ್ರಾರಂಭಿಸಿದೆ. ಇದಕ್ಕೆ ಕಂಗಾಲಾದ ಜನರು ಏಕಾಏಕಿ ತಾವಿರುವ ಜಾಗದಿಂದ ಎದ್ದು ಕೆಳಗಿಳಿದಿದ್ದಾರೆ. ಈ ಇಡೀ ದೃಶ್ಯವನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿದ್ದು, ಈ ವಿಡಿಯೋ ಎಲ್ಲೆಲ್ಲೂ ಹರಿದಾಡುತ್ತಿದೆ.
ಸಾಮಾನ್ಯವಾಗಿ ರೈಲಿನಲ್ಲಿ ದೂರದೂರಿಗೆ ಪ್ರಯಾಣ ಮಾಡುವ ವೇಳೆ ಎಸಿ ಕೋಚ್ ಅನ್ನು ಬಹಳ ಅನುಕೂಲಕರ ಕೋಚ್ ಎಂದು ಪರಿಗಣಿಸಲಾಗುತ್ತದೆ. ಈ ವಿಡಿಯೋ ನೋಡಿದ ನಂತರ ಜನರು ಭಾರತೀಯ ರೈಲ್ವೆಯನ್ನು ಟ್ರೋಲ್ ಮಾಡುತ್ತಿದ್ದಾರೆ. ಕೋಚ್ ಒಳಗೆ ನೀರು ಹರಿಯುತ್ತಿರುವುದು, ಕೋಚ್ ನಲ್ಲಿ ಪ್ರಯಾಣಿಕರ ಪರದಾಟ, ನೀರಿನಲ್ಲಿ ಮುಳುಗಿರುವ ವಸ್ತುಗಳು, ಎಲ್ಲವನ್ನೂ ವೀಡಿಯೊ ಸ್ಪಷ್ಟವಾಗಿ ತೋರಿಸುತ್ತದೆ.
ನೀರು ಸುರಿಯುವಾಗ ಅದನ್ನು ತಡೆಯಲು ಯಾವುದೇ ಸಾಧನವಾಗಲಿ ಇರಲಿಲ್ಲ. ರೈಲ್ವೇ ಅಧಿಕಾರಿಗಳೂ ಬರಲಿಲ್ಲ. ಇದರಿಂದಾಗಿ ಪ್ರಯಾಣಿಕರಿಗೆ ಕಿರಿಕಿರಿ ಉಂಟಾಗಿದೆ. ಸಂಘ ಮಿತ್ರ ಸೂಪರ್ ಫಸ್ಟ್ ಎಕ್ಸ್ಪ್ರೆಸ್ ರೈಲು ಪಟ್ನಾದಿಂದ ಬೆಂಗಳೂರು ರೈಲ್ವೇ ಜಂಕ್ಷನ್ ನಡುವೆ ಓಡಾಟ ನಡೆಸುತ್ತಿದೆ. ಇನ್ನಾದರೂ ರೈಲ್ವೆ ಅಧಿಕಾರಿಗಳು ಈ ರೀತಿಯ ಘಟನೆ ಮರುಕಳಿಸದಂತೆ ಗಮನಹರಿಸಬೇಕಿದೆ.
Click it and Unblock the Notifications
Sign in with Google