ಮೈಸೂರಿನಲ್ಲಿ ಹೊಂಡಾದಿಂದ ವಾಹನಗಳಿಗೆ ಉಚಿತ ಸರ್ವೀಸ್!
ಮೈಸೂರು, ನವೆಂಬರ್ 17 : ಮೋಟಾರು ವಾಹನ ತಯಾರಿಕಾ ಸಂಸ್ಥೆಯಾದ ಹೊಂಡಾದ ಸಂಸ್ಥಾಪಕರ ಜನ್ಮದಿನದ ನೆನಪಿಗಾಗಿ ಶನಿವಾರ (ನ.೧೮) ಮೈಸೂರಿನಲ್ಲಿ ವಿನೂತನ ಕಾರ್ಯಕ್ರಮ ಆಯೋಜಿಸಲಾಗಿದೆ.
ಜಪಾನ್ ದೇಶದ ಸೋಹಿಚಿರೋ ಹೊಂಡಾ (Soichiro Honda) ಅವರ ಜನ್ಮದಿನ ನ.17.
ಈ ಹಿನ್ನೆಲೆಯಲ್ಲಿ ಮೈಸೂರಿನಲ್ಲಿ ಅವರ ಜನ್ಮದಿನ ಆಚರಣೆಗೆ ಮುಂದಾಗಿದ್ದಾರೆ. ಕಲ್ಯಾಣಗಿರಿಯ ಡಾ.ರಾಜ್ ಕುಮಾರ್ ರಸ್ತೆಯಲ್ಲಿರುವ ಯಶ್ ಮೋಟಾರ್ಸ್ ವತಿಯಿಂದ ಶನಿವಾರ ನ.೧೮ರಂದು ಬೆಳಗ್ಗೆ 11.30ಕ್ಕೆ ಹೊಂಡಾ ಅವರ ಜನ್ಮದಿನ ಅಚರಿಸಲಾಗುತ್ತಿದೆ. ಈ ಸಲುವಾಗಿ ಹೊಂಡಾ ಸಂಸ್ಥೆಯ ಯಾವುದೇ ದ್ವಿಚಕ್ರ ವಾಹನವಾದರೂ ಸರಿ ಉಚಿತವಾಗಿ ಸರ್ವೀಸ್ ಮಾಡಿಕೊಡಲಾಗುತ್ತದೆ ಎಂದು ಯಶ್ ಮೋಟಾರ್ಸ್ ನ ಮಾಲೀಕ ಶ್ರೀನಿವಾಸ ರಾವ್ ತಿಳಿಸಿದ್ದಾರೆ.
ಹೊಂಡಾ ಸಂಸ್ಥೆ ಅಸ್ಥಿತ್ವದಿಂದ ಇಂದು ಲಕ್ಷಾಂತರ ಮಂದಿ ಉದ್ಯೋಗ ಕಂಡುಕೊಂಡಿದ್ದಾರೆ. ಆ ಮೂಲಕ ನೆಮ್ಮದಿಯಿಂದ ಕುಟುಂಬ ನಿರ್ವಹಣೆ ಮಾಡುತ್ತಿದ್ದಾರೆ. ಆದ್ದರಿಂದ ಅವರನ್ನು ಸ್ಮರಿಸಿಕೊಳ್ಳುವುದು ನಮ್ಮ ಜವಾಬ್ದಾರಿ. ಆದ್ದರಿಂದಲೇ ನಾಳೆ ಅವರ ಜನ್ಮದಿನ ಆಚರಿಸುತ್ತಿದ್ದೇವೆ. ಈ ನೆಪದಲ್ಲಿ ವಾಹನಗಳನ್ನು ಉಚಿತವಾಗಿ ಸರ್ವೀಸ್ ಮಾಡುತ್ತಿದ್ದೇವೆ. ಜತೆಗೆ ಬಿಪಿ ತಪಾಸಣೆಗೆ ವ್ಯವಸ್ಥೆ ಕಲ್ಪಿಸಲಾಗಿದೆ. ಸಸಿಗಳನ್ನು ಸಹ ನೆಡಲಾಗುತ್ತಿದೆ ಎಂದರು.
Click it and Unblock the Notifications
Sign in with Google