ಮೈಸೂರು : ಪ್ರತಿವಾರ್ಡ್‌ನಲ್ಲಿ ಶುದ್ಧ ಕುಡಿಯುವ ನೀರು ಸಿಗುತ್ತೆ

ಮೈಸೂರು, ಏ. 14 : ದಿನದ 24 ಗಂಟೆಯೂ ಕಡಿಮೆ ಬೆಲೆಗೆ ಶುದ್ಧ ಕುಡಿಯುವ ನೀರು ಒದಗಿಸುವ ನೀರಿನ ಘಟಕಗಳು ಮೈಸೂರಿನ ಪ್ರತಿ ವಾರ್ಡ್‌ನಲ್ಲಿ ಸ್ಥಾಪನೆಯಾಗಲಿವೆ. ಪ್ರವಾಸಿ ಸ್ಥಳಗಳ ಸಮೀಪ ಈ ಘಟಕಗಳನ್ನು ಸ್ಥಾಪನೆ ಮಾಡಲು ಮೈಸೂರು ಮಹಾನಗರ ಪಾಲಿಕೆ ನಿರ್ಧರಿಸಿದೆ.

1 ರೂ.ಗೆ 20 ಲೀಟರ್ ಶುದ್ಧ ಕುಡಿಯುವ ನೀರು ಒದಗಿಸುವ ಘಟಕಗಳು ಇದಾಗಿದ್ದು. ಉತ್ತರ ಕರ್ನಾಟಕದ ವಿವಿಧ ಭಾಗಗಳಲ್ಲಿ ಸ್ಥಾಪನೆ ಮಾಡಿದ ಮಾದರಿಯಲ್ಲಿಯೇ ಕೆಲವೊಂದು ಬದಲಾವಣೆ ಮಾಡಿಕೊಂಡು ನಗರದ 65 ವಾರ್ಡ್‌ನಲ್ಲಿಯೂ ಘಟಕ ಸ್ಥಾಪನೆ ಮಾಡಲಾಗುತ್ತದೆ. [ಮಾರುಕಟ್ಟೆಗೆ ಬರಲಿದೆ ಕೆಎಂಎಫ್ ಮಿನರಲ್ ವಾಟರ್]

6 ಕೋಟಿ ಅನುದಾನ ಬಿಡುಗಡೆ : ಮೈಸೂರು ಮಹಾನಗರ ಪಾಲಿಕೆ ಘಟಕ ಸ್ಥಾಪನೆ ಮಾಡಲು 6.5 ಕೋಟಿ ಅನುದಾನವನ್ನು ಈಗಾಗಲೇ ಬಿಡುಗಡೆ ಮಾಡಿದೆ. ಒಂದು ಘಟಕ ನಿರ್ಮಾಣ ಮಾಡಲು ಸುಮಾರು 10 ಲಕ್ಷ ವೆಚ್ಚವಾಗಬಹುದು ಎಂದು ಅಂದಾಜಿಸಲಾಗಿದೆ. [ಬೆಂಗಳೂರಲ್ಲಿ ಎಷ್ಟು ವಾಟರ್ ಬಿಲ್ ಕಟ್ಟುವಿರಿ?]

ಪ್ರತಿವಾರ್ಡ್‌ನಲ್ಲಿರುವ ಪ್ರವಾಸಿ ಸ್ಥಳಗಳ ಸಮೀಪ ಈ ಘಟಕಗಳನ್ನು ಸ್ಥಾಪನೆ ಮಾಡಲು ಮಹಾನಗರ ಪಾಲಿಕೆ ಮುಂದಾಗಿದೆ. ಮೈಸೂರು ಅರಮನೆ, ಮೃಗಾಲಯ, ಸೆಂಟ್‌ ಫಿಲೋಮಿನಾ ಚರ್ಚ್ ಮುಂತಾದ ಸ್ಥಳಗಳ ಸಮೀಪ ಘಟಕಗಳು ನಿರ್ಮಾಣವಾಗಲಿವೆ.

ದಿನದ 24 ಗಂಟೆಯೂ ಕಡಿಮೆ ಬೆಲೆಗೆ ಶುದ್ಧ ಕುಡಿಯುವ ನೀರು ಒದಗಿಸಲುವ ಉದ್ದೇಶದಿಂದ ಈ ಘಟಕಗಳನ್ನು ಸ್ಥಾಪನೆ ಮಾಡಲಾಗುತ್ತಿದೆ. ಸ್ಥಳೀಯ ಪಾಲಿಕೆ ಸದಸ್ಯರು ಮತ್ತು ಪಾಲಿಕೆ ಆಯಕ್ತರ ಜೊತೆ ಚರ್ಚೆ ನಡೆಸಿದ ಬಳಿಕ ಘಟಕ ಸ್ಥಾಪನೆ ಸ್ಥಳವನ್ನು ನಿಗದಿಪಡಿಸಲಾಗುತ್ತದೆ.

English summary

Mysore City Corporation (MCC) planned to set up Any Time Water (ATW) kiosks filtered drinking water unit at each ward and near major tourist spots. MCC had allocated Rs. 6.5 core for the project.