ಆರ್.ಬಿ.ಐ ನಿಯಮ ಉಲ್ಲಂಘಿಸಿದ ಐಸಿಐಸಿಐ ಬ್ಯಾಂಕಿಗೆ ಭಾರೀ ದಂಡ
ನವದೆಹಲಿ, ಮಾರ್ಚ್ 29: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ನಿಯಮಾವಳಿಗಳನ್ನು ಉಲ್ಲಂಘಿಸಿದ ಕಾರಣಕ್ಕೆ ಖಾಸಗಿ ರಂಗದ ದೈತ್ಯ ಬ್ಯಾಂಕ್ ಐಸಿಐಸಿಐಗೆ ಆರ್.ಬಿ.ಐ ದೊಡ್ಡ ಮೊತ್ತದ ದಂಡ ಹಾಕಿದೆ.
ರೂ. 58.9 ಕೋಟಿ ರೂ ದಂಡ ದಂಡ ಕಟ್ಟುವಂತೆ ಮಾರ್ಚ್ 26ರಂದು ಆರ್.ಬಿ.ಐ ನೋಟಿಸ್ ಜಾರಿ ಮಾಡಿದೆ. ಎಚ್.ಟಿ.ಎಂ ಪೋರ್ಟ್ ಫೋಲಿಯೋದಿಂದ ಸೆಕ್ಯುರಿಟಿಗಳನ್ನು ನೇರ ಮಾರಾಟ ಮಾಡುವಲ್ಲಿ ಆರ್.ಬಿ.ಐ ಮಾರ್ಗದರ್ಶಿ ಸೂತ್ರಗಳನ್ನು ಉಲ್ಲಂಘನೆ ಮಾಡಿದ ಕಾರಣಕ್ಕೆ ಈ ದಂಡ ವಿಧಿಸಲಾಗಿದೆ.
ಬ್ಯಾಂಕ್ ಹಲವು ರೀತಿಯ ಬಾಂಡ್ ಗಳನ್ನು ಹೊಂದಿದೆ. ಅವುಗಳಲ್ಲಿ ಎಚ್.ಟಿ.ಎಂ, ಎಚ್.ಎಫ್.ಟಿಗಳು ಸೇರಿವೆ. ಇದರಲ್ಲಿ ಎಚ್.ಟಿ.ಎಂನ್ನು ಮಾರಾಟಕ್ಕೆ ಬಳಸಿಕೊಳ್ಳುವಂತಿಲ್ಲ, ಇದರಲ್ಲಿ ಕೇವಲ ಶೇಕಡಾ 5ನ್ನು ಮಾತ್ರ ಪೂರ್ವನುಮತಿ ಪಡೆಯದೇ ಮಾರಾಟಕ್ಕೆ ಬಳಸಿಕೊಳ್ಳಬಹುದು. ಒಂದೊಮ್ಮೆ ನಿಗದಿತ ಮಿತಿಗಿಂತ ಹೆಚ್ಚು ಮಾರಾಟ ಮಾಡುವುದಿದ್ದರೆ ಅದಕ್ಕೆ ಆರ್.ಬಿ.ಐ ಅನುಮತಿ ಬೇಕು ಮತ್ತು ಇದನ್ನು ವಾರ್ಷಿಕ ಲೆಕ್ಕದಲ್ಲಿ ತೋರಿಸಬೇಕಾಗುತ್ತದೆ.
"ಸಾಮಾನ್ಯವಾಗಿ ಬ್ಯಾಂಕುಗಳು ಶೇಕಡಾ 5ಕ್ಕಿಂತ ಹೆಚ್ಚಿನದನ್ನುಮಾರಾಟ ಮಾಡಿ ವಾರ್ಷಿಕ ಲೆಕ್ಕದಲ್ಲಿ ತೋರಿಸುತ್ತವೆ. ಆದರೆ ಐಸಿಐಸಿಐ ಬ್ಯಾಂಕ್ ಕೆಲವು ತಾಂತ್ರಿಕ ಉಲ್ಲಂಘನೆಗಳನ್ನು ಮಾಡಿರಬಹುದು," ಎಂದು ಬ್ಯಾಂಕೊಂದರ ಖಜಾನೆ ಮುಖ್ಯಸ್ಥರು ಹೇಳಿದ್ದಾರೆ.
Click it and Unblock the Notifications
Sign in with Google