ಶುಭ ಸುದ್ದಿ; ಮುಂಬೈನಲ್ಲಿ ಹೊಸ ಕೋವಿಡ್ ಸಂಖ್ಯೆ ಇಳಿಮುಖ!

ಮುಂಬೈ, ಜುಲೈ 28 : ಮುಂಬೈ ಮಹಾನಗರದಲ್ಲಿ ಒಂದೇ ದಿನ ಅತಿ ಕಡಿಮೆ ಹೊಸ ಕೊರೊನಾ ವೈರಸ್ ಸೋಂಕಿನ ಪ್ರಕರಣ ದಾಖಲಾಗಿದೆ. 100 ದಿನಗಳಲ್ಲಿ ಇಷ್ಟು ಕಡಿಮೆ ಪ್ರಕರಣ ದಾಖಲಾಗಿದ್ದು ಇದೇ ಮೊದಲು.

ಸೋಮವಾರ ಮುಂಬೈ ನಗರದಲ್ಲಿ ಅತಿ ಹೆಚ್ಚು ಅಂದರೆ 8,776 ಕೊರೊನಾ ವೈರಸ್ ಸೋಂಕಿನ ಪರೀಕ್ಷೆಗಳನ್ನು ನಡೆಸಲಾಗಿದೆ. ಇವುಗಳಲ್ಲಿ 700 ಪ್ರಕರಣಗಳು ಮಾತ್ರ ಪಾಸಿಟಿವ್ ಬಂದಿದೆ.

ಮುಂಬೈ ನಗರದಲ್ಲಿ ಪ್ರಸ್ತುತ ಗುಣಮಖರಾಗುವವರ ಪ್ರಮಾಣ ಶೇ 73ರಷ್ಟಿದೆ. ನಗರದಲ್ಲಿ ಜುಲೈ 20 ರಿಂದ 26ರ ತನಕ ಕೊರೊನಾ ವೈರಸ್ ಸೋಂಕು ಹಬ್ಬಿರುವ ಪ್ರಮಾಣ ಶೇ 1.03ನಷ್ಟು ಮಾತ್ರ.

ಮಹಾರಾಷ್ಟ್ರ ರಾಜ್ಯದಲ್ಲಿ ಸೋಮವಾರ ಒಂದೇ ದಿನ 7,924 ಕೊರೊನಾ ವೈರಸ್ ಸೋಂಕಿನ ಪ್ರಕರಣ ದಾಖಲಾಗಿದೆ. 227 ಜನರು ಮೃತಪಟ್ಟಿದ್ದಾರೆ. ಮುಂಬೈ ನಗರದಲ್ಲಿ 1021 ಪ್ರಕರಣ ವರದಿಯಾಗಿದ್ದು, ಮೃತಪಟ್ಟವರ ಸಂಖ್ಯೆ 39.

"ಮುಂಬೈಗೆ ಇದು ಶುಭ ಸುದ್ದಿ. ಹೆಚ್ಚು ಪರೀಕ್ಷೆ ನಡೆಸಿದರೂ ಹೊಸ ಪ್ರಕರಣಗಳ ಸಂಖ್ಯೆ 700. ಮೂರು ತಿಂಗಳಿನಲ್ಲಿಇದು ನೆಮ್ಮದಿಯ ವಿಷಯ" ಎಂದು ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಪುತ್ರ ಮತ್ತು ಸಚಿವ ಆದಿತ್ಯ ಠಾಕ್ರೆ ಟ್ವೀಟ್ ಮಾಡಿದ್ದಾರೆ.

ಮುಂಬೈ ನಗರದಲ್ಲಿನ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ 1,10,182. ಇವುಗಳಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 21,812. ಪಕ್ಕದ ಥಾಣೆಯಲ್ಲಿ 34,471, ಪುಣೆಯಲ್ಲಿ 48,672 ಸಕ್ರಿಯ ಪ್ರಕರಣಗಳಿವೆ.

English summary

Mumbai recorded its highest Coronavirus testing 8776 on July 27, 2020. 700 positive cases were reported from these tests. Which is the lowest in the city last 100 days.