ತಮ್ಮ ವಿರುದ್ಧ ಸ್ಪರ್ಧಿಸುವಂತೆ ಉದ್ಧವ್ ಠಾಕ್ರೆಗೆ ಬಹಿರಂಗ ಸವಾಲು ಹಾಕಿದ ನವನೀತ್ ರಾಣಾ

ಮುಂಬೈ, ಮೇ 08: ಸಂಸದೆ ನವನೀತ್ ರಾಣಾ ಅವರು ಭಾನುವಾರ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಲೀಲಾವತಿ ಆಸ್ಪತ್ರೆಯಿಂದ ಬಿಡುಗಡೆಯಾದ ನಂತರ ಸಂಸದೆ ನವನೀತ್ ರಾಣಾ ಇಂದು ಮಾಧ್ಯಮಗಳೊಂದಿಗೆ ಹೇಳಿಕೆ ನೀಡಿದ್ದು, ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ವಿರುದ್ಧ ವಾಗ್ದಾಳಿ ನಡೆಸಿದ್ದು ಮಾತ್ರವಲ್ಲದೆ ಬಹಿರಂಗ ಸವಾಲು ಹಾಕಿದ್ದಾರೆ.

ಸಂಸದೆ ನವನೀತ್ ರಾಣಾ ಮಾಧ್ಯಮದವರೊಂದಿಗೆ ಮಾತನಾಡಿ, ತಮ್ಮ ವಿರುದ್ಧ ಸ್ಪರ್ಧಿಸುವಂತೆ ಉದ್ಧವ್ ಠಾಕ್ರೆ ಅವರಿಗೆ ಬಹಿರಂಗ ಸವಾಲು ಹಾಕಿದರು. ಈ ವೇಳೆ ಶ್ರೀರಾಮನ ಹೆಸರು ಹೇಳುವುದು ಅಪರಾಧವಾದರೆ 14 ದಿನಗಳ ಬದಲು 14 ವರ್ಷ ಜೈಲಿನಲ್ಲಿ ಇರಲು ಸಿದ್ಧ ಎಂದು ಹೇಳಿದರು.

ಈ ಸಮಯದಲ್ಲಿ ನವನೀತ್ ರಾಣಾ ನ್ಯಾಯಾಲಯದ ಆದೇಶವನ್ನು ಗಮನದಲ್ಲಿಟ್ಟುಕೊಂಡು ಈ ವಿಷಯದ ಬಗ್ಗೆ ಏನನ್ನೂ ಮಾತನಾಡುವುದನ್ನು ತಪ್ಪಿಸಿದರು. ಅವರ ಹೋರಾಟ ಮುಂದುವರಿಯಲಿದೆ ಎಂದರು. ಸೆಷನ್ಸ್ ನ್ಯಾಯಾಲಯದಿಂದ ಬಿಡುಗಡೆಯಾದ ನಂತರ, ಸಂಸದ ನವನೀತ್ ರಾಣಾ ಅವರು ಸ್ಪಾಂಡಿಲೋಸಿಸ್ ಚಿಕಿತ್ಸೆಯಲ್ಲಿದ್ದ ಆಸ್ಪತ್ರೆಗೆ ದಾಖಲಾಗಿದ್ದರು. ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಬಳಿಕ ಮಾಧ್ಯಮದವರೊಂದಿಗೆ ಸಂವಾದ ನಡೆಸಿದರು. ರಾಮನ ಹೆಸರು ಹೇಳುವುದು ಅಪರಾಧವಾದರೆ 14 ದಿನವಲ್ಲ 14 ವರ್ಷ ಜೈಲಿನಲ್ಲಿ ಇರಲು ಸಿದ್ಧ, ನನ್ನ ವಿರುದ್ಧ ಕ್ರಮ ಕೈಗೊಂಡ ರೀತಿಯನ್ನು ಮಹಾರಾಷ್ಟ್ರದ ಜನರೂ ನೋಡಿದ್ದಾರೆ.

ಉದ್ಧವ್ ಸರ್ಕಾರ ಅಧಿಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿದೆ ಎಂದ ಸಂಸದೆ ನವನೀತ್ ರಾಣಾ ಅವರು, "ಉದ್ಧವ್ ಸರ್ಕಾರ ಅಧಿಕಾರ ದುರುಪಯೋಗಪಡಿಸಿಕೊಳ್ಳುತ್ತಿದೆ. ಯಾವ ತಪ್ಪಿಗೆ ನನಗೆ ಶಿಕ್ಷೆಯಾಗಿದೆ? ಇದು ಮಹಿಳೆಗೆ ಘೋರ ಅನ್ಯಾಯವಾಗಿದೆ ಮತ್ತು ಮಹಾರಾಷ್ಟ್ರ ಸರ್ಕಾರ ನನ್ನನ್ನು ಹೇಗೆ ನಡೆಸಿಕೊಂಡಿದೆ ಎಂಬುದನ್ನು ಮಹಾರಾಷ್ಟ್ರದ ಜನರು ನೋಡಿದ್ದಾರೆ. ಸಾರ್ವಜನಿಕರು ಉತ್ತರ ನೀಡುತ್ತಾರೆ'' ಎಂದು ಗುಡುಗಿದರು.

ಉದ್ಧವ್‌ಗೆ ಮುಕ್ತ ಸವಾಲು

ಉದ್ಧವ್ ಠಾಕ್ರೆಗೆ ಸವಾಲೆಸೆದ ನವನೀತ್ ರಾಣಾ, "ಉದ್ಧವ್ ಅವರು ಕುರ್ಚಿಯ ಉತ್ತರಾಧಿಕಾರಿಯಾಗಿದ್ದು, ಅವರಿಗೆ ಧೈರ್ಯವಿದ್ದರೆ ಜನರು ಮಧ್ಯದಲ್ಲಿ ಸ್ಪರ್ಧಿಸುವ ಮೂಲಕ ತೋರಿಸಬೇಕು, ನಾನು ಮಹಾರಾಷ್ಟ್ರದ ಯಾವುದೇ ಸ್ಥಾನದಿಂದ ಸ್ಪರ್ಧಿಸಲಿ, ನಾನು ಅವರ ವಿರುದ್ಧ ನಾನೇ ಎದುರಾಳಿ ಆಗಿರುತ್ತೇನೆ, ಮಹಿಳೆಯ ಶಕ್ತಿಯನ್ನು ಸಾರ್ವಜನಿಕರು ನಿಮಗೆ ತೋರಿಸುತ್ತಾರೆ ಎಂದರು.

ಮೇ 5ರಂದು ಸಂಸದ ನವನೀತ್ ರಾಣಾ ಮತ್ತು ಅವರ ಪತಿ ರವಿ ರಾಣಾ ಅವರು ಮುಂಬೈನ ಸೆಷನ್ಸ್ ನ್ಯಾಯಾಲಯದಿಂದ ಕೆಲವು ಷರತ್ತುಗಳೊಂದಿಗೆ ಜಾಮೀನು ಪಡೆದಿದ್ದರು ಬಳಿಕ ರಾಣಾ ದಂಪತಿಗಳು ಮೇ 6ರಂದು ಬಿಡುಗಡೆಯಾದರು. ಬಿಡುಗಡೆಯಾದ ಬಳಿಕ ಸಂಸದೆ ನವನೀತ್ ರಾಣಾ ಅವರನ್ನು ಲೀಲಾವತಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

English summary

Navneet Rana discharged from hospital, challenges Uddhav Thackeray