2 ನೇ ಪತ್ನಿ ಜೊತೆ ಬಂದು ಹಿಗ್ಗಾಮುಗ್ಗಾ ಥಳಿಸಿಕೊಂಡ ಬಿಜೆಪಿ ಶಾಸಕ
ಯಾವತ್ಮಾಳ್, ಫೆಬ್ರವರಿ 13: ಎರಡನೇ ಮದುವೆಯಾದ ಕಾರಣಕ್ಕೆ ಬಿಜೆಪಿಯ ಶಾಸಕರೊಬ್ಬರಿಗೆ ಅವರ ಮೊದಲ ಪತ್ನಿ ಮತ್ತು ತಾಯಿ ಸೇರಿ ಸಾರ್ವಜನಿಕವಾಗಿಯೇ ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ಮಹಾರಾಷ್ಟ್ರದ ಯಾವತ್ಮಾಳ್ ನಲ್ಲಿ ನಡೆದಿದೆ.
ದೇವೇಗೌಡ ಬಗ್ಗೆ ಆಕ್ಷೇಪಾರ್ಹ ಮಾತು: ಬಿಜೆಪಿ ಶಾಸಕನ ಮನೆ ಮುಂದೆ ಪ್ರತಿಭಟನೆ
ಮಹಾರಾಷ್ಟ್ರದ ಅರ್ನಿ ಕ್ಷೇತ್ರದ ಬಿಜೆಪಿ ಶಾಸಕ ರಾಜು ನಾರಾಯಣ್ ಟೋಡ್ಸಮ್ ಎಂಬುವವರು ಇತ್ತೀಚೆಗೆ ಪ್ರಿಯಾ ಶಿಂದೆ ಎಂಬುವವರನ್ನು ಮದುವೆಯಾಗಿದ್ದರು. ರಾಜು ಅವರ ಬೆಂಬಲಿಗರು ಮತ್ತು ಎರಡನೇ ಪತ್ನಿ ಪ್ರಿಯಾ ಸೇರಿಕೊಂಡು ರಾಜು ಅವರ 42 ನೇ ಹುಟ್ಟು ಹಬ್ಬವನ್ನು ಆಚರಿಸುತ್ತಿದ್ದ ಸಂದರ್ಭದಲ್ಲಿ ಅವರ ಮೊದಲ ಪತ್ನಿ ಅರ್ಚನಾ ಟೋಡ್ಸನ್ ಮತ್ತು ತಾಯಿ ಕಾರ್ಯಕ್ರಮಕ್ಕೆ ಆಗಮಿಸಿದ್ದಾರೆ.
ಮೋದಿ ಎದುರಲ್ಲೇ ಅಗರ್ತಲಾದಲ್ಲಿ ಮಂತ್ರಿಯಿಂದ ಕಂತ್ರಿ ಕೆಲಸ
ಇಬ್ಬರು ಸೇರಿ ಎರಡನೇ ಪತ್ನಿ ಪ್ರಿಯಾ ಅವರನ್ನು ಥಳಿಸಿದ್ದಾರೆ. ತಪ್ಪಿಸಲು ಬಂದ ಶಾಸಕ ರಾಜು ಅವರಿಗೂ ತಾಯಿ ಮತ್ತು ಪತ್ನಿ ಇಬ್ಬರೂ ಸೇರಿ ಸಾರ್ವಜನಿಕವಾಗಿಯೇ ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಬಿಜೆಪಿಗೆ ಮುಖಭಂಗವಾಗಿದೆ. ಒಂದೆಡೆ ಬೇಟಿ ಬಚಾವೋ, ಬೇಟಿ ಫಡಾವೋ ಎನ್ನುವ ಬಿಜೆಪಿಯವರು ಮಹಿಳೆಯರ ರಕ್ಷಣೆಗೆ ಬದ್ಧ ಎನ್ನುತ್ತಾರೆ. ಹೆಂಡತಿ ಬದುಕಿರುವಾಗಲೇ ಮತ್ತೊಬ್ಬರನ್ನು ಮದುವೆಯಾಗುವುದು ಮಹಿಳಾ ರಕ್ಷಣೆಯೇ ಎಂದು ಪ್ರಶ್ನಿಸಲಾಗಿದೆ.