ಇನ್ನೋವೇಷನ್ ಚಾಲೆಂಜ್ ಗೆದ್ದ ಎಸ್ಡಿಎಂ ವಿದ್ಯಾರ್ಥಿನಿಯರು
ಉಜಿರೆ ಎಸ್ ಡಿಎಂ ತಾಂತ್ರಿಕ ಮಹಾವಿದ್ಯಾಲಯದ ವಿದ್ಯಾರ್ಥಿಗಳ ಪ್ರಾಜೆಕ್ಟ್ ಗೆ ಒಂದು ಲಕ್ಷ ರೂಪಾಯಿ ಬಹುಮಾನ ದೊರೆತಿದೆ.
ಮಂಗಳೂರು, ಆಗಸ್ಟ್ 03 : ಉಜಿರೆಯ ಎಸ್ ಡಿಎಂ ತಾಂತ್ರಿಕ ಮಹಾವಿದ್ಯಾಲಯದ ವಿದ್ಯಾರ್ಥಿನಿಯರ ಪ್ರಾಜೆಕ್ಟ್ ಗೆ ಒಂದು ಲಕ್ಷ ರೂಪಾಯಿ ಬಹುಮಾನ ದೊರೆತಿದೆ.
ಉಜಿರೆ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತಾಂತ್ರಿಕ ಮಹಾವಿದ್ಯಾಲಯದ ಎಲೆಕ್ಟ್ರಾನಿಕ್ ಅಂಡ್ ಕಮ್ಯುನಿಕೇಷನ್ ವಿಭಾಗದ ವಿದ್ಯಾರ್ಥಿನಿಯರು ಪ್ರಸ್ತುತಪಡಿಸಿದ ಪ್ರಾಜೆಕ್ಟ್ ಗೆ ಒಂದು ಲಕ್ಷ ರೂಪಾಯಿ ನಗದು ಬಹುಮಾನದೊಂದಿಗೆ ಪ್ರಶಸ್ತಿ ದೊರೆತಿದೆ.
ಡಿ ಎಸ್ ಟಿ ಅಂಡ್ ಟೆಕ್ಸಾಸ್ ಇನ್ಸ್ ಟ್ರುಮೆಂಟ್ಸ್ ಐ ಎನ್ ಸಿ ಸಂಸ್ಥೆ ಭಾರತದ ವಿದ್ಯಾರ್ಥಿಗಳಿಗಾಗಿ ಬೆಂಗಳೂರಿನ ಇಂಡಿಯನ್ ಇನ್ಸ್ ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ ಮೆಂಟ್ ನಲ್ಲಿ ಇಂಡಿಯನ್ ಇನ್ನೋವೇಷನ್ ಚಾಲೆಂಜ್ ಡಿಸೈನ್ ಸ್ಪರ್ಧೆಯನ್ನು ಆಯೋಜಿಸಿತ್ತು. ಇದರಲ್ಲಿ ತಾಂತ್ರಿಕ ಮಹಾವಿದ್ಯಾಲಯದ ವಿದ್ಯಾರ್ಥಿನಿಯರು ಪ್ರಸ್ತುತ ಪಡಿಸಿದ ಅಡ್ವಾನ್ಸ್ಡ್ ಈ ಬಿನ್ ಪ್ರಾಜೆಕ್ಟ್ ಗೆ ಬೆಸ್ಟ್ ಮೆನ್ಸ್ ಟೀಮ್ ಪ್ರಶಸ್ತಿ ದೊರೆತಿದೆ.
ಕಾಲೇಜಿನ ತಂಡದಲ್ಲಿ ಚೈತ್ರಾ ಎಸ್, ಅಕ್ಷತಾ, ದಿವ್ಯಾ, ನಾಯಕ್ ಮತ್ತು ಪಲ್ಲವಿ ಬಿ.ಜೆ ಭಾಗವಹಿಸಿದ್ದರು. ಈ ತಂಡ ದೇಶದ ಮೂವತ್ತು ತಂಡಗಳಲ್ಲಿ ಸ್ಥಾನ ಪಡೆದಿದೆ. ಹಾಗೆಯೇ ಇಲ್ಲಿನ ವಿದ್ಯಾರ್ಥಿಗಳ ತಂಡ 'ರೈತ ಮಿತ್ರ' ಎಂಬ ಪ್ರಾಜೆಕ್ಟ್ ಪ್ರಸ್ತುತಪಡಿಸಿ ದೇಶದ ಅಂತಿಮ 10 ತಂಡಗಳಲ್ಲಿ ಸ್ಥಾನ ಪಡೆದುಕೊಂಡಿದೆ.
Click it and Unblock the Notifications
Sign in with Google