ಮಂಗಳೂರು ಶೂಟೌಟ್ : ಭೂಗತ ಪಾತಕಿ ಕಲಿ ಯೋಗಿಶ್ ಸಹಚರ ಬಂಧನ
ಮಂಗಳೂರು, ಫೆಬ್ರವರಿ 16 : ಮಂಗಳೂರು ನಗರದಲ್ಲಿ ಇತ್ತೀಚೆಗೆ ನಡೆದ ಸರಣಿ ಶೂಟೌಟ್ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಭೂಗತ ಪಾತಕಿ ಕಲಿ ಯೋಗೀಶನ ಸಹಚರ ನನ್ನು ಮಂಗಳೂರು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.
ಬಂಧಿತ ಆರೋಪಿಯನ್ನು ಮಂಗಳೂರು ಹೊರವಲಯದ ಮೂಲ್ಕಿ ಯ ಚಿತ್ರಾಪು ನಿವಾಸಿ ತೇಜ್ ಪಾಲ್ (32) ಎಂದು ಗುರುತಿಸಲಾಗಿದೆ . ಬಂಧಿತನಿಂದ 2 ಮೊಬೈಲ್ ಫೋನ್ ವಶಪಡಿಸಿಕೊಳ್ಳಲಾಗಿದ್ದು ಈ ಶೂಟೌಟ್ ಪ್ರಕರಣದಲ್ಲಿ ಬಂಧಿತರ ಸಂಖ್ಯೆ ಈಗ ಮೂರಕ್ಕೆ ಏರಿದೆ.
ನಗರದ
ಕಾರ್
ಸ್ಟ್ರೀಟ್,
ನಗರ
ಹೊರವಲಯದ
ಮೂಲ್ಕಿ
ಹಾಗೂ
ಕಿನ್ನಿಗೋಳಿಯಲ್ಲಿ
ಇತ್ತೀಚೆಗೆ
ನಡೆದ
ಸರಣಿ
ಶೂಟೌಟ್
ಪ್ರಕರಣಕ್ಕೆ
ಸಂಬಂಧಿಸಿದಂತೆ
ಸಿಸಿಬಿ
ಪೊಲೀಸರು
ತನಿಖೆ
ಕೈಗೆತ್ತಿಕೊಂಡಿದ್ದರು.
ಶೂಟೌಟ್
ಪ್ರಕರಣದ
ಬಳಿಕ
ತಲೆಮರೆಸಿಕೊಂಡಿದ್ದ
ಭೂಗತ
ಪಾತಕಿ
ಕಲಿಯೋಗಿಶ್
ನ
ಸಹಚರರಾದ
ಮನೋಜ್
ಕುಮಾರ್
ಹಾಗೂ
ಚಂದ್ರಶೇಖರ್
ಎಂಬುವರನ್ನು
ಬಂಧಿಸಿ
ಅವರಿಂದ
2
ಪಿಸ್ತೂಲ್
ಹಾಗೂ
7
ಸಜೀವ
ಗುಂಡುಗಳನ್ನು
ವಶಪಡಿಸಿಕೊಂಡಿದ್ದರು.
ಉದ್ಯಮಿಗಳನ್ನು ಬೆದರಿಸಿ ಹಣ ವಸೂಲು ಮಾಡುವ ಈ ಸರಣಿ ಶೂಟೌಟ್ ಪ್ರಕರಣಗಳಲ್ಲಿ ಇನ್ನೂ ಹಲವಾರು ಜನ ಶಾಮೀಲಾಗಿರುವ ಬಗ್ಗೆ ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ತನಿಖೆ ಚುರುಕುಗೊಳಿಸಿರುವ ಪೊಲೀಸರು ಶೀಘ್ರ ದಲ್ಲೆ ಇನ್ನಷ್ಟು ಭೂಗತ ಸಹಚರ ರನ್ನು ಬಂಧಿಸುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.