ಮುಸ್ಲಿಂ ಯುವತಿ ಮನೆಯಲ್ಲಿದ್ದ ಹಿಂದೂ ಯುವಕನಿಗೆ ಥಳಿತ
ಮಂಗಳೂರು, ಜೂ. 13: ಮುಸ್ಲಿಂ ಯುವತಿಯ ಮನೆಯಲ್ಲಿದ್ದ ಹಿಂದೂ ಯುವಕನೊಬ್ಬನಿಗೆ 13 ಯುವಕರ ತಂಡವೊಂದು ಥಳಿಸಿದೆ. ಥಳಿಸಿದ್ದು ಮಾತ್ರವಲ್ಲದೇ ಯುವಕರು ಥಳಿಸುವ ವಿಡಿಯೋ ಫೋಟೋವನ್ನು ಫೇಸ್ಬುಕ್, ವಾಟ್ಸಾಪ್ನಲ್ಲಿ ಶೇರ್ ಮಾಡಿದ್ದಾರೆ.
ಕಾರ್ಕಳದ ಬಂಗ್ಲೆಗುಡ್ಡೆಯಲ್ಲಿ ಈ ಮಂಗಳವಾರ ಈ ಘಟನೆ ನಡೆದಿದ್ದು, ಬೈಲೂರು ನಿವಾಸಿ ಸುಧಿರ್ ರಾಣೆ(29) ಥಳಿತಕ್ಕೊಳಗಾದವರು. ಕೈ ಮತ್ತು ಮುಖಕ್ಕೆ ಗಾಯ ಮಾಡಿದ್ದು ತಲೆ ಕೂದಲನ್ನು ತೆಗೆದು ಕ್ರೂರವಾಗಿ ಹಿಂಸೆ ಮಾಡಿದ್ದಾರೆ.
ಕಾರ್ಕಳ ಪೊಲೀಸರು ಈ ಕೃತ್ಯದಲ್ಲಿ ಭಾಗಿಯಾಗಿದ್ದ ಏಳು ಜನರನ್ನು ಬುಧವಾರ ಬಂಧಿಸಿದ್ದಾರೆ. ಬಂಗ್ಲೆಗುಡ್ಡೆ ನಿವಾಸಿಗಳಾದ ಆಸಿಫ್,ಮಕ್ಬಲ್, ಕಿಶೋರ್, ಅತ್ಪಾಫ್, ದಾವುದ್ ಮತ್ತು ಇಬ್ರಾಹಿಂನ್ನು ಬಂಧಿಸಿದ್ದು ಆರು ಜನ ತಲೆಮರೆಸಿಕೊಂಡಿದ್ದಾರೆ.[ಮಂಗಳೂರು : ಕಣ್ಣೂರು ಮನೆ ಕುಸಿತ, ಇಬ್ಬರಿಗೆ ಗಾಯ]
ಆರೋಪಿಗಳ ವಿರುದ್ಧ ಭಾರತೀಯ ದಂಡ ಸಂಹಿತೆ(ಐಪಿಸಿ) ಸೆಕ್ಷನ್ 307 (ಕೊಲೆಗೆ ಯತ್ನ), ಐಪಿಸಿ ಸೆಕ್ಷನ್ 395(ಡಕಾಯಿತಿ) ಅಡಿಯಲ್ಲಿ ಕಾರ್ಕಳ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಈ ಕೃತ್ಯದ ಹಿಂದೆ ಮುಸ್ಲಿಂ ಯುವತಿಯ ಪಾತ್ರ ಇದೆ ಎನ್ನುವ ಶಂಕೆಯಿದ್ದು ಅವಳ ವಿರುದ್ಧವೂ ಪ್ರಕರಣ ದಾಖಲಿದ್ದಾರೆ.
ಸುಧೀರ್ ರಾಣೆ ನಿರುದ್ಯೋಗಿ ಯುವಕನಾಗಿದ್ದು, ಮಣಿಪಾಲ ಕೆಎಂಸಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ.
Click it and Unblock the Notifications
Sign in with Google