KRSನಲ್ಲಿ ಏಕಾಏಕಿ ತಗ್ಗಿದ ಒಳಹರಿವು: ಜಲಾಶಯದ ಇಂದಿನ ಮಟ್ಟ ಎಷ್ಟು?

ಮಂಡ್ಯ, ಆಗಸ್ಟ್‌ 11: ಕೊಡಗಿನಲ್ಲಿ ಕಳೆದ ಒಂದು ವಾರದಿಂದ ಬಿರುಸಾಗಿ ಸುರಿಯುತ್ತಿದ್ದ ಮಳೆ ನಿನ್ನೆಯಿಂದ ಕೊಂಚ ಕಡಿಮೆಯಾದಂತಿದೆ. ತಗ್ಗಿದ ಮಳೆಯ ಪ್ರಮಾಣದಿಂದಾಗಿ ಕೆಆರ್ ಎಸ್ ನ ಜಲಾಶಯದ ಒಳಹರಿವಿನ ಮಟ್ಟದಲ್ಲೂ ಇಳಿಕೆಯಾಗಿದೆ.

ಇಂದು ಕೆ ಆರ್ ಎಸ್ ಜಲಾಶಯದ ಒಳಹರಿವು 50 ಸಾವಿರ ಕ್ಯೂಸೆಕ್ ಗೆ ಇಳಿಕೆಯಾಗಿದೆ. ಹೀಗಾಗಿ ಕಾವೇರಿ ನದಿ ಪ್ರವಾಹವೂ ತಗ್ಗಿದಂತಿದೆ. ಕಾವೇರಿ ಜಲಾನಯನ ಪ್ರದೇಶಗಳಲ್ಲಿ ವಾರದಿಂದ ಬಿಟ್ಟೂ ಬಿಡದೇ ಮಳೆ ಸುರಿದ ಪರಿಣಾಮ ಜಲಾಶಯಕ್ಕೆ ಒಳಹರಿವು ಹೆಚ್ಚಾಗಿತ್ತು. ಜಲಾಶಯದಿಂದ ನದಿಗೆ ಹೆಚ್ಚಿನ ಪ್ರಮಾಣದಲ್ಲಿ ನೀರು ಹರಿಸಿದ್ದು, ಕೆಲವೆಡೆ ಜಮೀನುಗಳಿಗೂ ನೀರು ನುಗ್ಗಿ ಅವಾಂತರ ಸೃಷ್ಟಿಯಾಗಿತ್ತು. ಇದೀಗ ಮಳೆ ಕೊಂಚ ಕಡಿಮೆಯಾದಂತಿದೆ.

ಕೆಆರ್ ಎಸ್ ನಲ್ಲಿ 75 ಸಾವಿರ ಕ್ಯೂಸೆಕ್ ಹೊರ ಹರಿವಿನ ಪ್ರಮಾಣ 30 ಸಾವಿರ ಕ್ಯೂಸೆಕ್ ಗೆ ಇಳಿಕೆಯಾಗಿದೆ. ಪ್ರವಾಹದ ಆತಂಕದಲ್ಲಿದ್ದ ಜನರಲ್ಲಿ ಆತಂಕವೂ ಕಡಿಮೆಯಾಗಿದೆ.

ಕೆಆರ್ ಎಸ್ ಜಲಾಶಯದ ಇಂದಿನ ಮಟ್ಟ:
ಗರಿಷ್ಠ ನೀರಿನ ಮಟ್ಟ-124.80 ಅಡಿ
ಪ್ರಸ್ತುತ ನೀರಿನ ಮಟ್ಟ -120.00 ಅಡಿ
ಒಳ ಹರಿವು-58,083 ಕ್ಯೂಸೆಕ್
ಹೊರ ಹರಿವು-30657 ಕ್ಯೂಸೆಕ್
ಪ್ರಸ್ತುತ ನೀರಿನ ಸಂಗ್ರಹ-43.043 ಟಿಎಂಸಿ
ಗರಿಷ್ಠ ನೀರಿನ‌ ಸಂಗ್ರಹ ಸಾಮರ್ಥ್ಯ-49 ಟಿಎಂಸಿ

English summary

Due to the reduced rainfall, the KRS reservoir inflow has also declined today,