ಅಲಹಾಬಾದ್ ಅಲ್ಲಲ್ಲ, ಪ್ರಯಾಗರಾಜ್! ಯಾವೆಲ್ಲ ನಗರಗಳ ಹೆಸರು ಬದಲಾಗಿದೆ?

Updated: Wednesday, October 17, 2018, 11:46 [IST]

ಹೆಸರಿನಲ್ಲಿ ಒಂದು ಊರಿನ ಹಿನ್ನೆಲೆ, ಕತೆಯೇ ಅಡಗಿರುತ್ತದೆ ಅನ್ನೋದು ಭಾರತೀಯರ ನಂಬಿಕೆ. ಊರಿನ ಹೆಸರುಗಳು ಆಡುಭಾಷೆಯಲ್ಲಿ ಅಪಭೃಂಶವಾಗಿರಬಹುದು. ಆದರೆ ಪ್ರತಿ ಊರಿನ, ಸ್ಥಳದ ಹೆಸರಿನ ಹಿಂದೆಯೂ ಆ ಊರಿನ ಅಸ್ಮಿತೆಯ ಹೆಗ್ಗುರುತಾದ ಕತೆಯೊಂದಿದೆ.

ಉತ್ತರ ಪ್ರದೇಶದ ಅಲಹಾಬಾದ್ ಅನ್ನು ಪ್ರಯಾಗರಾಜ್ ಎಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅಧಿಕೃತವಾಗಿ ಬದಲಿಸಿದ್ದಾರೆ.

ಮೈಸೂರು ದಸರಾ - ವಿಶೇಷ ಪುರವಣಿ

ಕೇಸರೀಕರಣ ಎಂಬುದಕ್ಕಿಂತ ಹೆಚ್ಚಾಗಿ ಇದನ್ನು ರಾಷ್ಟ್ರೀಕರಣ ಎಂಬುದು ಸೂಕ್ತ ಎಂದು ಹಲವರು ಅಭಿಪ್ರಾಯ ಪಟ್ಟಿದ್ದಾರೆ. ಶತಮಾನಗಳ ಕಾಲ ಭಾರತವನ್ನು ಆಳಿದ ಬ್ರಿಟಿಷರು, ಮೊಘಲರು ಸೇರಿದಂತೆ ಹಲವು ದೊರೆಗಳ ಬಾಯಲ್ಲಿ ಭಾರತದ ಹಲವು ಸ್ಥಳಗಳು ಅಪಭೃಂಶಗೊಂಡು ಅರ್ಥ ಕಳೆದುಕೊಂಡಿವೆ. ಮೊಘಲರು ಎಷ್ಟೋ ನಗರಗಳಿಗೆ ತಮಗಿಷ್ಟಬಂದ ಹೆಸರನ್ನಿಟ್ಟಿದ್ದಾರೆ. ಕಾಲಾಂತರಗಳಿಂದಲೂ ಜನರ ಬಾಯಲ್ಲಿ ಅದೇ ಹೆಸರುಗಳು ಉಚ್ಚರಣೆಯಾಗುತ್ತ ಬಂದು ನಿಜವಾದ ಹೆಸರೇ ಮರೆಯುವಂತಾಗಿದೆ.

ಇಂಥ ಸಂದರ್ಭದಲ್ಲಿ ಭಾರತೀಯತೆಯನ್ನು ಸ್ಫುರಿಸುವ ಅವುಗಳ ಹಳೆಯ ಹೆಸರನ್ನೇ ಅಧಿಕೃತವಾಗಿ ಮರುನಾಮಕರಣ ಮಾಡುವ ಕೆಲಸವನ್ನು ಕೆಲವು ಸರ್ಕಾರಗಳು ಮಾಡುತ್ತಿವೆ. ಅದಕ್ಕೆ ಹೊಸ ಸೇರ್ಪಡೆ ಪ್ರಯಾಗರಾಜ್. ಈ ಮರುನಾಮಕರಣ ಇಂದು ನಿನ್ನೆಯದಲ್ಲ, ಸ್ವಾತಂತ್ರ್ಯ ಸಿಕ್ಕ ಮರುವರ್ಷವೇ, ಅಂದರೆ 1948 ರಂದೇ ಕಾವನ್ಪೊರ್ ಅನ್ನು ಕಾನ್ಪುರ ಎಂದು ಬದಲಾಯಿಸುವ ಮೂಲಕ ಈ ಹೆಸರು ಬದಲಾವಣೆಯ ಪರ್ವಕ್ಕೆ ನಾಂದಿ ಹಾಡಲಾಯಿತು.

ಇದುವರೆಗೂ ದೇಶದಲ್ಲಿ ಯಾವೆಲ್ಲ ಪ್ರಮುಖ ನಗರಗಳ ಹೆಸರು ಬದಲಾಗಿದೆ? ಇಲ್ಲಿದೆ ನೋಡಿ ಮಾಹಿತಿ