ವಿಪಕ್ಷಗಳ ಪ್ರಧಾನಿ ಅಭ್ಯರ್ಥಿ ಯಾರು? ಅಖಿಲೇಶ್ ಉತ್ತರ

ಲಕ್ನೋ, ಜನವರಿ 22: ವಿಪಕ್ಷಗಳ ಪ್ರಧಾನಿ ಅಭ್ಯರ್ಥಿ ಯಾರು ಎಂಬ ಪ್ರಶ್ನೆಗೆ ಉತ್ತರ ಪ್ರದೇಶ ಮಾಜಿ ಮುಖ್ಯಮಂತ್ರಿ ಮತ್ತು ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಯಾದವ್ ಉತ್ತರ ನೀಡಿದ್ದಾರೆ.

ಜೊತೆಗೆ 'ನಾನು ಪ್ರಧಾನಿ ಅಭ್ಯರ್ಥಿಯಲ್ಲ. ನನಗೆ ಪ್ರಧಾನಿ ಅಭ್ಯರ್ಥಿಯ ರೇಸ್ ನಲ್ಲಿಲ್ಲ' ಎಂದು ಸ್ಪಷ್ಟಪಡಿಸಿದ್ದಾರೆ.

"ವಿಪಕ್ಷಗಳ ಪ್ರಧಾನಿ ಅಭ್ಯರ್ಥಿ ಯಾರಾಗಬೇಕು ಎಂಬುದನ್ನು ನಂತರ ನಿರ್ಧರಿಸುತ್ತೇವೆ. ಮಹಾಘಟಬಂಧನದಲ್ಲಿ ಹಲವರು ಪ್ರಧಾನಿ ಅಭ್ಯರ್ಥಿ ಇದ್ದಾರೆ. ಪ್ರಧಾನಿಯಾಗುವ ಯೋಗ್ಯತೆ ಉಳ್ಳವರು ಹಲವರಿದ್ದಾರೆ. ಆದರೆ ಎನ್ ಡಿಎ ಮೈತ್ರಿ ಕೂಟದಲ್ಲಿ ಮೋದಿವರನ್ನು ಬಿಟ್ಟು ಯಾರ ಹೆಸರನ್ನೂ ಹೇಳುವ ಧೈರ್ಯ ಯಾರಿಗೂ ಇಲ್ಲ" ಎಂದು ಅವರು ಹೇಳಿದ್ದಾರೆ.

"ನಾನು 2019ರಲ್ಲಿ ಹೊಸ ಪ್ರಧಾನಿಯನ್ನು ನೋಡುವ ತವಕದಲ್ಲಿದ್ದೇನೆ. ಬಿಎಸ್ಪಿ ನಾಯಕಿ ಮಾಯಾವತಿ ಪ್ರಧಾನಿಯಾಗುವುದಾರೆ, ಅಥವಾ ತೃಣಮೂಲ ಕಾಂಗ್ರೆಸ್ ನಾಯಕಿ ಮಮತಾ ಬ್ಯಾನರ್ಜಿ ಪ್ರಧಾನಿಯಾಗುವುದಾದರೆ ನನ್ನ ಅಭ್ಯಂತರವಿಲ್ಲ" ಎಂದು ಯಾದವ್ ವಿವರಣೆ ನೀಡಿದ್ದಾರೆ.

English summary

Samajwadi Party (SP) chief Akhilesh Yadav on Monday responded to the BJP's attack that the Mahagathbandhan -- a proposed alliance of anti-BJP parties-- has no clear leader. He said many choices (for the prime ministerial candidate) will emerge in the future. He, however, said he was "not in the prime ministerial race".