ದಾಂಡೇಲಿ ಆಸ್ಪತ್ರೆಯಲ್ಲಿ ಕ್ವಾರಂಟೈನ್ ನಲ್ಲಿದ್ದ ವೃದ್ಧೆ ಆತ್ಮಹತ್ಯೆ

ದಾಂಡೇಲಿ, ಮೇ 22: ಆಸ್ಪತ್ರೆ ಕ್ವಾರಂಟೈನ್ ನಲ್ಲಿದ್ದ ವೃದ್ಧೆಯೊಬ್ಬರು ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ದಾಂಡೇಲಿಯಲ್ಲಿ ನಡೆದಿದೆ. ಇವರು ಈಚೆಗೆ ಕೊರೊನಾ ಸೋಂಕು ದೃಢಪಟ್ಟ ಯುವಕನ ಅಜ್ಜಿ ಎಂದು ತಿಳಿದುಬಂದಿದೆ.

ಯುವಕನಿಗೆ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಆತನ ಸಂಪರ್ಕದಲ್ಲಿದ್ದ 62 ವರ್ಷದ ವೃದ್ಧೆಯನ್ನು ಆಸ್ಪತ್ರೆಯಲ್ಲಿ ಕ್ವಾರಂಟೈನ್ ಮಾಡಲಾಗಿತ್ತು. ಇಂದು ಬೆಳಗಿನ ಜಾವ ಆಸ್ಪತ್ರೆಯ ಕಿಟಕಿಗೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ದಾಂಡೇಲಿ ನಗರ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.

ಪಟ್ಟಣದಲ್ಲಿ ಪ್ರಥಮ ಬಾರಿಗೆ 24 ವರ್ಷದ ಟ್ರಕ್ ಚಾಲಕನಲ್ಲಿ ಸೋಂಕು ಇರುವುದು ದೃಢಪಟ್ಟಿತ್ತು. ಈ ಯುವಕ ಮೃತ ವೃದ್ಧೆಯ ಮೊಮ್ಮಗನಾಗಿದ್ದಾನೆ. ಗುಜರಾತ್ ನ ದಾದಾನಗರ ಹವೇಲಿ ಹಾಗೂ ವಾಪಿಗೆ ತೆರಳಿ ನಂತರ ಸರಕುಗಳೊಂದಿಗೆ ಮಣಿಪಾಲಕ್ಕೆ ಹೋಗಿ, ಅಲ್ಲಿಂದ ಗೋವಾಕ್ಕೆ ತೆರಳಿ, ಹಳಿಯಾಳಕ್ಕೆ ಕಬ್ಬಿಣದ ಲೋಡ್ ನೊಂದಿಗೆ ವಾಪಸ್ಸಾಗಿದ್ದ.

ಹಳಿಯಾಳದಿಂದ ದ್ವಿಚಕ್ರ ವಾಹನದಲ್ಲಿ ಮೇ 14ರ ರಾತ್ರಿ ಹಳೆದಾಂಡೇಲಿಯ ಮನೆಗೆ ಬಂದಿದ್ದ ಈತನ ಕುರಿತು ಸಾರ್ವಜನಿಕರು ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದರು‌. ಹೀಗಾಗಿ ಮೇ 15ಕ್ಕೆ ಈತನನ್ನು ಕ್ವಾರಂಟೈನ್ ಗೆ ಒಳಪಡಿಸಲಾಗಿತ್ತು. ಈತನ ವರದಿಯಲ್ಲಿ ಸೋಂಕು ದೃಢಪಟ್ಟಿತ್ತು.

English summary

Old women quarantined in dandeli hospital cmmited suicide today morning. Her grandson tested positive on may 15. So district administration has kept her in quarantine,