• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಉಡುಪಿಯಲ್ಲಿ ನಾಪತ್ತೆಯಾಗಿದ್ದ ಇಶಿಕಾ ಮುಂಬೈನಲ್ಲಿ ಪತ್ತೆ

|

ಉಡುಪಿ, ಡಿ.6 : ಕು೦ಜಿಬೆಟ್ಟುವಿನ ಶಾರದಾ ಇ೦ಗ್ಲೀಷ್ ಮೀಡಿಯ೦ ವಸತಿ ನಿಲಯ ಶಾಲೆಯಿ೦ದ ನಾಪತ್ತೆಯಾಗಿದ್ದ 8ನೇ ತರಗತಿ ವಿದ್ಯಾರ್ಥಿನಿ ಇಶಿಕಾ ಎಸ್‌.ಶೆಟ್ಟಿ ಮುಂಬೈನಲ್ಲಿ ಪತ್ತೆಯಾಗಿದ್ದಾಳೆ. ಇಶಿಕಾ ತಾಯಿ ಮುಂಬೈಗೆ ತೆರಳುತ್ತಿದ್ದು, ಆಕೆಯನ್ನು ಕರೆತಂದ ನಂತರ ಉಳಿದ ಮಾಹಿತಿಗಳು ಲಭ್ಯವಾಗಬೇಕಿದೆ.

ಮುಂಬೈನಲ್ಲಿ ಇಶಿಕಾ ಪತ್ತೆಯಾಗಿದ್ದಾಳೆ ಎಂದು ಮುಂಬೈ ಪೊಲೀಸರು ಉಡುಪಿ ಪೊಲೀಸರಿಗೆ ಮತ್ತು ಇಶಿಕಾ ಪೋಷಕರಿಗೆ ಶುಕ್ರವಾರ ರಾತ್ರಿ ಮಾಹಿತಿ ನೀಡಿದ್ದಾರೆ. ಇಶಿಕಾ ತಾಯಿ ಮುಂಬೈಗೆ ತೆರಳುತ್ತಿದ್ದು ಇನ್ನೆರಡು ದಿನದಲ್ಲಿ ಆಕೆಯನ್ನು ಉಡುಪಿಗೆ ಕರೆತರುವ ಸಾಧ್ಯತೆ ಇದೆ. [ಉಡುಪಿ : 8ನೇ ತರಗತಿ ವಿದ್ಯಾರ್ಥಿನಿ ನಾಪತ್ತೆ]

ಉಡುಪಿಯ ಕು೦ಜಿಬೆಟ್ಟುವಿನ ಶಾರದಾ ಇ೦ಗ್ಲೀಷ್ ಮೀಡಿಯ೦ ವಸತಿ ನಿಲಯ ಶಾಲೆಯಿ೦ದ 8ನೇ ವಿದ್ಯಾರ್ಥಿನಿ ಇಶಿಕಾ ಎಸ್.ಶೆಟ್ಟಿ ನ.15ರಂದು ನಾಪತ್ತೆಯಾಗಿದ್ದಳು. ಘಟನೆ ತಡವಾಗಿ ಬೆಳಕಿಗೆ ಬಂದಿತ್ತು, ಆಕೆಯ ಪೋಷಕರು ಈ ಬಗ್ಗೆ ತಮಗೆ ಶಾಲೆಯ ಆಡಳಿತ ಮಂಡಳಿ ಮಾಹಿತಿ ನೀಡಿಲ್ಲ ಎಂದು ಪ್ರತಿಭಟನೆ ನಡೆಸಿದ್ದರು. [ಫೈಜಲ್ ನನಗಿಷ್ಟ : ಉಡುಪಿಯ ಇಶಿಕಾ ಪತ್ರ]

ನವೆಂಬರ್ 15ರಂದು ಶಾಲೆಯಲ್ಲಿ ಕ್ರೀಡಾಕೂಟವಿತ್ತು, ಅದರಲ್ಲಿ ಪಾಲ್ಗೊಂಡಿದ್ದ ಇಶಿಕಾ ಸಂಜೆಯ ನಂತರ ತಲೆ ನೋಯುತ್ತಿದೆ ಎಂದು ಹಾಸ್ಟೆಲ್‌ಗೆ ಬೇಗ ತೆರಳಿದ್ದಳು. ಅಲ್ಲಿಂದ ಆಕೆ ನಾಪತ್ತೆಯಾಗಿದ್ದಳು ಎಂದು ಪೊಲೀಸರು ತಿಳಿಸಿದ್ದರು.

ನಟ ಫೈಜಲ್‌ ಖಾನ್‌ ನನಗಿಷ್ಟ : ಇಶಿಕಾ ಶೆಟ್ಟಿ ತನ್ನ ರೂಮ್‌ನಲ್ಲಿ ಬರೆದಿಟ್ಟಿರುವ ಪತ್ರದಲ್ಲಿ "ನನಗೆ ಹೆತ್ತವರ ಪ್ರೀತಿ ಸರಿಯಾಗಿ ಸಿಗುತ್ತಿಲ್ಲ. ನಾನು ಏಕಾಂಗಿಯಾಗಿರುವೆ. ಮಹಾರಾಣಾ ಪ್ರತಾಪ್‌ ಎನ್ನುವ ಹಿಂದಿ ಧಾರಾವಾಹಿಯ ನಟ ಫೈಜಲ್‌ ಖಾನ್‌ನನ್ನು ತುಂಬಾ ಮೆಚ್ಚಿಕೊಂಡಿದ್ದೇನೆ" ಎಂದು ಬರೆದಿದ್ದಳು.

'ನನಗೆ ಡಾನ್ಸರ್‌ ಆಗುವ ಆಸೆ ಇದೆ. ಫೈಜಲ್ ಖಾನ್‌ ಜೊತೆ ಡಾನ್ಸ್‌ ಮಾಡುವ ಆಸೆ ಇದೆ. ನಾನು ಅವನನ್ನು ನೋಡಲು ಹೋಗುತ್ತಿದ್ದೇನೆ. ಅವನು ಸಿಗದಿದ್ದರೆ ನಾನು ಸಾಯುತ್ತೇನೆ, ನಾನು ಸತ್ತರೆ ಫೈಜಲ್‌ಗೆ ವಿಷಯ ತಿಳಿಸಿ ಎಂದು ಇಶಿಕಾ ಬರೆದಿದ್ದಳು. ಆದ್ದರಿಂದ ಆಕೆ ಮುಂಬೈಗೆ ಹೋಗಿರಬಹುದು ಎಂದು ಉಡುಪಿ ಪೊಲೀಸರು ಮುಂಬೈನ ಪೊಲೀಸರಿಗೆ ಈ ಕುರಿತು ಮಾಹಿತಿ ನೀಡಿದ್ದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Eshika 8th stranded student of Sharada Residential School of Kunjibettu, Udupi district of Karnatakahad gone missing from the hostel on the evening of November 15 found in Mumbai.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more