Priyank Kharge biography: ಚಿತ್ತಾಪುರದಿಂದ ಸಚಿವ ಸಂಪುಟದವರೆಗೆ: ಪ್ರಿಯಾಂಕ್ ಖರ್ಗೆ ರಾಜಕೀಯ ಪಯಣ, ಕುಟುಂಬ, ಒಟ್ಟು ಆಸ್ತಿ ವಿವರ

ಯುವ ನಾಯಕತ್ವ, ತಂತ್ರಜ್ಞಾನಾಧಾರಿತ ಆಡಳಿತ ಮತ್ತು ಸಾಮಾಜಿಕ ನ್ಯಾಯದ ಪರ ವಾದಿಯಾಗಿ ಪ್ರಿಯಾಂಕ್ ಖರ್ಗೆ ಕರ್ನಾಟಕ ಕಾಂಗ್ರೆಸ್‌ನ ಪ್ರಭಾವಿ ಮತ್ತು ಆಧುನಿಕ ಮುಖವಾಗಿ ಮುಂಚೂಣಿಯಲ್ಲಿದ್ದಾರೆ

ಕರ್ನಾಟಕ ರಾಜಕೀಯದಲ್ಲಿ ಯುವ, ತಂತ್ರಜ್ಞಾನಪರ ಹಾಗೂ ಉತ್ಸಾಹಿ ನಾಯಕನಾಗಿ ಗುರುತಿಸಿಕೊಂಡಿರುವ ಪ್ರಿಯಾಂಕ್‌ ಖರ್ಗೆ ಪ್ರಸ್ತುತ ಕರ್ನಾಟಕ ಸರ್ಕಾರದಲ್ಲಿ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಸಚಿವರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಕಲಬುರಗಿ ಜಿಲ್ಲೆಯ ಚಿತ್ತಾಪುರ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿರುವ ಅವರು, ಡಿಜಿಟಲ್, ಯುವಶಕ್ತಿಯ ಸಕ್ರಿಯತೆ ಮತ್ತು ಸಾಮಾಜಿಕ ಸಮಾನತೆಯ ಪರ ಧ್ವನಿಯಾಗುವ ಮೂಲಕ ಕರ್ನಾಟಕ ಕಾಂಗ್ರೆಸ್‌ನ ಯುವ ನಾಯಕರಾಗಿ ಗುರುತಿಸಿಕೊಂಡಿದ್ದಾರೆ. ರಾಜಕೀಯ ಕುಟುಂಬದ ಹಿನ್ನೆಲೆಯಲ್ಲೇ ಬೆಳೆದು ಬಂದ ಪ್ರಿಯಾಂಕ್‌ ಅವರ ವೈಯಕ್ತಿಕ ಜೀವನ, ಕುಟುಂಬ ಹಾಗೂ ಆಸ್ತಿ ವಿವರದ ಬಗ್ಗೆ ಈ ಲೇಖನದಲ್ಲಿ ತಿಳಿಯಿರಿ.

ಮಲ್ಲಿಕಾರ್ಜುನ್‌ ಖರ್ಗೆ ಪುತ್ರ

1978ರ ನವೆಂಬರ್ 22ರಂದು ಕಲಬುರಗಿಯಲ್ಲಿ ಜನಿಸಿದ ಪ್ರಿಯಾಂಕ್ ಖರ್ಗೆ ಅವರು ಪ್ರಸ್ತುತ ಎಐಸಿಸಿ ಅಧ್ಯಕ್ಷರೂ ಆಗಿರುವ ಕಾಂಗ್ರೆಸ್‌ನ ಹಿರಿಯ ನಾಯಕ ಮಲ್ಲಿಕಾರ್ಜುನ್‌ ಖರ್ಗೆ ಅವರ ಪುತ್ರ. ರಾಜಕೀಯ ವಾತಾವರಣದಲ್ಲೇ ಬೆಳೆದ ಪ್ರಿಯಾಂಕ್‌, ವಿದ್ಯಾರ್ಥಿ ಜೀವನದಲ್ಲಿಯೇ ಸಾರ್ವಜನಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡರು. ಸಾಹಿತ್ಯ ಓದುವುದರಲ್ಲಿ ವಿಶೇಷ ಆಸಕ್ತಿ ಹೊಂದಿರುವ ಅವರು, ವಿಶೇಷವಾಗಿ ಫಿಕ್ಷನ್ ಪುಸ್ತಕಗಳನ್ನು ಓದುವುದನ್ನು ಇಷ್ಟಪಡುತ್ತಾರೆ. ಸಾರ್ವಜನಿಕ ಜೀವನದ ಒತ್ತಡದಿಂದ ದೂರ ಇರಲು ಓದುವ ಅಭ್ಯಾಸ ನೆರವಾಗುತ್ತದೆ ಎಂದು ಹೇಳಿಕೊಂಡಿದ್ದಾರೆ.

ಚುನಾವಣೆ ವೇಳೆಯಲ್ಲೇ ಪತ್ನಿಗೆ ಶಸ್ತ್ರಚಿಕಿತ್ಸೆ

ಪ್ರಿಯಾಂಕ್‌ ಖರ್ಗೆ ಅವರು ಶ್ರುತಿ ಖರ್ಗೆ ಅವರನ್ನು ವಿವಾಹವಾದರು. ಇವರು ಹೆಚ್ಚಾಗಿ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವುದಿಲ್ಲ. ಇನ್ನು ಕಳೆದ ಕರ್ನಾಟಕ ವಿಧಾನಸಭೆ ಚುನಾವಣೆಯ ವೇಳೆ ಪ್ರಿಯಾಂಕ್‌ ಖರ್ಗೆ ಎದುರಿಸಿದ್ದ ವೈಯಕ್ತಿಕ ಸಂಕಷ್ಟ ರಾಜಕೀಯ ವಲಯದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿತ್ತು. ಕಲಬುರಗಿ ಜಿಲ್ಲೆಯ ಚಿತ್ತಾಪುರ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಅವರು, ಅದೇ ಸಮಯದಲ್ಲಿ ತಮ್ಮ ಪತ್ನಿ ಶ್ರುತಿ ಖರ್ಗೆ ಅವರು ಗಂಭೀರ ಅನಾರೋಗ್ಯವನ್ನು ಎದುರಿಸುತ್ತಿದ್ದರು. ಶ್ರುತಿ ಖರ್ಗೆ ಬ್ರೈನ್ ಟ್ಯೂಮರ್‌ನಿಂದ ಮುಂಬೈನ ಖಾಸಗಿ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. ಪತ್ನಿಯ ಜೊತೆಗೆ ಪ್ರಿಯಾಂಕ್ ಖರ್ಗೆಯವರ ಒಡಹುಟ್ಟಿದ ಸಹೋದರ ಕೂಡ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು ಎಂಬ ಮಾಹಿತಿ ಹೊರಬಂದಿತ್ತು. ಈ ಸಂದರ್ಭದಲ್ಲೂ ಪ್ರಿಯಾಂಕ್ ಖರ್ಗೆ ಕುಟುಂಬದ ಜವಾಬ್ದಾರಿ ಹಾಗೂ ರಾಜಕೀಯ ಕರ್ತವ್ಯ ಎರಡನ್ನೂ ಸಮತೋಲನಗೊಳಿಸಲು ಪ್ರಯತ್ನಿಸಿದರು.

ಇದನ್ನೂ ಓದಿ: ಕಲಬುರಗಿ ಕತ್ತಲೆ ನೀಗಿಸಿ, ಕರಾವಳಿಗೆ ಕೋಮುವಾದದ ಹಣೆಪಟ್ಟಿ ಕಟ್ಟಬೇಡಿ: ಪ್ರಿಯಾಂಕ್ ಖರ್ಗೆಗೆ ವಿಜಯೇಂದ್ರ ಟಾಂಗ್

ಒಂದು ದಿನ ಪತ್ನಿಯ ಆರೋಗ್ಯ ವಿಚಾರಿಸಲು ಆಸ್ಪತ್ರೆಗೆ ಭೇಟಿ ನೀಡಿದರೆ, ಮತ್ತೊಂದು ದಿನ ಕ್ಷೇತ್ರದಲ್ಲಿ ಪ್ರಚಾರ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದರು. ವೈಯಕ್ತಿಕವಾಗಿ ಸಂಕಷ್ಟದ ಘಳಿಗೆಯಲ್ಲಿದ್ದರೂ ಜನರ ವಿಶ್ವಾಸ ಕಾಪಾಡಲು ಅವರು ಕೈಗೊಂಡ ಈ ಕ್ರಮ ರಾಜಕೀಯ ವಲಯದಲ್ಲಿ ಗಮನ ಸೆಳೆದಿತ್ತು. ಅವರ ಈ ನಡೆಗೆ ಕೆಲವರು ಮಾನವೀಯತೆಯ ಉದಾಹರಣೆ ಎಂದು ಕೊಂಡಾಡಿದರೆ, ಮತ್ತೊಂದೆಡೆ ಚುನಾವಣಾ ಹೊತ್ತಿನಲ್ಲಿ ಎದುರಾದ ಈ ಸವಾಲು ಅವರ ಮನೋಬಲವನ್ನು ಪರೀಕ್ಷಿಸಿತು ಎಂಬ ಅಭಿಪ್ರಾಯವೂ ವ್ಯಕ್ತವಾಯಿತು. ವೈಯಕ್ತಿಕ ನೋವಿನ ನಡುವೆಯೂ ಸಾರ್ವಜನಿಕ ಕರ್ತವ್ಯ ನಿರ್ವಹಿಸಿದ ಘಟನೆ ಆ ಸಮಯದಲ್ಲಿ ರಾಜ್ಯ ರಾಜಕೀಯದಲ್ಲಿ ವಿಶಿಷ್ಟ ಚರ್ಚೆಗೆ ಕಾರಣವಾಗಿತ್ತು.

ಎನ್‌ಸಿಸಿ ಕೆಡೆಟ್ ಪ್ರಿಯಾಂಕ್‌

1996ರಿಂದ 2001ರವರೆಗೆ ಅವರು NCC (Air Wing) ಕೆಡೆಟ್ ಆಗಿದ್ದರು. ಎರಡು ಬಾರಿ "Best Cadet" ಆಗಿ ಆಯ್ಕೆಯಾದರು. ಎಂಜಿನ್ ಗ್ಲೈಡರ್ ತರಬೇತಿಗೆ ಕರ್ನಾಟಕದಿಂದ ಆಯ್ಕೆಯಾದ ಐದು ಮಂದಿಯಲ್ಲಿ ಪ್ರಿಯಾಂಕ್‌ ಕೂಡ ಒಬ್ಬರು. ಗೋವಾ ಮತ್ತು ಕರ್ನಾಟಕದಲ್ಲಿ ನ್ಯಾಷನಲ್ ಇಂಟಿಗ್ರೇಷನ್ ಕ್ಯಾಂಪ್‌ಗಳಲ್ಲಿ ಭಾಗವಹಿಸಿದ್ದರು. ಬಹುತೇಕ ರಾಜಕಾರಣಿಗಳಂತೆ ಇವರ ಕಾನೂನು ಅಥವಾ ರಾಜಕೀಯ ವಿಷಯವನ್ನು ಓದಲಿಲ್ಲ. ಅವರು ಗ್ರಾಫಿಕ್‌ ಡಿಸೈನ್‌ ಮತ್ತು ಅನಿಮೇಷನ್‌ನಲ್ಲಿ ಅಡ್ವಾನ್ಸ್ಡ್‌ ಡಿಪ್ಲೋಮಾ ಪಡೆದಿದ್ದಾರೆ. ಇದು ಇವರ ಸೃಜನಶೀಲತೆ ಮತ್ತು ತಂತ್ರಜ್ಞಾನ ಚಿಂತನೆಗೆ ಬೆನ್ನೆಲುಬಾಗಿದೆ.

2016ರಲ್ಲಿ ಸಚಿವರಾಗುವಾಗ, ಆಗಿನ ಸರ್ಕಾರದಲ್ಲಿ ಅತ್ಯಂತ ಕಿರಿಯ ಕ್ಯಾಬಿನೆಟ್ ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಿದ್ದರು. ಕರ್ನಾಟಕ ಸರ್ಕಾರದ ವತಿಯಿಂದ Aviation/Aerospace Center of Excellence ಪರಿಕಲ್ಪನೆಗೆ ಮುಂಚೂಣಿಯಾದವರು. ಇನ್ನು 2016ರಲ್ಲಿ ತಮ್ಮ ಕ್ಷೇತ್ರದಲ್ಲಿ "MLA Helpline" ಆರಂಭಿಸಿದ ಮೊದಲ ಜನಪ್ರತಿನಿಧಿಗಳಲ್ಲಿ ಒಬ್ಬರಾದರು. ಹೈದರಾಬಾದ್-ಕರ್ನಾಟಕ ಭಾಗದಲ್ಲಿಯೇ ಇದು ಮೊದಲ ಪ್ರಯತ್ನವಾಗಿತ್ತು.

ರಾಜಕೀಯ ಪ್ರವೇಶ

* 1999ರಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ಗೆ ಸೇರ್ಪಡೆಗೊಂಡ ಅವರು, ಎನ್‌ಎಸ್‌ಯುಐ ಮೂಲಕ ರಾಜಕೀಯ ಜೀವನ ಆರಂಭಿಸಿದರು.

* 2000-2001: ಎನ್‌ಎಸ್‌ಯುಐ ಕಾಲೇಜು ಜನರಲ್ ಸೆಕ್ರೆಟರಿ

* 2001-2005: ಕರ್ನಾಟಕ ರಾಜ್ಯ ಎನ್‌ಎಸ್‌ಯುಐ ಪ್ರಧಾನ ಕಾರ್ಯದರ್ಶಿ

* 2005-2007: ಯುವ ಕಾಂಗ್ರೆಸ್ ಕಾರ್ಯದರ್ಶಿ

* 2007-2011: ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ

* 2011-2013: ಕರ್ನಾಟಕ ಪ್ರದೇಶ ಯುವ ಕಾಂಗ್ರೆಸ್ ಉಪಾಧ್ಯಕ್ಷ

ಚುನಾವಣೆಗಳಲ್ಲಿ ಸ್ಪರ್ಧೆ

* 2008: ಚಿತ್ತಾಪುರ ಕ್ಷೇತ್ರದಲ್ಲಿ ಮೊದಲ ಬಾರಿಗೆ ಸ್ಪರ್ಧಿಸಿ ಅಲ್ಪ ಅಂತರದಿಂದ ಸೋಲು.

* 2013: ಭರ್ಜರಿ ಜಯ ಸಾಧಿಸಿ ಮೊದಲ ಬಾರಿಗೆ ವಿಧಾನಸಭೆಗೆ ಪ್ರವೇಶ.

* 2018: 4,393 ಮತಗಳ ಅಂತರದಿಂದ ಮರುಜಯ.

* 2023: ಮತ್ತೆ ಗೆದ್ದು, ಸಿದ್ದರಾಮಯ್ಯ ನೇತೃತ್ವದ ಸರ್ಕಾರದಲ್ಲಿ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಿದರು.

ಸಚಿವ ಸ್ಥಾನಗಳು ಮತ್ತು ಪ್ರಮುಖ ಹೊಣೆಗಾರಿಕೆಗಳು

2016ರಲ್ಲಿ ಸಚಿವ ಸಂಪುಟಕ್ಕೆ ಸೇರಿ ಅಂದಿನ ಅತ್ಯಂತ ಕಿರಿಯ ಸಚಿವರಾಗಿದ್ದರು. ಅವರು ಐಟಿ & ಬಿಟಿ, ಪ್ರವಾಸೋದ್ಯಮ, ಸಾಮಾಜಿಕ ಕಲ್ಯಾಣ ಸೇರಿದಂತೆ ಹಲವು ಇಲಾಖೆಗಳ ಜವಾಬ್ದಾರಿಯನ್ನು ಹೊತ್ತಿದ್ದರು. ಪ್ರಸ್ತುತ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ, ಪಂಚಾಯತ್ ರಾಜ್ ವ್ಯವಸ್ಥೆ ಬಲಪಡಿಸುವುದು ಹಾಗೂ ಅಭಿವೃದ್ಧಿ ಯೋಜನೆಗಳ ಪರಿಣಾಮಕಾರಿ ಜಾರಿ ಇವರ ಪ್ರಮುಖ ಗುರಿಯಾಗಿದೆ.

ಸಾಧನೆಗಳು

ಕರ್ನಾಟಕ ಸರ್ಕಾರದ ಏವಿಯೇಶನ್/ಏರೋಸ್ಪೇಸ್ ಸೆಂಟರ್ ಆಫ್ ಎಕ್ಸಲೆನ್ಸ್ ಪರಿಕಲ್ಪನೆ, "ಯುವ ಯುಗ" ಉದ್ಯೋಗಾಧಾರಿತ ತರಬೇತಿ ಯೋಜನೆ, ಚಿತ್ತಾಪುರದಲ್ಲಿ 12,500 ಎಕರೆ ವಿಸ್ತೀರ್ಣದ ನ್ಯಾಷನಲ್ ಇನ್ವೆಸ್ಟ್‌ಮೆಂಟ್ ಮ್ಯಾನ್ಯುಫ್ಯಾಕ್ಚರಿಂಗ್ ಝೋನ್ ಆರಂಭಿಕ ಪಾತ್ರ, ತುಮಕೂರಿನಲ್ಲಿ ಅಂಗನವಾಡಿಗಳಿಗೆ e-ICDS ಯೋಜನೆ ಪ್ರಯೋಗಾತ್ಮಕ ಜಾರಿ, ಹೈದರಾಬಾದ್-ಕರ್ನಾಟಕ ಭಾಗಕ್ಕೆ ಸಂವಿಧಾನದ 371(J) ತಿದ್ದುಪಡಿ ಜಾರಿಗೆ ಪ್ರಮುಖ ಪಾತ್ರ, 'ಇನ್ವೆಸ್ಟ್ ಕರ್ನಾಟಕ' ಗ್ಲೋಬಲ್ ಮೀಟ್‌ನಲ್ಲಿ ದೇಶವಾರು ಪೆವಿಲಿಯನ್ ಪ್ರಾರಂಭ ಸೇರಿದಂತೆ ಹಲವು ಜನಪರ ಕಾರ್ಯಗಳಿಂದ ಗಮನ ಸೆಳೆದಿದ್ದಾರೆ.

ಪ್ರಿಯಾಂಕ್‌ ಖರ್ಗೆ ಆಸ್ತಿ ವಿವರ

ಲಭ್ಯ ಮಾಹಿತಿಯ ಪ್ರಕಾರ, ಪ್ರಿಯಾಂಕ್‌ ಖರ್ಗೆ ಅವರ ಒಟ್ಟು ಘೋಷಿತ ಆಸ್ತಿ ಮೌಲ್ಯ ₹16.83 ಕೋಟಿ ಆಗಿದೆ. ಇದರಲ್ಲಿ ಎಲ್ಲ ಆಸ್ತಿಗಳು ಸೇರಿವೆ. ಒಟ್ಟು ನಿಕರ ಮೌಲ್ಯವು ₹16.54 ಕೋಟಿಯಷ್ಟಿದ್ದು, ₹28.75 ಲಕ್ಷ ಬಾಧ್ಯತೆಗಳು ದಾಖಲಾಗಿವೆ. ರಾಜಕೀಯ ನಾಯಕರ ಆಸ್ತಿ ವಿವರಗಳ ಬಹಿರಂಗವು ಚುನಾವಣಾ ಪ್ರಕ್ರಿಯೆಯ ಪಾರದರ್ಶಕತೆಯ ಭಾಗವಾಗಿದ್ದು, ಸಾರ್ವಜನಿಕ ನಂಬಿಕೆಯನ್ನು ಬಲಪಡಿಸುವ ಪ್ರಮುಖ ಅಂಶವಾಗಿದೆ. ಪ್ರಿಯಾಂಕ್ ಖರ್ಗೆ ಅವರು ತಮ್ಮ ಆಸ್ತಿ ವಿವರಗಳನ್ನು ನಿಯಮಾನುಸಾರ ಘೋಷಣೆ ಮಾಡಲಾಗಿದೆ.

ಇದನ್ನೂ ಓದಿ: ಗ್ರಾಮ ಪಂಚಾಯಿತಿಗಳಿಗೆ 15ನೇ ಹಣಕಾಸು ಆಯೋಗದ ಬಾಕಿ ಅನುದಾನ ಬಿಡುಗಡೆಗೆ ಪ್ರಿಯಾಂಕ್‌ ಖರ್ಗೆ ಕೇಂದ್ರಕ್ಕೆ ಪತ್ರ

ಯುವಶಕ್ತಿ, ತಂತ್ರಜ್ಞಾನ ವಿಚಾರಗಳಲ್ಲಿ ರಾಜಕೀಯದಲ್ಲಿ ವಿಭಿನ್ನ ಗುರುತನ್ನು ಮೂಡಿಸಿರುವ ಪ್ರಿಯಾಂಕ್ ಖರ್ಗೆ, ಕರ್ನಾಟಕ ಕಾಂಗ್ರೆಸ್‌ನ ಪ್ರಮುಖ ನಾಯಕರಾಗಿ ಹೊರಹೊಮ್ಮಿದ್ದಾರೆ. ಗ್ರಾಮೀಣಾಭಿವೃದ್ಧಿ ಕ್ಷೇತ್ರದಲ್ಲಿ ಅವರ ಕಾರ್ಯಕ್ಷಮತೆ ಮುಂದಿನ ದಿನಗಳಲ್ಲಿ ರಾಜ್ಯ ರಾಜಕೀಯದ ದಿಕ್ಕು ನಿರ್ಧರಿಸಬಹುದಾದ ಅಂಶವಾಗಿ ಕಾಣುತ್ತಿದೆ. ಮಲ್ಲಿಕಾರ್ಜುನ್‌ ಖರ್ಗೆ ಅವರ ಗರಡಿಯಲ್ಲಿ ಪಳಗಿರುವ ಪ್ರಿಯಾಂಕ್‌ ಅವರು ಮುಂದೊಮ್ಮೆ ಕರ್ನಾಟಕ ಮುಖ್ಯಮಂತ್ರಿ ಕುರ್ಚಿಯಲ್ಲಿ ಕೂರುವ ಪ್ರಬಲ ನಾಯಕ ಎಂಬ ಭವಿಷ್ಯವನ್ನು ಈಗಾಗಲೇ ಕರ್ನಾಟಕ ರಾಜಕೀಯ ವಲಯದಲ್ಲಿ ನುಡಿಯಲಾಗಿದೆ.

ಪ್ರಿಯಾಂಕ್‌ ಖರ್ಗೆ ಕುರಿತು ಪ್ರಮುಖ ಪ್ರಶ್ನೋತ್ತರಗಳು

1. ಪ್ರಿಯಾಂಕ್ ಖರ್ಗೆ ಯಾರು?
ಪ್ರಿಯಾಂಕ್ ಖರ್ಗೆ ಕರ್ನಾಟಕದ ಹಿರಿಯ ಕಾಂಗ್ರೆಸ್ ನಾಯಕ ಹಾಗೂ ಸಚಿವರು. ಅವರು Mallikarjun Kharge ಅವರ ಪುತ್ರರು ಮತ್ತು ಚಿತ್ತಾಪುರ ಕ್ಷೇತ್ರದ ಶಾಸಕರಾಗಿದ್ದಾರೆ.

2. ಪ್ರಿಯಾಂಕ್ ಖರ್ಗೆ ಯಾವ ಕ್ಷೇತ್ರವನ್ನು ಪ್ರತಿನಿಧಿಸುತ್ತಾರೆ?
ಅವರು ಕಲಬುರಗಿ ಜಿಲ್ಲೆಯ ಚಿತ್ತಾಪುರ (Chittapur) ವಿಧಾನಸಭಾ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದಾರೆ.

3. ಪ್ರಿಯಾಂಕ್ ಖರ್ಗೆ ಶೈಕ್ಷಣಿಕ ಹಿನ್ನೆಲೆ ಏನು?
ಅವರು ಬಿಸಿನೆಸ್ ಮ್ಯಾನೇಜ್ಮೆಂಟ್ ಹಾಗೂ ಇನ್ಫರ್ಮೇಶನ್ ಟೆಕ್ನಾಲಜಿ ಕ್ಷೇತ್ರದಲ್ಲಿ ವಿದ್ಯಾಭ್ಯಾಸ ಮಾಡಿದ್ದಾರೆ. ರಾಜಕೀಯಕ್ಕೆ ಬರುವ ಮೊದಲು ಕಾರ್ಪೊರೇಟ್ ಕ್ಷೇತ್ರದಲ್ಲೂ ಕೆಲಸ ಮಾಡಿದ್ದರು.

4. ಪ್ರಿಯಾಂಕ್ ಖರ್ಗೆ ಯಾವ ಸಚಿವ ಸ್ಥಾನಗಳನ್ನು ವಹಿಸಿಕೊಂಡಿದ್ದಾರೆ?
ಅವರು ಕರ್ನಾಟಕ ಸರ್ಕಾರದಲ್ಲಿ ಗ್ರಾಮೀಣಾಭಿವೃದ್ಧಿ, ಐಟಿ/ಬಿಟಿ ಸೇರಿದಂತೆ ವಿವಿಧ ಇಲಾಖೆಗಳ ಸಚಿವರಾಗಿ ಕಾರ್ಯನಿರ್ವಹಿಸಿದ್ದಾರೆ.

5. ಪ್ರಿಯಾಂಕ್ ಖರ್ಗೆ ಪತ್ನಿ ಯಾರು?
ಪ್ರಿಯಾಂಕ್ ಖರ್ಗೆಯ ಪತ್ನಿಯ ಹೆಸರು ಶ್ರುತಿ ಖರ್ಗೆ (Shruthi Kharge). ಅವರು ಕುಟುಂಬ ಹಾಗೂ ಸಾಮಾಜಿಕ ಕಾರ್ಯಗಳಲ್ಲಿ ಸಕ್ರಿಯರಾಗಿದ್ದಾರೆ.

6. ಪ್ರಿಯಾಂಕ್ ಖರ್ಗೆ ಮತ್ತು ಶ್ರುತಿ ಖರ್ಗೆ ಅವರ ಲವ್ ಸ್ಟೋರಿ ಇದೆಯೇ?
ಅವರ ವಿವಾಹವು ಕುಟುಂಬದ ಒಪ್ಪಿಗೆಯೊಂದಿಗೆ ನಡೆದಿದ್ದು, ಖಾಸಗಿ ಜೀವನವನ್ನು ಅವರು ಸಾರ್ವಜನಿಕವಾಗಿ ಹೆಚ್ಚು ಹಂಚಿಕೊಳ್ಳುವುದಿಲ್ಲ.

7. ಪ್ರಿಯಾಂಕ್ ಖರ್ಗೆ ಅವರಿಗೆ ಎಷ್ಟು ಮಕ್ಕಳು?
ಪ್ರಿಯಾಂಕ್ ಖರ್ಗೆ ಅವರಿಗೆ ಮಕ್ಕಳು ಇದ್ದು, ಅವರು ತಮ್ಮ ಕುಟುಂಬ ಜೀವನವನ್ನು ಸಾರ್ವಜನಿಕ ವಲಯದಿಂದ ದೂರ ಇಡುವುದು ಸಾಮಾನ್ಯವಾಗಿದೆ.

8. ಪ್ರಿಯಾಂಕ್ ಖರ್ಗೆಯ ರಾಜಕೀಯ ಪಯಣ ಹೇಗೆ ಆರಂಭವಾಯಿತು?
ಅವರು 2009ರಲ್ಲಿ ಮೊದಲ ಬಾರಿ ಚಿತ್ತಾಪುರ ಕ್ಷೇತ್ರದಿಂದ ಶಾಸಕರಾಗಿ ಆಯ್ಕೆಯಾದರು ಮತ್ತು ನಂತರ ನಿರಂತರವಾಗಿ ಜನಮತ ಗಳಿಸುತ್ತಿದ್ದಾರೆ.

9. ಪ್ರಿಯಾಂಕ್ ಖರ್ಗೆಯ ಪ್ರಮುಖ ಸಾಧನೆಗಳು ಯಾವುವು?
371(J) ಅನ್ವಯ ಕಲ್ಯಾಣ ಕರ್ನಾಟಕ ಅಭಿವೃದ್ಧಿ, ಐಟಿ ಹೂಡಿಕೆ ಆಕರ್ಷಣೆ, ಯುವಕರ ಉದ್ಯೋಗ ಸೃಷ್ಟಿ ಸೇರಿದಂತೆ ಹಲವು ಯೋಜನೆಗಳಲ್ಲಿ ಅವರು ಪ್ರಮುಖ ಪಾತ್ರವಹಿಸಿದ್ದಾರೆ.

10. ಪ್ರಿಯಾಂಕ್ ಖರ್ಗೆಯ ನಿಖರ ಆಸ್ತಿ (Net Worth) ಎಷ್ಟು?
ಅವರ ನಿಕರ ಆಸ್ತಿ ವಿವರಗಳು ಚುನಾವಣಾ ಅಫಿಡವಿಟ್ ಆಧಾರಿತವಾಗಿದ್ದು, ವರ್ಷಾನುಸಾರ ಬದಲಾಗಬಹುದು. ಅಧಿಕೃತ ದಾಖಲೆಗಳ ಪ್ರಕಾರ ಹಲವಾರು ಕೋಟಿ ರೂಪಾಯಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ.

English summary

This article examines Priyank Kharge's ascent from Chittapur to the Karnataka state cabinet, highlighting his family background and total assets. It provides a concise, factual overview of his political journey and public profile for readers seeking context on his career and influence.