ಮಣಿಪಾಲ್ ಆರೋಗ್ಯ ಕಾರ್ಡ್‌ ನೋಂದಣಿ ಆರಂಭ; ದರಪಟ್ಟಿ

ಬೆಂಗಳೂರು, ಜೂನ್ 22; ಕಸ್ತೂರ ಬಾ ಆಸ್ಪತ್ರೆ ಮಣಿಪಾಲ್ 'ಮಣಿಪಾಲ್ ಆರೋಗ್ಯ ಕಾರ್ಡ್‌ 2021' ನೋಂದಣಿ ಪ್ರಕ್ರಿಯೆಯನ್ನು ಆರಂಭಿಸಿದೆ. ಕಾರ್ಡ್‌ ಹೊಂದಿರುವ ಜನರಿಗೆ ಚೆಕ್‌ಅಪ್, ಚಿಕಿತ್ಸೆ ಸೇರಿದಂತೆ ವಿವಿಧ ಸೇವೆಯಲ್ಲಿ ರಿಯಾಯಿತಿ ಸಿಗಲಿದೆ.

ಮಣಿಪಾಲ್ ಆರೋಗ್ಯ ಕಾರ್ಡ್ ಪಡೆಯಲು ಯಾವುದೇ ವಯೋಮಿತಿ ಇಲ್ಲ. ಈಗಾಗಲೇ ಸುಮಾರು 3.6 ಲಕ್ಷ ಜನರು ಆರೋಗ್ಯ ಕಾರ್ಡ್ ಅಥವ ಮಣಿಪಾಲ್ ಕಾರ್ಡ್‌ ಪಡೆದಿದ್ದಾರೆ.

ಮೊದಲು ಈ ಕಾರ್ಡ್‌ ಸೇವೆ ದಕ್ಷಿಣ ಕನ್ನಡ, ಉಡುಪಿ ಜಿಲ್ಲೆಗೆ ಮಾತ್ರ ಸೀಮಿತವಾಗಿತ್ತು. ಈಗ ದಾವಣಗೆರೆ, ಚಿತ್ರದುರ್ಗ, ಶಿವಮೊಗ್ಗ ಸೇರಿದಂತೆ 12 ಜಿಲ್ಲೆಗಳಿಗೆ ವಿಸ್ತರಣೆ ಮಾಡಲಾಗಿದೆ. ಕೇರಳ ಮತ್ತು ಗೋವಾ ರಾಜ್ಯಗಳಲ್ಲೂ ಈ ಸೇವೆ ಲಭ್ಯವಿದೆ.

ಕಾರ್ಡ್‌ಗಳ ದರ ಪಟ್ಟಿ; 1 ವರ್ಷದ ಯೋಜನೆ ಸದಸ್ಯತ್ವ ಪಡೆಯಲು ಒಬ್ಬರು 300 ರೂ. ಪಾವತಿ ಮಾಡಬೇಕು. ಕೌಟುಂಬಿಕ ಕಾರ್ಡ್‌ ಪಡೆದರೆ ಕಾರ್ಡ್‌ ಹೊಂದಿರುವ ವ್ಯಕ್ತಿ, 25 ವರ್ಷದ ಮಕ್ಕಳಿಗೆ 600 ರೂ. ಹೆಚ್ಚುವರಿ ಪಾವತಿಸಬೇಕು. ಕೌಟುಂಬಿಕ ಪ್ಲಸ್ ಯೋಜನೆಗೆ 750 ರೂ. ದರವಿದೆ.

2 ವರ್ಷದ ಯೋಜನೆಯನ್ನು ಪಡೆಯಲು 500 ರೂ., ಕುಟುಂಬಕ್ಕೆ 800 ರೂ., ಕೌಟುಂಬಿಕ ಪ್ಲಸ್ ಯೋಜನೆಗೆ 950 ರೂ. ವೆಚ್ಚವಿದೆ. ಕಾರ್ಡ್‌ ಪಡೆದರೆ ಹೊರ ರೋಗಿಗಳಿಗೂ ಸಹ ಸಹಾಯಕವಾಗಲಿದೆ.

ಕಾರ್ಡ್‌ ಪಡೆದರೆ ವೈದ್ಯರ ಸಮಾಲೋಚನೆ ಶೇ 50, ಲ್ಯಾಬ್‌ಗೆ ಪರೀಕ್ಷೆಗೆ ಶೇ 30, ಸಿಟಿ/ ಎಂಆರ್‌ಐ/ ಅಲ್ಟ್ರಾ ಸೌಂಡ್‌ ಪರೀಕ್ಷೆಗೆ/ ಮಧುಮೇಹಕ್ಕೆ ಶೇ 20ರಷ್ಟು ರಿಯಾಯಿತಿ ಸಿಗಲಿದೆ. ಮೆಡಿಕಲ್ ಶಾಪ್‌ಗಳಲ್ಲಿ ಶೇ 12ರಷ್ಟು ರಿಯಾಯಿತಿ ಇದೆ.

ಹೆಚ್ಚಿನ ಮಾಹಿತಿಗಾಗಿ ವೆಬ್ ಸೈಟ್‌ಗೆ ಭೇಟಿ ನೀಡಿ https://manipalhealthcard.com/

English summary

Kasturba hospital Manipal began registration for the Manipal Arogya card 2021. People can get concession by getting card.