ಲೋಕಸಭಾ ಚುನಾವಣೆ: ರಾಜ್ಯದಲ್ಲಿ 4 ದಿನ 'ಮದ್ಯ ಮಾರಾಟ' ಬಂದ್

ಬೆಂಗಳೂರು, ಏ 12: 'ಪಬ್ ಕ್ಯಾಪಿಟಲ್' ಎಂದೂ ಹೆಸರಾಗಿರುವ ರಾಜಧಾನಿ ಬೆಂಗಳೂರು ಸೇರಿದಂತೆ, ರಾಜ್ಯದ ಎಲ್ಲೆಡೆಯಲ್ಲಿ ಒಟ್ಟು ನಾಲ್ಕು ದಿನ, ಲೋಕಸಭಾ ಚುನಾವಣೆಯ ಸಂಬಂಧ ಮದ್ಯದ ಅಂಗಡಿಗಳು ಬಂದ್ ಆಗಲಿವೆ.

ಲೋಕಸಭಾ ಚುನಾವಣೆಯ ಮತದಾನದ ಮುನ್ನಾ ಮೂರು ದಿನ ಮತ್ತು ಮತಎಣಿಕೆಯ ದಿನ ರಾಜ್ಯದ ಎಲ್ಲಾ ವೈನ್ ಸ್ಟೋರ್, ಬಾರ್ & ರೆಸ್ಟೋರೆಂಟುಗಳು, ಮದ್ಯ ಮಾರಾಟ ಮಾಡುವ ಹೋಲ್ ಸೇಲ್ ಅಂಗಡಿಗಳು, ಕ್ಲಬ್ ಗಳಲ್ಲಿ ಮದ್ಯ ಮಾರಾಟವನ್ನು ನಿಷೇಧಿಸಲಾಗಿದೆ.

ರಾಜ್ಯದಲ್ಲಿ ಮೊದಲ ಹಂತದ ಚುನಾವಣೆ ಏಪ್ರಿಲ್ ಹದಿನೆಂಟರಂದು ಒಟ್ಟು 14 ಲೋಕಸಭಾ ಕ್ಷೇತ್ರಗಳಲ್ಲಿ ಮತ್ತು ಎರಡನೇ ಹಂತದಲ್ಲೂ ( ಏ 23) 14ಕ್ಷೇತ್ರಗಳಲ್ಲಿ ಚುನಾವಣೆ ನಡೆಯಲಿದೆ. ಮೇ 23ರಂದು ಮತಎಣಿಕೆ ನಡೆಯಲಿದೆ.

ಮೊದಲ ಹಂತದ ಚುನಾವಣೆಯ ಹದಿನಾಲ್ಕು ಕ್ಷೇತ್ರದ ವ್ಯಾಪ್ತಿಯಲ್ಲಿ ಬರುವ ಎಲ್ಲಾ ಮದ್ಯದ ಅಂಗಡಿಗಳು, ಏಪ್ರಿಲ್ 16ರ ಸಂಜೆ ಆರು ಗಂಟೆಯಿಂದ, ಏಪ್ರಿಲ್ 18ರ ಮಧ್ಯರಾತ್ರಿಯ ವರೆಗೆ ಬಂದ್ ಮಾಡಲು, ಪೊಲೀಸ್ ಇಲಾಖೆ/ಚುನಾವಣಾ ಆಯೋಗ ಆದೇಶ ಹೊರಡಿಸಿದೆ.

ಇನ್ನು, ಎರಡನೇ ಹಂತದ ಚುನಾವಣೆಯ ವೇಳೆ, ಏಪ್ರಿಲ್ 21ರ ಸಂಜೆ ಆರು ಗಂಟೆಯಿಂದ, ಏಪ್ರಿಲ್ 23ರ ಮಧ್ಯರಾತ್ರಿಯವರೆಗೆ ಮದ್ಯದ ಅಂಗಡಿ ಬಂದ್ ಆಗಲಿದೆ. ಮೇ 23ರ ಮುಂಜಾನೆ ಆರು ಗಂಟೆಯಿಂದ,ಮಧ್ಯರಾತ್ರಿಯವರೆಗೂ ಮದ್ಯದ ಅಂಗಡಿ ಬಂದ್ ಆಗಲಿದೆ.

English summary

The Election Commission has declared four dry days for Karnataka, with the sale of liquor stopping from 6PM on April 16 to Apr 18 midnight (for first phase) and Apr 21 6PM to midnight Apr 23 (for second phase in state). On May 23, there will be no sale of liquor for the full day on account of counting of votes.