32 ಸಾವಿರ ರೂ ಗಡಿ ಕ್ರಮಿಸಿದ ಚಿನ್ನದ ದರ
ಬೆಂಗಳೂರು, ಅ.25: ಆಂತರಿಕ ಮಾರುಕಟ್ಟೆ ಮತ್ತೆ ಬೇಡಿಕೆ ಕುದುರಿಸಿಕೊಂಡಿರುವ ಚಿನ್ನ ಜಾಗತಿಕ ಮಟ್ಟದಲ್ಲೂ ದೃಢ ವಹಿವಾಟು ಕಂಡುಕೊಂಡಿರುವ ಹಿನ್ನೆಲೆಯಲ್ಲಿ ದೆಹಲಿಯಲ್ಲಿ 10 ಗ್ರಾಂ ಚಿನ್ನಕ್ಕೆ 32,410 ರೂ. ಆಗಿದೆ.
ಸೆಪ್ಟೆಂಬರ್ 4ರಂದು ಈ ಗಡಿ ತಲುಪಿದ್ದ ಚಿನ್ನ ಇಂದು ದಿಢೀರನೆ ಸುಮಾರು 500 ರೂ ಏರಿಕೆ ಗಳಿಸಿತು. ಆದರೆ ಔದ್ಯಮಿಕ ವಲಯದಿಂದ ಬೇಡಿಕೆ ಕುದುರಿಸಿಕೊಳ್ಳದ ಬೆಳ್ಳಿ ಕೆಜಿಗೆ 50 ಸಾವಿರ ಗಡಿಯಲ್ಲೇ ನಿಂತಿದೆ.
ಹಬ್ಬದ ಸಾಲು ಮತ್ತು ಮದುವೆ ಹಂಗಾಮ ಶುರುವಾಗುತ್ತಿರುವುದರಿಂದ ಗ್ರಾಹಕರು ಚಿನ್ನದ ಖರೀದಿಗೆ ಮುಗಿಬೀಳುತ್ತಿದ್ದಾರೆ. ಹಾಗಾಗಿ ದಾಸ್ತಾನುಗಾರರು ಮತ್ತು ಆಭರಣ ಮಳಿಗೆಯವರು ಚಿನ್ನಕ್ಕೆ ಹೆಚ್ಚು ಬೇಡಿಕೆಯಿಟ್ಟಿರುವ ಪರಿಣಾಮ ಚಿನ್ನದ ದರ ಏರಿದೆ ಎಂದು ಮಾರುಕಟ್ಟೆ ಮೂಲಗಳು ತಿಳಿಸಿವೆ.
ದೀಪಾವಳಿ ಹಬ್ಬದ ಮುನ್ನೆಲೆಯಲ್ಲಿ ಮತ್ತು ಯೂರೋ ಸಮ್ಮುಖದಲ್ಲಿ ಡಾಲರ್ ನೆಲಕಚ್ಚಿರುವುದರಿಂದ ಪರ್ಯಾಯ ಹೂಡಿಕೆಯಾಗಿ ಚಿನ್ನಕ್ಕೆ ಬೇಡಿಕೆ ಬಂದಿದೆ. ಭಾರತದಲ್ಲಿ ಚಿನ್ನದ ದರ ನಿಗದಿಗೆ ಕಾರಣೀಭೂತವಾಗುವ ಲಂಡನ್ ಮಾರುಕಟ್ಟೆಯಲ್ಲಿ ಶೇ. 0.6ರಷ್ಟು ಚಿನ್ನದ ದರ ಏರಿದೆ.
Bangalore - Rs 29,400
Chennai - Rs 29,700
Delhi - Rs 29,440
Hyderabad - Rs 29,450
Kolkata - 29,520
Mumbai - Rs 29,420
Click it and Unblock the Notifications
Sign in with Google