ಕಾಂಗ್ರೆಸ್ ಭರ್ಜರಿ ಗೆಲುವು: 3 ರಾಜ್ಯಸಭಾ ಸ್ಥಾನ ಖಚಿತ- ರಾಷ್ಟ್ರ ರಾಜಕಾರಣದಲ್ಲಿ ಮತ್ತೆ ಬಲಗೊಳ್ಳುತ್ತಿದೆ 'ಕೈ' ಪಡೆ

ನವದೆಹಲಿ, ಮೇ 15: ಕರ್ನಾಟಕ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್‌ ಅಭೂತಪೂರ್ವ ಗೆಲುವು ಸಾಧಿಸಿದೆ. ಮುಂದಿನ ವರ್ಷ ರಾಜ್ಯದ ನಾಲ್ವರು ಮೇಲ್ಮನೆ ಸದಸ್ಯರು ನಿವೃತ್ತಿಯಾದಾಗ ಕಾಂಗ್ರೆಸ್ ತನ್ನ ಮೂರು ರಾಜ್ಯಸಭಾ ಸ್ಥಾನಗಳನ್ನು ಉಳಿಸಿಕೊಳ್ಳುವುದು ಖಚಿತವಾಗಿದೆ.

ಮುಂದಿನ ಮೂರು ವರ್ಷಗಳಲ್ಲಿ ಪಕ್ಷದ ರಾಜ್ಯಸಭಾ ಸದಸ್ಯರ ಸಂಖ್ಯೆ ( ಕರ್ನಾಟಕಕ್ಕೆ ಸಂಬಂಧಿಸಿದ ರಾಜ್ಯಸಭಾ ಸದಸ್ಯರು ) ಐದರಿಂದ ಏಳಕ್ಕೆ ಏರಲಿದೆ. ಮತ್ತೊಂದೆಡೆ, ಹೆಚ್ ಡಿ ದೇವೇಗೌಡರ ಅಧಿಕಾರಾವಧಿ 2026ರಲ್ಲಿ ಕೊನೆಗೊಳ್ಳಲಿದೆ. ಜೆಡಿಎಸ್‌ಗೆ ರಾಜ್ಯದಿಂದ ಯಾವುದೇ ರಾಜ್ಯಸಭಾ ಸದಸ್ಯರಿಲ್ಲದಂತಾಗುತ್ತದೆ.

2024 ರಲ್ಲಿ ನಿವೃತ್ತಿಯಾಗುವ ನಾಲ್ವರ ಪಟ್ಟಿಯಲ್ಲಿ ಬಿಜೆಪಿ ತನ್ನ ಏಕೈಕ ಸ್ಥಾನವನ್ನು ಉಳಿಸಿಕೊಳ್ಳುತ್ತದೆ. ಆದರೆ 2026 ರ ವೇಳೆಗೆ ಬಿಜೆಪಿಯ ರಾಜ್ಯಸಭಾ ಸದಸ್ಯರ ಸಂಖ್ಯೆ ಕಡಿಮೆಯಾಗಲಿದೆ. ಕರ್ನಾಟಕದ ಬಿಜೆಪಿ ಹೀನಾಯ ಪ್ರದರ್ಶನ ನೀಡಿದೆ. ರಾಜ್ಯಸಭೆಯಲ್ಲಿರುವ 92 ಸದಸ್ಯರ ಸಂಖ್ಯಾ ಬಲದಲ್ಲಿ ಕಡಿಮೆಯಾಗಲಿದೆ. ಬಿಜೆಪಿಯ ಒಟ್ಟಾರೆ ಸ್ಥಾನಗಳ ಮೇಲೆ ಇದು ಅಷ್ಟೊಂದು ಪರಿಣಾಮ ಬೀರುವುದಿಲ್ಲ. ಆದರೆ, ಈ ಫಲಿತಾಂಶವು ರಾಷ್ಟ್ರ ರಾಜಕಾರಣದಲ್ಲಿ ಕಾಂಗ್ರೆಸ್‌ನ ಶಕ್ತಿಯನ್ನು ಹೆಚ್ಚಿಸುವುದು ಖಚಿತವಾಗಿದೆ.

ಮುಂದಿನ ವರ್ಷ ನಿವೃತ್ತರಾಗಲಿರುವ ಕರ್ನಾಟಕದ ನಾಲ್ವರು ರಾಜ್ಯಸಭಾ ಸದಸ್ಯರಲ್ಲಿ ಬಿಜೆಪಿ ಸಂಸದ ಮತ್ತು ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಇದ್ದಾರೆ. ಮೂವರು ಕಾಂಗ್ರೆಸ್ ಸದಸ್ಯರಿದ್ದಾರೆ. ಎಲ್ ಹನುಮಂತಯ್ಯ, ಸೈಯದ್ ನಾಸಿರ್ ಹುಸೇನ್ ಮತ್ತು ಜಿ ಸಿ ಚಂದ್ರಶೇಖರ್ ಸೇರಿದ್ದಾರೆ. ಕರ್ನಾಟಕದ ತಲಾ ನಾಲ್ವರು ರಾಜ್ಯಸಭಾ ಸದಸ್ಯರು 2026 ಮತ್ತು 2028ರಲ್ಲಿ ನಿವೃತ್ತರಾಗಲಿದ್ದಾರೆ.

ಪ್ರಸ್ತುತ, ಆರು ಸ್ಥಾನಗಳು ರಾಜ್ಯಸಭೆಯಲ್ಲಿ ತೆರವಾಗಿದೆ. ಜಮ್ಮು-ಕಾಶ್ಮೀರದಿಂದ ನಾಲ್ಕು ಮತ್ತು ಎರಡು ನಾಮನಿರ್ದೇಶಿತ ಸದಸ್ಯರ ಸ್ಥಾನಗಳು ತೆರವಾಗಿದೆ. ಈಗ ರಾಜ್ಯಸಭೆಯ ಬಲವು 239 ಕ್ಕೆ ಇಳಿಸಿದೆ. ಬಿಜೆಪಿ 92 ಸಂಸದರನ್ನು ಹೊಂದಿರುವ ಅತಿದೊಡ್ಡ ಪಕ್ಷವಾಗಿದೆ.

ನಂತರ ಕಾಂಗ್ರೆಸ್ 31 ಸದಸ್ಯರನ್ನು ಹೊಂದಿದೆ. ಟಿಎಂಸಿ 13, ಡಿಎಂಕೆ ಮತ್ತು ಆಮ್ ಆದ್ಮಿ ತಲಾ 10 ರಾಜ್ಯಸಭಾ ಸ್ಥಾನಗಳನ್ನು ಹೊಂದಿವೆ. ಬಿಜು ಜನತಾ ದಳ ಮತ್ತು ವೈಎಸ್ಆರ್ ಕಾಂಗ್ರೆಸ್ ತಲಾ ಒಂಬತ್ತು ಸ್ಥಾನಗಳನ್ನು ಹೊಂದಿದೆ. ತೆಲಂಗಾಣ ರಾಷ್ಟ್ರ ಸಮಿತಿ 7 ಮತ್ತು ರಾಷ್ಟ್ರೀಯ ಜನತಾ ದಳ 6 ರಾಜ್ಯಸಭಾ ಸ್ಥಾನಗಳನ್ನು ಹೊಂದಿವೆ.

ಸದಸ್ಯರ ನಿವೃತ್ತಿಯಿಂದಾಗಿ 10 ಸ್ಥಾನಗಳು ಖಾಲಿಯಾದಾಗಲೂ ಮೇಲ್ಮನೆಯ ಒಟ್ಟಾರೆ ಸಂಯೋಜನೆಯು ಈ ವರ್ಷ ಪರಿಣಾಮಕಾರಿಯಾಗಿ ಬದಲಾಗುವುದಿಲ್ಲ ಎಂದು ರಾಜ್ಯಸಭೆಯ ಅಂಕಿಅಂಶಗಳು ತೋರಿಸುತ್ತವೆ. ಈ ವರ್ಷ, ಗೋವಾ ಜುಲೈನಲ್ಲಿ ಗೋವಾದಿಂದ ಒಂದು ಸ್ಥಾನಕ್ಕೆ ಆಯ್ಕೆಯಾಗಲಿದ್ದಾರೆ. ಆಗಸ್ಟ್‌ನಲ್ಲಿ ಪಶ್ಚಿಮ ಬಂಗಾಳ ಮತ್ತು ಗುಜರಾತಿನಲ್ಲಿ ಕ್ರಮವಾಗಿ ಆರು ಮತ್ತು ಮೂರು ಸ್ಥಾನಗಳನ್ನು ತೆರುವಾಗಲಿವೆ.

English summary

Congress Big Win in Karnataka Elections.