ಕೊರೊನಾ ಜಾಗೃತಿ: ದಾರಿ ತೋರಿಸು ಎಂದವನಿಗೆ ಬೈದು ಬುದ್ದಿ ಹೇಳಿದ 'ಸಿರಿ'

ವಿಶ್ವದೆಲ್ಲೆಡೆ ಈಗ ಕೊರೊನಾದ್ದೇ ಹಾವಳಿ. ಎಲ್ಲರಲ್ಲೂ ಆತಂಕ ತಂದಿರುವ ಈ ಕೋವಿಡ್-19 ಮಹಾಮಾರಿ ತಡೆಗೆ ಇನ್ನಿಲ್ಲದ ಪ್ರಯತ್ನಗಳು ಸಾಗುತ್ತಲೇ ಇವೆ. ಕೆಲವು ದೇಶಗಳು ಜನರಿಗೆ ಗೃಹ ದಿಗ್ಬಂಧನ ಹೇರುವ ಮೂಲಕ ಸೋಂಕು ಹರಡದಂತೆ ತಡೆಯಲು ಕಠಿಣ ಕ್ರಮ ಕೈಗೊಳ್ಳುತ್ತಿವೆ.

ಸರ್ಕಾರಗಳ ಈ ನಿರ್ಧಾರ ಅದೆಷ್ಟೋ ಯುವಕರಿಗೆ ಜೈಲಿನ ವಾತಾವರಣ ಸೃಷ್ಟಿಸಿದೆ. ಕದ್ದು ಮುಚ್ಚಿ ಮನೆಯಿಂದ ಹೊರಹೋಗಲು ಯುವಕರು ಸಕಲ ಪ್ರಯತ್ನ ಮಾಡುತ್ತಿದ್ದಾರೆ.

ಹಾಗೆ, ಮನೆಯಿಂದ ಹೊರಟ ವಿದೇಶಿ ಯುವಕ 'ದಾರಿ ತೋರಿಸು' ಅಂತ ಕೇಳಿದ್ದೇ ತಡ.. ವಾಯ್ಸ್ ಅಸಿಸ್ಟೆಂಟ್ 'ಸಿರಿ' ಬೈದು ಬುದ್ದಿ ಹೇಳಿದ್ದಾಳೆ.

''ಮ್ಯಾಕ್ ಡೊನಾಲ್ಡ್ ಗೆ ದಾರಿ ತೋರಿಸು'' ಎಂದು ಯುವಕ ಕಾರ್ ಡ್ರೈವ್ ಮಾಡುತ್ತ ಕೇಳಿದ್ದಕ್ಕೆ, ವಾಯ್ಸ್ ಅಸಿಸ್ಟೆಂಟ್ 'ಸಿರಿ', ''ಯು-ಟರ್ನ್ ಮಾಡಿ ಕೂಡಲೆ ಮನೆಗೆ ಹೋಗು. ಕೊರೊನಾ ವೈರಸ್ ಜೊತೆ ಆಟ ಆಡಬೇಡಿ'' ಎಂದು ಛೀಮಾರಿ ಹಾಕಿದ್ದಾಳೆ.

I love #Siri 💚❤😄😄😄😄😄😄😄#Corona. pic.twitter.com/nG5vK6Bzo7

— Early Bird🇵🇰 (@KhaOmm) March 25, 2020

ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

English summary

Voice Assistant Siri advices user to get back home due to coronavirus.