ಆಂಧ್ರದ ತಾಯಿ-ಮಗ ಅಮೆರಿಕಾದಲ್ಲಿ ಸಾವು, ಹತ್ಯೆ ಶಂಕೆ
ಅಮೆರಿಕಾ ನ್ಯೂಜೆರ್ಸಿಯಲ್ಲಿ 40 ವರ್ಷ ಪ್ರಾಯದ ಶಶಿಕಲಾ ಮತ್ತು ಆಕೆಯ 7 ವರ್ಷ ವಯಸ್ಸಿನ ಮಗ ಹನೀಶ್ ಸಾಯಿ ಸಾವಿಗೀಡಾದವರಾಗಿದ್ದಾರೆ. ಸಾವಿಗೀಡಾದವರು ಆಂಧ್ರ ಪ್ರದೇಶ ಮೂಲದವರು ಎಂದು ತಿಳಿದು ಬಂದಿದೆ.
ಹೈದರಾಬಾದ್, ಮಾರ್ಚ್ 24: ಅಮೆರಿಕಾದಲ್ಲಿ ಇಬ್ಬರು ಭಾರತೀಯರು ಅನುಮಾನಾಸ್ಪದವಾಗಿ ಸಾವನ್ನಪ್ಪಿದ್ದಾರೆ. ಇದೊಂದು ಕೊಲೆ ಎಂದು ಶಂಕಿಸಲಾಗಿದೆ. ಸಾವಿಗೀಡಾದವರು ಆಂಧ್ರ ಪ್ರದೇಶ ಮೂಲದವರು ಎಂದು ತಿಳಿದು ಬಂದಿದೆ.
ಅಮೆರಿಕಾ ನ್ಯೂಜೆರ್ಸಿಯಲ್ಲಿ 40 ವರ್ಷ ಪ್ರಾಯದ ಶಶಿಕಲಾ ಮತ್ತು ಆಕೆಯ 7 ವರ್ಷ ವಯಸ್ಸಿನ ಮಗ ಹನೀಶ್ ಸಾಯಿ ಸಾವಿಗೀಡಾದವರಾಗಿದ್ದಾರೆ. ಶಶಿಕಲಾ ಪತಿ ನಾರಾ ಹಮುಮಂತ ರಾವ್ ಉದ್ಯೋಗದಿಂದ ಮರಳುವಾಗ ಮನೆಯಲ್ಲಿ ಪತ್ನಿ ಮತ್ತು ಪುತ್ರನ ಮೃತ ದೇಹ ಪತ್ತೆಯಾಗಿದೆ.[ನೀನ್ಯಾವೋನಯ್ಯ ಅಮೆರಿಕಾಕ್ಕೆ ಬರಬೇಡ ಅಂತ ಹೇಳೋಕೆ?]
ಅಪರಿಚಿತ ವ್ಯಕ್ತಿಗಳು ಪತ್ನಿ ಮತ್ತು ಮಗನನ್ನು ಕೊಲೆ ಮಾಡಿರಬಹುದು ಎಂದುಕೊಳ್ಳಲಾಗಿದೆ. ಮೃತರು ಆಂಧ್ರ ಪ್ರದೇಶದ ಪ್ರಕಾಶಂ ಜಿಲ್ಲೆಯ ತಿಮ್ಮರಾಜುಪಾಲೆಮ್ ಗೆ ಸೇರಿದವರಾಗಿದ್ದಾರೆ. ಅಮೆರಿಕಾದಲ್ಲಿರುವ ನಾರಾ ಹಮುಮಂತ ರಾವ್ ಜತೆ ಸ್ಥಳೀಯ ಶಾಸಕ ಸಾಂಬಶಿವ ರಾವ್ ಸಂಪರ್ಕದಲ್ಲಿದ್ದಾರೆ. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.[ಅಮೆರಿಕಾದಲ್ಲಿ ಗುಂಡೇಟಿಗೆ ಬಲಿಯಾದ ಶ್ರೀನಿವಾಸ್ ಅಂತ್ಯಕ್ರಿಯೆ ಇಂದು]
ಹೈದರಾಬಾದ್ ಮೂಲದ ಟೆಕ್ಕಿ ಶ್ರೀನಿವಾಸ್ ಕುಚಿಭೋತ್ಲಾ ಸಾವಿನ ಸುದ್ದಿ ಇನ್ನೂ ಹಸಿರಾಗಿರುವಾಗಲೇ ಮತ್ತೊಂದು ದುರಂತ ವಾರ್ತೆ ಬಂದಿದೆ.
Click it and Unblock the Notifications
Sign in with Google