Bed Bugs: ಜಗತ್ತಿನ ಶ್ರೀಮಂತ ದೇಶ ‘ತಿಗಣೆ’ ಕಾಟಕ್ಕೆ ತತ್ತರ!

ತಿಗಣೆ ಅಂದ್ರೆ ಅದು ಬಡವರ ಮನೆಗಳಲ್ಲಿ ಮಾತ್ರ ಅನ್ನೋ ಮಾತಿದೆ. ಅದರಲ್ಲೂ ದೇಶದ ಹಲವು ನಗರಗಳಲ್ಲಿ ತಿಗಣೆ ಕಾಟಕ್ಕೆ ಜನ ತತ್ತರಿಸಿ ಹೋಗಿದ್ದು, ತಿಗಣೆ ಕಾಟಕ್ಕೆ ಹಲವಾರು ಕಾರಣಗಳು ಇವೆ. ಆದರೆ ಇಲ್ಲೊಂದು ಶ್ರೀಮಂತ ದೇಶದಲ್ಲೇ ತಿಗಣೆ ಹಾವಳಿ ಜೋರಾಗಿದೆ. ಎಷ್ಟರಮಟ್ಟಿಗೆ ಅಂದರೆ ಹಗಲು ಹೊತ್ತಲ್ಲೇ ರಸ್ತೆಗಳಲ್ಲಿ 'ತಿಗಣೆ' ಸೇನೆ ಭಯ ಹುಟ್ಟಿಸಿದೆ. ಹಾಗಾದರೆ ಯಾವುದು ಆ 'ತಿಗಣೆ' ಕಾಟದ ಶ್ರೀಮಂತ ದೇಶ?

(

Même dans le TGV y’a des punaises purée 😪 @OUIGO pensez a désinfecter vos trains, merci pic.twitter.com/PG72erKWLV

— NaNa Afi (@_LaTogolaise) September 22, 2023

ಸಾಮಾನ್ಯವಾಗಿ ಯುರೋಪ್ ಅಂದರೆ ಶ್ರೀಮಂತ ದೇಶ ಅನ್ನೋ ಮಾತಿದೆ. ಅದರಲ್ಲೂ ಈ ಪೈಕಿ ಫ್ರಾನ್ಸ್ ಸಾಕಷ್ಟು ಮುಂದೆ ಇದ್ದು ಜಗತ್ತಿನ ಟಾಪ್ ಆರ್ಥಿಕತೆಯ ದೇಶಗಳಲ್ಲಿ ಇದೂ ಒಂದಾಗಿದೆ. ಆದ್ರೆ ಈಗ ಫ್ರಾನ್ಸ್‌ಗೆ ಹೊಸ ಕಂಟಕ ಎದುರಾಗಿದೆ. ಅದು ಬೇರೆ ದೇಶಗಳಿಂದ ಅಲ್ಲ, ಬದಲಾಗಿ ಕೈಯಲ್ಲಿ ಹೊಸಕಿದರೆ ಸತ್ತು ಹೋಗುವ 'ತಿಗಣೆ' ಸೇನೆಯಿಂದ! ಹೌದು ಮುಂದಿನ ವರ್ಷ 'ಒಲಿಂಪಿಕ್ಸ್' ಕ್ರೀಡಾಕೂಟಕ್ಕೆ ಸಜ್ಜಾಗುತ್ತಿರುವ ಫ್ರಾನ್ಸ್‌ಗೆ ಈಗ ತಿಗಣೆಗಳ ಕಾಟ ತಲೆನೋವು ತಂದಿದೆ. ಅದರಲ್ಲೂ ಜನ ತಿಗಣೆ ಕಾಟಕ್ಕೆ ಬೆಚ್ಚಿಬಿದ್ದಿದ್ದಾರೆ.

ಫ್ರಾನ್ಸ್‌ನಲ್ಲಿ ಹೇಗಿದೆ ಗೊತ್ತಾ ತಿಗಣೆ ಕಾಟ?

1950ರಲ್ಲಿ ಫ್ರಾನ್ಸ್ ದೇಶ ಸಂಪೂರ್ಣ ತಿಗಣೆ ಮುಕ್ತವಾಗಿತ್ತು. ಆದ್ರೆ ಈಗ ಫ್ರಾನ್ಸ್ ದೇಶದಲ್ಲಿ ಜನಸಂಖ್ಯೆ ಪ್ರಮಾಣ ಭಾರಿ ಏರಿಕೆ ಕಾಣುತ್ತಿದ್ದು, ಬಡರಾಷ್ಟ್ರವಾಗುತ್ತಿದೆ. ಫ್ರಾನ್ಸ್ ಜನರಿಗೆ ಸೂಕ್ತ ಉದ್ಯೋಗ ಒದಗಿಸಲು ಕೂಡ ಸಾಧ್ಯವಾಗುತ್ತಿಲ್ಲ. ಈ ಸಮಯದಲ್ಲೇ ಪ್ರವಾಸಿಗರನ್ನ ನಂಬಿ ಬದುಕುವ ದೇಶಗದಲ್ಲಿ ತಿಗಣೆ ಕಾಟ ಭಯ ಹುಟ್ಟಿಸಿದೆ. ಜಗತ್ತಿನ ಶ್ರೀಮಂತ ರಾಷ್ಟ್ರ ಫ್ರಾನ್ಸ್ ಈಗ ತಿಗಣೆ ಸಾಮ್ರಾಜ್ಯವಾಗಿದೆ. ಹೀಗಾಗಿ ಮುಂದಿನ ವರ್ಷ ಇವರು 'ಒಲಿಂಪಿಕ್ಸ್' ಕ್ರೀಡಾಕೂಟ ಹೇಗೆ ಆಯೋಜನೆ ಮಾಡ್ತಾರಪ್ಪಾ? ಅಂತಾ ಜನ ಕೂಡ ಪ್ರಶ್ನೆ ಕೇಳುತ್ತಿದ್ದಾರೆ.

Dans les bus @RATPgroup aussi il y a des punaises 🤣 pic.twitter.com/DbnmgMwEQY

— Ssiguss (@Ssiguss) September 27, 2023

ಇನ್ನು 2024ರ 'ಸಮ್ಮರ್ ಒಲಿಂಪಿಕ್ಸ್' ಫ್ರಾನ್ಸ್ ಪಾಲಾಗಿರುವ ಹಿನ್ನೆಲೆ ವಿವಿಧ ರಾಷ್ಟ್ರಗಳ ಆಟಗಾರರಿಗೆ ಉಳಿದುಕೊಳ್ಳಲು ವ್ಯವಸ್ಥೆ ಮಾಡಲಾಗುತ್ತಿದೆ. ಆದರೆ ಫ್ರಾನ್ಸ್ ರಾಜಧಾನಿಯ ಗಲ್ಲಿ ಗಲ್ಲಿಗಳಲ್ಲೂ ತಿಗಣೆಗಳು ಓಡಾಡುತ್ತಿವೆ. ಅಲ್ಲಿನ ಬಸ್‌ಗಳು, ಎಸಿ ಟ್ರೈನ್ ಹೀಗೆ ಎಲ್ಲಿ ನೋಡಿದರೂ ಬರೀ ತಿಗಣೆಗಳೇ ಕಾಣುತ್ತಿವೆ. ಹೀಗಾಗಿ ಜನ ಕೂಡ, ಸರ್ಕಾರದ ವಿರುದ್ಧವೇ ರೊಚ್ಚಿಗೆದ್ದಿದ್ದಾರೆ. ಹೇಗಾದ್ರೂ ಮಾಡಿ ಈ ತಿಗಣೆ ಕಾಟದಿಂದ ಮುಕ್ತಿ ಕೊಡಿಸಿ ಅಂತಿದ್ದಾರೆ.

ಫ್ರಾನ್ಸ್ ತಿಗಣೆ ವಿಡಿಯೋ ವೈರಲ್!

ಇನ್ನು ಸೋಷಿಯಲ್ ಮೀಡಿಯಾದಲ್ಲಿ ಕೂಡ ಫ್ರಾನ್ಸ್ ಪರಿಸ್ಥಿತಿ ಬಿಂಬಿಸುವ ವಿಡಿಯೋಸ್ ವೈರಲ್ ಆಗುತ್ತಿವೆ. ಅದರಲ್ಲೂ ಪ್ಯಾರಿಸ್‌ನ ಅಪಾರ್ಟ್‌ಮೆಂಟ್‌, ಹೋಟೆಲ್, ಚಿತ್ರಮಂದಿರ ಸೇರಿದಂತೆ ಸಾರ್ವಜನಿಕ ಸ್ಥಳದಲ್ಲಿ ಭಯದ ವಾತಾವರಣ ಉಂಟಾಗಿದೆ. ಏಕೆಂದರೆ ಇಂಥ ತಿಗಣೆ ಕಾಟದಿಂದ ನಾನಾ ಭಯಾನಕ ರೋಗಗಳು ಜನರನ್ನು ಕಾಡುತ್ತವೆ. ಅದರಲ್ಲೂ ಈ ಸಮಯದಲ್ಲೇ, ವಿದೇಶಿ ಕ್ರೀಡಾಪಟುಗಳು ಮುಂದಿನ ವರ್ಷ ಒಲಿಂಪಿಕ್ಸ್ ಕ್ರೀಡಾಕೂಟಕ್ಕಾಗಿ ಫ್ರಾನ್‌ಗೆ ಬಂದಾಗ ಈ ತಿಗಣೆ ಕಾಟವನ್ನು ಹೇಗೆ ಎದುರಿಸುತ್ತಾರೋ ಗೊತ್ತಿಲ್ಲ!

English summary

French Capital Paris Faces Bed Bug Issues Ahead of Olympic games.