• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಈ ನಾಲ್ಕು ಎಲೆಯ ಗಿಡದ ಬೆಲೆ ಕೇಳಿ ಹೌಹಾರಬೇಡಿ!

|

ನ್ಯೂಜಿಲ್ಯಾಂಡ್‌ನಲ್ಲಿ ಕೇವಲ 4 ಎಲೆಯ ಗಿಡ ಬರೋಬ್ಬರಿ 6 ಲಕ್ಷ ರೂಪಾಯಿಗೆ ಸೇಲ್ ಆಗಿದೆ. ಆದರೆ ಕೊರೊನಾ ಕಂಟಕ ಎದುರಾದ ನಂತರ ಕೋಟಿ ಮೌಲ್ಯದ ವಸ್ತುಗಳು ಸಾವಿರಕ್ಕೂ ಸೇಲ್ ಆಗದ ಉದಾಹರಣೆಗಳು ನಮ್ಮ ಮುಂದಿವೆ. ಇಂತಹ ಸಂಕಷ್ಟದ ಸಮಯದಲ್ಲೂ ಮನೆ ಅಲಂಕಾರಕ್ಕೆಂದು ಬೆಳೆಸುವ 'ವ್ಯಾರಿಗೇಟೆಡ್ ಮಿನಿಮಾ' ಎಂಬ ಹೆಸರಿನ ಸಸ್ಯ ಆನ್‌ಲೈನ್‌ನಲ್ಲಿ 6 ಲಕ್ಷ ರೂಪಾಯಿಗೆ ಸೇಲ್ ಆಗಿದೆ.

      The Rock ಕುಟುಂಬಕ್ಕೂ ಕೂಡ ಕೊರೊನ ತಗುಲಿತ್ತು | Oneindia Kannada

      ಜಾಗತಿಕ ವ್ಯಾಕ್ಸಿನ್ ವಾರ್: ಭಾರತವೇ ಯುದ್ಧ ಕೇಂದ್ರ..!

      ನ್ಯೂಜಿಲ್ಯಾಂಡ್‌ನ ಆಕ್ಲೆಂಡ್ ಮೂಲದ ವ್ಯಕ್ತಿಯೊಬ್ಬ ಈ ಗಿಡವನ್ನ 6 ಲಕ್ಷಕ್ಕೆ ಖರೀದಿ ಮಾಡಿದ್ದಾನೆ. ಅಷ್ಟಕ್ಕೂ ನ್ಯೂಜಿಲ್ಯಾಂಡ್‌ ಸೇರಿದಂತೆ ಪಾಶ್ಚಿಮಾತ್ಯ ದೇಶಗಳಲ್ಲಿ ಗಾರ್ಡೆನಿಂಗ್ ಟ್ರೆಂಡ್ ಹೆಚ್ಚುತ್ತಿದ್ದು, ಅದರಲ್ಲೂ ಹೋಂ ಗಾರ್ಡೆನಿಂಗ್ ಕುರಿತು ಇಲ್ಲಿನ ಯುವ ಪೀಳಿಗೆ ಕುತೂಹಲ ಬೆಳೆಸಿಕೊಂಡಿದೆ. ಈ ಕಾರಣಕ್ಕೆ ಕಳೆದ ಕೆಲ ವರ್ಷಗಳಲ್ಲಿ ಆನ್‌ಲೈನ್‌ನಲ್ಲಿ ಸಸ್ಯ ವ್ಯಾಪಾರ ಬರೋಬ್ಬರಿ 2500% ಏರಿಕೆ ಕಂಡಿದೆ.

      ನ್ಯೂಜಿಲ್ಯಾಂಡ್‌ನಲ್ಲಿ ಇಂತಹ ಸಸ್ಯಗಳು ಲಕ್ಷಾಂತರ ರೂಪಾಯಿಗೆ ಮಾರಾಟ ಆಗೋದು ಮಾಮೂಲಾಗಿದ್ದು, ಈ ಹಿಂದೆ ಕೂಡ ಸುಮಾರು 1 ಲಕ್ಷ ರೂಪಾಯಿಗೆ ಇದೇ ರೀತಿ ಸಸ್ಯವೊಂದು ಮಾರಾಟವಾಗಿತ್ತು.

      NZ: 4-leaf plant variegated minima sold for ₹6 lakh

      ಎಲೆ ಎಲೆಯಲ್ಲೂ ವೈವಿಧ್ಯತೆ..!

      'ವ್ಯಾರಿಗೇಟೆಡ್ ಮಿನಿಮಾ' (Variegated Minima) ಸಸ್ಯಕ್ಕೆ ಹೆಸರಲ್ಲೇ ವೈವಿಧ್ಯತೆ ಇದೆ. ನೋಡಲು ಮಾಮೂಲಿ ಗಿಡದಂತೆ ಇದು ಕಾಣುವುದಿಲ್ಲ. ಕೇವಲ 4 ಎಲೆಯ ಸಸ್ಯದಲ್ಲಿ, ಒಂದೊಂದು ಎಲೆಯೂ ವೈವಿಧ್ಯಮಯವಾಗಿದೆ. ಒಂದು ಎಲೆಯಲ್ಲಿ ಅರ್ಧಭಾಗ ಹಳದಿ ಬಣ್ಣದಲ್ಲಿ ಇದ್ದರೆ, ಇನ್ನುಳಿದ ಅರ್ಧಭಾಗ ಕಡು ಹಸಿರಾಗಿರುತ್ತದೆ. ಪುಟಾಣಿ ಪಾಟ್‌ನಲ್ಲಿ ಬೆಳೆಸಬಹುದಾದ ಈ ಸಸ್ಯ, ಪಾಶ್ಚಿಮಾತ್ಯ ದೇಶಗಳಲ್ಲಿ ಮನೆ ಅಲಂಕಾರಕ್ಕೆ ಹೆಸರುವಾಸಿ. ಇದೀಗ 6 ಲಕ್ಷ ರೂಪಾಯಿಗೆ ಸೇಲ್ ಆಗುವ ಮೂಲಕ ಮತ್ತೊಂದು ದಾಖಲೆ ಬರೆದಿದೆ 'ವ್ಯಾರಿಗೇಟೆಡ್ ಮಿನಿಮಾ' ಸಸ್ಯ.

      ಕೇಳಿದ್ದು ₹70, ಸಿಕ್ಕಿದ್ದು ₹6,00,000

      ಅದೃಷ್ಟ ಎಂದರೆ ಇದೇ ಇರಬೇಕು. ಆನ್‌ಲೈನ್‌ನಲ್ಲಿ ತನ್ನ 'ವ್ಯಾರಿಗೇಟೆಡ್ ಮಿನಿಮಾ' ಸಸ್ಯ ಸೇಲ್‌ಗೆ ಹಾಕಿದ್ದ ವ್ಯಕ್ತಿ ಅದಕ್ಕೆ ಸುಮಾರು ₹70 ಅಂದರೆ 1 ಡಾಲರ್ ಫಿಕ್ಸ್ ಮಾಡಿದ್ದ. ಆದರೆ ಇದೇ ಗಿಡ ಸುಮಾರು 8,150 ಡಾಲರ್ ಅಂದರೆ ಸುಮಾರು 6 ಲಕ್ಷ ರೂಪಾಯಿಗೆ ಸೇಲ್ ಆಗಿದೆ. ಇದು ವೆಬ್‌ಸೈಟ್ ನಿರ್ವಾಹಕರಿಗೆ ಶಾಕ್ ಕೊಟ್ಟಿತ್ತು. ಏಕೆಂದರೆ ಈವರೆಗೂ ಇಷ್ಟು ದೊಡ್ಡ ಮೊತ್ತಕ್ಕೆ ಗಿಡವೊಂದು ಸೇಲ್ ಆಗಿರಲಿಲ್ಲ. ಅದರಲ್ಲೂ ಕೇವಲ 4 ಎಲೆಯ ಸಸ್ಯ ₹6 ಲಕ್ಷಕ್ಕೆ ಸೇಲ್ ಆಗಿರುವುದು ದೊಡ್ಡ ಸದ್ದು ಮಾಡಿದೆ. ಹಾಗೇ ಯುವ ಸಮೂಹದಲ್ಲಿ ಹೆಚ್ಚಾಗುತ್ತಿರುವ ಗಾರ್ಡೆನಿಂಗ್ ಕ್ರೇಜ್ ಬಗ್ಗೆಯೂ ಇದು ಹಿಂಟ್ ಕೊಟ್ಟಿದೆ.

      English summary
      In New Zealand there is a 4-leaf plant called variegated minima is sold for ₹6 lakh. And experts says it is shows the improvement of gardening craze in youths of western countries.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X