ನಾಸಾದ ಕ್ಯೂರಿಯಾಸಿಟಿ ಕ್ಲಿಕ್ಕಿಸಿಕೊಂಡ ಮನೋಹರ 'ಪನೋರಮಾ ಸೆಲ್ಫಿ'
ವಾಷಿಂಗ್ಟನ್, ಸೆಪ್ಟೆಂಬರ್ 8: ಮೊಬೈಲ್ ಕ್ಯಾಮೆರಾ ಹಿಡಿದು ಸೆಲ್ಫಿ ಚಿತ್ರ ತೆಗೆದುಕೊಳ್ಳುವ ಕ್ರೇಜ್ ಸಾಮಾನ್ಯ ಎನಿಸಿಬಿಟ್ಟಿದೆ. ಈ ಕ್ರೇಜ್ ಭೂಮಿ ಮೇಲೆ ಮಾತ್ರವಲ್ಲ, ಮಂಗಳ ಗ್ರಹದ ಅಧ್ಯಯನಕ್ಕೆ ತೆರಳಿರುವ ನಾಸಾದ ಕ್ಯೂರಿಯಾಸಿಟಿ ರೋವರ್ ನೌಕೆಗೂ ತಗುಲಿದೆ!
ಮಂಗಳನ ಅಂಗಳದಲ್ಲಿ ಒಡಾಡುತ್ತಾ ಸಮೀಕ್ಷೆ ನಡೆಸುತ್ತಿರುವ ಕ್ಯೂರಿಯಾಸಿಟಿ ನೌಕೆ, ವೆರಾ ರೂಬಿನ್ ರಿಡ್ಜ್ ತಾಣದಲ್ಲಿ ಆಗಸ್ಟ್ 9ರಂದು 360 ಡಿಗ್ರಿ ಪನೋರಮಾ ನೋಟದ ಚಿತ್ರವನ್ನು ತೆಗೆದು ರವಾನಿಸಿದೆ.
ಈ ಪನೋರಮಾ ಚಿತ್ರ ದೂಳಿನ ಕಣಗಳಿಂದಾಗಿ ಆಗಸ ಕಪ್ಪುಗಟ್ಟಿರುವ ವಾತಾವರಣದ ದೃಶ್ಯವನ್ನು ಒಳಗೊಂಡಿದೆ. ರೋವರ್ನ ಮೇಲ್ಮೈ ಮೇಲೆ ಸಾಕಷ್ಟು ಪ್ರಮಾಣದ ದೂಳು ಆವರಿಸಿರುವುದು ಚಿತ್ರದಲ್ಲಿ ಕಾಣಿಸಿದೆ. ಜತೆಗೆ ರೋವರ್ನ ಮುಖ್ಯ ಕ್ಯಾಮೆರಾದ ಅಪರೂಪದ ನೋಟವೂ ದಕ್ಕಿದೆ.
ಕ್ಯೂರಿಯಾಸಿಟಿಯಂತೆಯೇ ಮಂಗಳದಲ್ಲಿ ಅಧ್ಯಯನ ನಡೆಸುತ್ತಿರುವ ಅಪಾರ್ಚುನಿಟಿ ರೋವರ್ ಗ್ರಹದ ಇನ್ನೊಂದು ಭಾಗದಲ್ಲಿದೆ. ಅಲ್ಲಿ ದೂಳಿನ ಕಣದ ಪ್ರಮಾಣ ಇನ್ನೂ ಹೆಚ್ಚು.
Take a look at a 360º panorama of Vera Rubin Ridge on Mars, taken as the @MarsCuriosity rover surveyed its surroundings on the Red Planet during the fading global dust storm. Included is a view of the rover itself, revealing a thin layer of dust on it: https://t.co/mbNpnAUrGI pic.twitter.com/HQcmcCAnhi
— NASA (@NASA) 7 September 2018
ಅಂಗಾರಕನ ಗಟ್ಟಿಯಾದ ಬಂಡೆಕಲ್ಲುಗಳ ನಡುವೆ ನೆಲವನ್ನು ಅಗೆಯುತ್ತಾ ಶೋಧನೆ ನಡೆಸುತ್ತಿರುವ ಕ್ಯೂರಿಯಾಸಿಟಿ ಅಲ್ಲಿ 2000 ದಿನಗಳನ್ನು ಕಳೆದಿದೆ.
ಮಂಗಳ ಗ್ರಹದ ಅನೇಕ ಮಹತ್ವದ ಸಂಗತಿಗಳನ್ನು ಭೂಮಿಗೆ ರವಾನಿಸುತ್ತಿರುವ ರೋವರ್ ನೌಕೆ ಕಳುಹಿಸುತ್ತಿರುವ ಅಪರೂಪದ ಚಿತ್ರಗಳು ವಿಸ್ಮಯ ಮೂಡಿಸುತ್ತಿವೆ.
Click it and Unblock the Notifications
Sign in with Google