ಭಾರತೀಯ ಅಮೆರಿಕನ್ ವನಿತಾ ಗುಪ್ತಾ ಯುಎಸ್ ಅಸೋಸಿಯೇಟ್ ಅಟಾರ್ನಿ ಜನರಲ್ ಹುದ್ದೆಯಿಂದ ನಿರ್ಗಮನ
ವಾಷಿಂಗ್ಟನ್, ಡಿಸೆಂಬರ್ 15: ಭಾರತೀಯ ಅಮೆರಿಕನ್ ವನಿತಾ ಗುಪ್ತಾ ಅವರು ಫೆಬ್ರವರಿ 2024ಕ್ಕೆ ಯುಎಸ್ ಅಸೋಸಿಯೇಟ್ ಅಟಾರ್ನಿ ಜನರಲ್ ಹುದ್ದೆಯಿಂದ ಕೆಳಗಿಳಿಯಲಿದ್ದಾರೆ ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.
ನ್ಯಾಯಾಂಗ ಇಲಾಖೆಯ ಮೂರನೇ ಅತ್ಯುನ್ನತ ಶ್ರೇಣಿಯ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ ಮೊದಲ ಬಿಳಿಯೇತರ ಮಹಿಳೆ ವನಿತಾ ಗುಪ್ತಾ ಆಗಿದ್ದಾರೆ. "ಫೆಡರಲ್ ಕಾನೂನಿನಿಂದ ರಕ್ಷಿಸಲ್ಪಟ್ಟ ಸಂತಾನೋತ್ಪತ್ತಿ ಸ್ವಾತಂತ್ರ್ಯಗಳನ್ನು ರಕ್ಷಿಸಲು ಸಂತಾನೋತ್ಪತ್ತಿ ಹಕ್ಕುಗಳ ಕಾರ್ಯಪಡೆ ಇದಾಗಿದೆ ಎಂದು ಅಟಾರ್ನಿ ಜನರಲ್ ಮೆರಿಕ್ ಬಿ. ಗಾರ್ಲ್ಯಾಂಡ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
49 ವರ್ಷ ವಯಸ್ಸಿನ ವನಿತಾ ಅವರು 2021 ರಲ್ಲಿ ಸೆನೆಟ್ ದೃಢೀಕರಿಸಿದ ನಂತರ ಅಸೋಸಿಯೇಟ್ ಅಟಾರ್ನಿ ಜನರಲ್ ಆಗಿ ಸೇವೆಗೆ ಸೇರಿದ್ದರು. ಈಗ ಅವರು ನ್ಯಾಯಾಂಗ ಇಲಾಖೆ (ಡಿಒಜಜೆ) ಪ್ರಕಾರ ಫೆಬ್ರವರಿ 2024 ರಲ್ಲಿ ಹುದ್ದೆಯಿಂದ ನಿರ್ಗಮಿಸುತ್ತಾರೆ.
ಶ್ರೀಮತಿ ಗುಪ್ತಾ ಅವರ ಅಸಾಧಾರಣ ಸೇವೆಯನ್ನು ಬಣ್ಣಸಿದ ಗಾರ್ಲ್ಯಾಂಡ್, "ನ್ಯಾಯಪರತೆಗೆ ಅವರ ಬದ್ಧತೆ ಮತ್ತು ಸಾಮಾನ್ಯ ನೆಲೆಯನ್ನು ಕಂಡುಕೊಳ್ಳಲು ಜನರನ್ನು ಒಟ್ಟುಗೂಡಿಸುವಲ್ಲಿ ಪಟ್ಟುಬಿಡದ ಗಮನವು ಅವರನ್ನು ಅಮೆರಿಕನ್ ಜನರು ಎದುರಿಸುತ್ತಿರುವ ಕೆಲವು ಸಂಕೀರ್ಣ ಸವಾಲುಗಳನ್ನು ಎದುರಿಸುವಲ್ಲಿ ವಿಶಿಷ್ಟ ನಾಯಕಿಯಾಗಿಸಿದೆ" ಎಂದು ಹೇಳಿದ್ದಾರೆ.
ಮುಂದುವರೆದು, "ಹಿಂಸಾತ್ಮಕ ಅಪರಾಧ ಮತ್ತು ಬಂದೂಕು ಹಿಂಸಾಚಾರವನ್ನು ಎದುರಿಸಲು ಹಾಗೂ ಅಪರಾಧದ ಸಂತ್ರಸ್ತರನ್ನು ಬೆಂಬಲಿಸಲು ಇಲಾಖೆಯ ಪ್ರಯತ್ನಗಳಲ್ಲಿ ಅವರು ವಿಶಿಷ್ಟ ಪಾತ್ರವನ್ನು ವಹಿಸಿದ್ದಾರೆ "ಎಂದು ಗಾರ್ಲ್ಯಾಂಡ್ ನ್ಯಾಯಾಂಗ ಇಲಾಖೆಯ ಹೇಳಿಕೆಯಲ್ಲಿ ಉಲ್ಲೇಖಿಸಿದ್ದಾರೆ.
ಇಲಾಖೆಯಲ್ಲಿ ಅತ್ಯುನ್ನತ ಶ್ರೇಣಿಯ ಭಾರತೀಯ-ಅಮೆರಿಕನ್ ಆಗಿರುವ ವನಿತಾ ಗುಪ್ತಾ ಪೊಲೀಸ್ ಸಮುದಾಯ ನಂಬಿಕೆಯನ್ನು ನಿರ್ಮಿಸುವುದರಿಂದ ಸಂತಾನೋತ್ಪತ್ತಿ ಸ್ವಾತಂತ್ರ್ಯವನ್ನು ಕಾಪಾಡುವುದು, ಬಂದೂಕು ಹಿಂಸಾಚಾರ ಮತ್ತು ಇತರ ಅಪರಾಧಗಳಿಗೆ ಬಲಿಯಾದವರಿಗೆ ಬೆಂಬಲವನ್ನು ಹೆಚ್ಚಿಸುವುದು, ಸ್ಪರ್ಧೆ ಮತ್ತು ಆರ್ಥಿಕ ಅವಕಾಶವನ್ನು ಉತ್ತೇಜಿಸುವುದು ಮತ್ತು ಸಮುದಾಯ ಹಿಂಸಾಚಾರದ ಮಧ್ಯಸ್ಥಿಕೆ ಕಾರ್ಯಕ್ರಮಗಳನ್ನು ವಿಸ್ತರಿಸುವವರೆಗೆ ಸಮಸ್ಯೆಗಳನ್ನು ಮುನ್ನಡೆಸಿದರು ನ್ಯಾಯಾಂಗ ಇಲಾಖೆ ವೆಬ್ಸೈಟ್ ತಿಳಿಸಿದೆ.
ಗುಪ್ತಾ ಅವರು ಇಲಾಖೆಯ ಸಿವಿಲ್ ವ್ಯಾಜ್ಯ ವಿಭಾಗಗಳು, ಅನುದಾನ ವಿಭಾಗಗಳು, ನ್ಯಾಯ ಕೋರುವ ಕಚೇರಿ, ಮಾಹಿತಿ ನೀತಿಯ ಕಚೇರಿ, ಸಮುದಾಯ ಸಂಬಂಧಗಳ ಸೇವೆ, ಯುನೈಟೆಡ್ ಸ್ಟೇಟ್ಸ್ ಟ್ರಸ್ಟಿಗಳ ಕಾರ್ಯಕ್ರಮ ಮತ್ತು ವಿದೇಶಿ ಹಕ್ಕುಗಳ ಸೆಟಲ್ಮೆಂಟ್ ಆಯೋಗವನ್ನು ಮೇಲ್ವಿಚಾರಣೆ ಮಾಡಿದ್ದರು.
Click it and Unblock the Notifications
Sign in with Google