Turkey Earthquake Death Toll : ಟರ್ಕಿಯಲ್ಲಿ ಭೂಕಂಪ: 21,000ಕ್ಕೆ ದಾಟಿದ ಮೃತರ ಸಂಖ್ಯೆ

ಮಾರಣಾಂತಿಕ ಭೂಕಂಪದಿಂದ ಇದುವರೆಗೂ ಟರ್ಕಿಯಲ್ಲಿ ಕನಿಷ್ಠ 17,674 ಜನರು ಸಾವನ್ನಪ್ಪಿದ್ದು, 72,879 ಜನರು ಗಾಯಗೊಂಡಿದ್ದಾರೆ

ಅಂಕಾರ, ಫೆಬ್ರವರಿ 10: ಟರ್ಕಿಯಲ್ಲಿ ಸಂಭವಿಸಿದ ಪ್ರಬಲ ಭೂಕಂಪದ ಪರಿಣಾಮವಾಗಿ ಸಾವಿರಾರು ಜನರು ತಮ್ಮ ಪ್ರಾಣ ಕಳೆದುಕೊಂಡಿದ್ದು, ಮೃತರ ಸಂಖ್ಯೆ ದಿನನಿತ್ಯ ಏರುತ್ತದೆ ಇದೆ.

ಮಾರಣಾಂತಿಕ ಭೂಕಂಪದಿಂದ ಇದುವರೆಗೂ ಸಾವಿನ ಸಂಖ್ಯೆ 21,051 ಆಗಿದೆ ಎಂದು ಅಧಿಕಾರಿಗಳು ಶುಕ್ರವಾರ ಮಾಹಿತಿ ನೀಡಿದ್ದಾರೆ. ಟರ್ಕಿಯಲ್ಲಿ ಕನಿಷ್ಠ 17,674 ಜನರು ಸಾವನ್ನಪ್ಪಿದ್ದು, 72,879 ಜನರು ಗಾಯಗೊಂಡಿದ್ದಾರೆ ಎಂದು ಅಲ್ಲಿನ ಉಪಾಧ್ಯಕ್ಷ ಫುಟ್ ಒಕ್ಟೇ ಗುರುವಾರ ಹೇಳಿದ್ದಾರೆ.

ಆದರೆ ವೈಟ್ ಹೆಲ್ಮೆಟ್ಸ್ ನಾಗರಿಕ ರಕ್ಷಣಾ ಸಂಸ್ಥೆಯ ಪ್ರಕಾರ, ಸಿರಿಯಾದಲ್ಲಿ ಕನಿಷ್ಠ 3,377 ವ್ಯಕ್ತಿಗಳು ಮೃತರಾಗಿದ್ದಾರೆ. ಇದರಲ್ಲಿ 2,030 ವಾಯುವ್ಯದಲ್ಲಿ ಬಂಡುಕೋರರ ಹಿಡಿತದಲ್ಲಿರುವ ಪ್ರದೇಶಗಳಲ್ಲಿ ಮತ್ತು 1,347 ಸರ್ಕಾರಿ ನಿಯಂತ್ರಿತ ಪ್ರದೇಶಗಳಲ್ಲಿ ಎಂದು ಸಿರಿಯನ್ ರಾಜ್ಯ ಮಾಧ್ಯಮ ವರದಿ ಮಾಡಿದೆ. ಟರ್ಕಿಯ ಭೂಕಂಪ ಪೀಡಿತ ಪ್ರಾಂತ್ಯಗಳಲ್ಲಿ ರಕ್ಷಣಾ ಮತ್ತು ನೆರವು ಪ್ರಯತ್ನಗಳನ್ನು ವೇಗಗೊಳಿಸಲು ಮೂರು ತಿಂಗಳ ತುರ್ತು ಪರಿಸ್ಥಿತಿಯನ್ನು ಜಾರಿ ಮಾಡಿದ್ದು ಸ್ಥಳೀಯ ಅನುಮೋದನೆಯ ನಂತರ ಗುರುವಾರ ಜಾರಿಗೆ ಬಂದಿದೆ ಎಂದು ಅನಾಡೋಲು ಏಜೆನ್ಸಿ ವರದಿ ಮಾಡಿದೆ.

ಮಂಗಳವಾರ ಟರ್ಕಿಯ ಅಧ್ಯಕ್ಷ ರೆಸೆಪ್ ತಯ್ಯಿಪ್ ಎರ್ಡೊಗನ್ ಅವರು ಭೂಕಂಪ ಪೀಡಿತ ಪ್ರಾಂತ್ಯಗಳಲ್ಲಿ ಹುಡುಕಾಟ ಮತ್ತು ರಕ್ಷಣಾ ಪ್ರಯತ್ನಗಳನ್ನು ವೇಗಗೊಳಿಸಲು ಮೂರು ತಿಂಗಳ ತುರ್ತು ಪರಿಸ್ಥಿತಿಯನ್ನು ಘೋಷಿಸಿದರು ಎಂದು ಸುದ್ದಿ ವರದಿಯಾಗಿದೆ. ಕಹ್ರಮನ್ಮರಸ್ ಪ್ರಾಂತ್ಯದಲ್ಲಿ 7.7 ಮತ್ತು 7.6 ರ ತೀವ್ರತೆಯ ಎರಡು ಭೂಕಂಪಗಳಿಂದ ಅದಾನ, ಅಡಿಯಾಮನ್, ದಿಯಾರ್‌ಬಾಕಿರ್, ಗಾಜಿಯಾಂಟೆಪ್, ಹಟೇ, ಕಿಲಿಸ್, ಮಲತ್ಯಾ, ಉಸ್ಮಾನಿಯೆ ಮತ್ತು ಸಾನ್ಲಿಯುರ್ಫಾ ಸೇರಿದಂತೆ 10 ಪ್ರಾಂತ್ಯಗಳಲ್ಲಿ 13 ಮಿಲಿಯನ್ ಜನರು ಸಾವು ನೋವು ಅನುಭವಿಸಿದ್ದಾರೆ. ಇದಲ್ಲದೆ ಸಿರಿಯಾ ಮತ್ತು ಲೆಬನಾನ್ ಸೇರಿದಂತೆ ಟರ್ಕಿಯ ನೆರೆಯ ರಾಷ್ಟ್ರಗಳು ಸಹ ಕಂಪನವನ್ನು ಅನುಭವಿಸಿವೆ.

56 ದೇಶಗಳ 6,479 ರಕ್ಷಣಾ ಸಿಬ್ಬಂದಿ

ಟರ್ಕಿಯ ವಿದೇಶಾಂಗ ಸಚಿವ ಮೆವ್ಲುಟ್ ಕಾವುಸೊಗ್ಲು ಅವರು ಗುರುವಾರ ಪ್ರಬಲ 2 ಭೂಕಂಪಗಳು ರಾಷ್ಟ್ರವನ್ನು ತಲ್ಲಣಗೊಳಿಸಿದ ನಂತರ 75 ರಾಷ್ಟ್ರಗಳು ಮತ್ತು 16 ಅಂತಾರಾಷ್ಟ್ರೀಯ ಸಂಸ್ಥೆಗಳು ಟರ್ಕಿಗೆ ನೆರವು ನೀಡುವುದಾಗಿ ವಾಗ್ದಾನ ಮಾಡಿವೆ. 56 ದೇಶಗಳ 6,479 ರಕ್ಷಣಾ ಸಿಬ್ಬಂದಿ ನೆರವಿಗೆ ಧಾವಿಸಿದ್ದಾರೆ. 19 ರಾಷ್ಟ್ರಗಳ ತಂಡಗಳು 24 ಗಂಟೆಗಳ ಒಳಗೆ ಯುನೈಟೆಡ್ ಸ್ಟೇಟ್ಸ್‌ನಿಂದ ಬಂದಿವೆ ಎಂದು ಸಿಎನ್ಎನ್ ವರದಿ ಮಾಡಿದೆ.

ಸಿರಿಯಾದಲ್ಲಿ 70,000 ಜನರಿಗೆ ಗಾಯ

ಇನ್ನೂ 19 ದೇಶಗಳ ತಂಡಗಳು 24 ಗಂಟೆಗಳ ಒಳಗೆ ಟರ್ಕಿ ದೇಶಕ್ಕೆ ಬಂದಿವೆ. ಸೋಮವಾರ ಸಂಭವಿಸಿದ ದುರಂತದ ನಂತರ ಟರ್ಕಿಗೆ ಜಾಗತಿಕ ನೆರವು ಹರಿದುಬರುತ್ತಿದೆ. ಟರ್ಕಿಯಲ್ಲಿ ಇದುವರೆಗೆ 20,000 ಕ್ಕೂ ಹೆಚ್ಚು ಜನರು ಪ್ರಾಣವನ್ನು ಕಳೆದುಕೊಂಡಿದ್ದಾರೆ. ನೆರೆಯ ಸಿರಿಯಾದಲ್ಲಿ 70,000 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ.

ಭಾರತೀಯ ಸೇನೆಯಿಂದ ವಿಪತ್ತು ಪರಿಹಾರ

ಭೂಕಂಪಗಳು ರಾಷ್ಟ್ರವನ್ನು ತಲ್ಲಣಗೊಳಿಸಿದ್ದು, ಉದ್ಭವಿಸಿರುವ ಬಿಕ್ಕಟ್ಟಿನಿಂದಾಗಿ ನಡೆಯುತ್ತಿರುವ ರಕ್ಷಣಾ ಪ್ರಯತ್ನದಲ್ಲಿ ಭಾರತವು ಟರ್ಕಿಗೆ ಸಹಾಯ ಮಾಡುತ್ತಿದೆ. ಟರ್ಕಿಯಲ್ಲಿ ಸಂಭವಿಸಿದ ಇತ್ತೀಚಿನ ಭೂಕಂಪಗಳಿಂದ ಹಾನಿಗೊಳಗಾದವರಿಗೆ ಸಹಾಯ ಮಾಡಲು, ಭಾರತೀಯ ಸೇನೆಯು ವಿಪತ್ತು ಪರಿಹಾರ ತಂಡಗಳನ್ನು ಕಳುಹಿಸಿದೆ ಮತ್ತು ಕ್ಷೇತ್ರ ಆಸ್ಪತ್ರೆಯನ್ನು ಸ್ಥಾಪಿಸಲಾಗಿದೆ. ಭಾರತದ ಹೆಚ್ಚುವರಿ ಸಾರ್ವಜನಿಕ ಮಾಹಿತಿ ಮಹಾನಿರ್ದೇಶನಾಲಯ ಗುರುವಾರ ಟರ್ಕಿಯ ಭೂಕಂಪ ಪೀಡಿತ ಪ್ರದೇಶಗಳಲ್ಲಿ ಟರ್ಕಿಯ ಮಹಿಳೆಯನ್ನು ಅಪ್ಪಿಕೊಂಡಿರುವ ಭಾರತೀಯ ಸೇನಾ ಅಧಿಕಾರಿಯ ಚಿತ್ರವನ್ನು ಟ್ವೀಟ್ ಮಾಡಿದೆ.

ಮಲತ್ಯದಿಂದ 19 ಕಿಮೀ ದೂರದಲ್ಲಿ ಭೂಕಂಪ

ಈ ಮಧ್ಯೆ ರಿಕ್ಟರ್ ಮಾಪಕದಲ್ಲಿ 4.6 ರ ತೀವ್ರತೆಯ ಭೂಕಂಪವು ಟರ್ಕಿಯ ಮಲತ್ಯದಿಂದ 19 ಕಿಮೀ ದೂರದಲ್ಲಿ ಸಂಭವಿಸಿದೆ ಎಂದು ಯುರೋಪಿಯನ್ ಮೆಡಿಟರೇನಿಯನ್ ಭೂಕಂಪನ ಕೇಂದ್ರ ಟ್ವಿಟರ್‌ನಲ್ಲಿ ಪೋಸ್ಟ್‌ನಲ್ಲಿ ಪ್ರಕಟಿಸಿದೆ. 38.19 ಉತ್ತರಕ್ಕೆ ಮತ್ತು 38.23 ಪೂರ್ವಕ್ಕೆ ಸ್ಥಳದಲ್ಲಿ 2 ಕಿಮೀ ಆಳದಲ್ಲಿ 05:03:43 (ಸ್ಥಳೀಯ ಕಾಲಮಾನ) ಭೂಕಂಪ ವರದಿಯಾಗಿದೆ ಎಂದು ಕೇಂದ್ರ ತಿಳಿಸಿದೆ.

English summary

Thousands of people have lost their lives as a result of the powerful earthquake in Turkey and the death toll is rising daily.