ಚೀನಾಕ್ಕೆ ಬಂದೆರಗಿದೆ 'ಕೊರೋನಾವೈರಸ್': ಭಾರತಕ್ಕೂ ಆತಂಕ
ಬೀಜಿಂಗ್, ಜನವರಿ 16: ಸಾರ್ಸ್ ವೈರಸ್ ನಂತರ ಅದಕ್ಕಿಂತಲೂ ಭೀಕರ ವೈರಸ್ ಚೀನಾದಲ್ಲಿ ಪತ್ತೆ ಆಗಿದ್ದು, ಇದು ಭಾರತ ಸೇರಿದಂತೆ ಹಲವು ರಾಷ್ಟ್ರಗಳಿಗೆ ವ್ಯಾಪಿಸುವ ಭೀತಿ ಶುರುವಾಗಿದೆ.
'ಕೊರೋನಾವೈರಸ್' ಚೀನಾದಲ್ಲಿ ಕಾಣಿಸಿಕೊಂಡಿದ್ದು, ಈಗಾಗಲೇ ಹಲವು ಮಂದಿ ಈ ವೈರಸ್ಗೆ ತುತ್ತಾಗಿದ್ದಾರೆ. ಥಾಯ್ಲೆಂಡ್ನಲ್ಲಿ ಈ ವೈರಸ್ ಗೆ ಒಬ್ಬ ಮೃತಪಟ್ಟಿದ್ದು, ಸಾವಿನ ಸಂಖ್ಯೆ ಮುಂದಿನ ದಿನಗಳಲ್ಲಿ ಹೆಚ್ಚಾಗುವ ಆತಂಕ ವೈದ್ಯರನ್ನು ಕಾಡುತ್ತಿದೆ.
ಈ ಮೊದಲು ಪ್ರಾಣಿಗಳಲ್ಲಿ ಮಾತ್ರವೇ ಕಾಣಿಸಿಕೊಳ್ಳುತ್ತಿದ್ದ ಈ ವೈರಸ್ ಮೊದಲ ಬಾರಿಗೆ ಮನುಷ್ಯರಿಗೆ ಕಾಣಿಸಿಕೊಂಡಿದೆ. ಮಧ್ಯ ಚೀನಾ, ಥಾಯ್ ಭಾಗಗಳಲ್ಲಿ ವ್ಯಾಪಕವಾಗಿ 'ಕೊರೋನಾವೈರಸ್' ಹರಡಿದೆ.
ವಿಶ್ವ ಆರೋಗ್ಯ ಸಂಸ್ಥೆ ಸಹ 'ಕೊರೋನಾವೈರಸ್' ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದು, ಹಲವು ದೇಶಗಳಿಗೆ ಹರಡುವ ಸಾಧ್ಯತೆಯಿದೆ ಎಂದಿದೆ. ಅಲ್ಲದೆ ವೈದ್ಯರುಗಳಿಗೆ ಎಚ್ಚರದಿಂದಿರಲು ಸೂಚನೆಗಳನ್ನು ನೀಡಿದೆ. ಭಾರತಕ್ಕೂ ಎಚ್ಚರಿಕೆಯನ್ನು ವಿಶ್ವ ಆರೋಗ್ಯ ಸಂಸ್ಥೆ ರವಾನಿಸಿದೆ.
'ಕೊರೋನಾವೈರಸ್' ಬಂದವರಿಗೆ ಮೊದಲಿಗೆ ಸಾಮಾನ್ಯ ನೆಗಡಿ ಬರುತ್ತದೆ. ನಂತರ ಸುಸ್ತು ಹೆಚ್ಚಾಗಿ ಹಾಸಿಗೆ ಹಿಡುಯುವತಾಗುತ್ತದೆ. ಪೂರ್ಣ ದೇಹದ ಆರೋಗ್ಯವೇ ಹದಗೆಟ್ಟು ಬಿಡುತ್ತದೆ.
ವೈರಸ್ ಆರಂಭಿಕ ಹಂತದಲ್ಲಿರುವ ಕಾರಣ ಚಿಕಿತ್ಸೆಯ ಕ್ರಮಗಳು ಗೊತ್ತಿಲ್ಲ. ನಿಮೋನಿಯಾ ಚಿಕಿತ್ಸೆಯನ್ನೇ ನೀಡಲಾಗುತ್ತಿದೆ ಎಂದು ಚೀನಾ ವೈದ್ಯರುಗಳು ತಿಳಿಸಿದ್ದಾರೆ.
ರೋಗವು ವೇಗವಾಗಿ ಹರಡುವ ಗುಣ ಹೊಂದಿದ್ದು, ಈಗಾಗಲೇ ಜಪಾನ್ ನಲ್ಲಿ ಒಂದು ಪ್ರಕರಣ ಪತ್ತೆ ಆಗಿದೆ. ಈ ರೋಗ ಭಾರತಕ್ಕೂ ಹರಡುವ ಸಾಧ್ಯತೆ ಇದೆಯೆಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
Click it and Unblock the Notifications
Sign in with Google