ರಾಮ್ ರಹೀಮ್ ಉದಾಹರಣೆ ನೀಡಿ ಭಾರತದ ಆಧ್ಯಾತ್ಮಿಕ ಕೋರ್ಸ್ ಗಳ ಬಗ್ಗೆ ಚೀನಾ ಎಚ್ಚರಿಕೆ
ಭಾರತೀಯ ಆಧ್ಯಾತ್ಮಿಕ ಕೋರ್ಸ್, ಆರಾಧನೆಗಳ ಬಗ್ಗೆ ಎಚ್ಚರಿಕೆ ನೀಡಿದ ಚೀಭಾರತದ ಧಾರ್ಮಿಕ ಸಂಸ್ಥೆಗಳ ಕೋರ್ಸ್ ಗಳಿಂದ ಹುಷಾರಾಗಿರುವಂತೆ ಚೀನಾವು ತನ್ನ ನಾಗರಿಕರಿಗೆ ಎಚ್ಚರಿಕೆ ನೀಡಿದೆ. ಕೆಲವು ಧಾರ್ಮಿಕ ಸಂಘಟನೆಗಳ ಮೇಲೆ ಲೈಂಗಿಕ ದೌರ್ಜನ್ಯದ ಪ್ರಕರಣಗಳಿವೆ. ಅಂಥ ಶಂಕಿತ ಧಾರ್ಮಿಕ ಆರಾಧನೆಗಳ ತಂಡಗಳಿಂದ ದೂರ ಇರಿ ಎಂದು ತನ್ನ ನಾಗರಿಕರಿಗೆ ಸೂಚನೆ ನೀಡಿದೆ.
ಸಾರ್ವಜನಿಕ ಭದ್ರತಾ ಸಚಿವಾಲಯ, ಚೀನಾದ ಪೊಲೀಸ್ ಇಲಾಖೆ ಈ ಎಚ್ಚರಿಕೆಯನ್ನು ನೀಡಿದೆ. ತೈವಾನ್ ನ ನಟಿಯೊಬ್ಬರು ದಕ್ಷಿಣ ಭಾರತ ಮೂಲದ ಧಾರ್ಮಿಕ ಸಂಸ್ಥೆಯೊಂದರ ಆಧ್ಯಾತ್ಮಿಕ ಕೋರ್ಸ್ ವೊಂದರ ಬಗ್ಗೆ ಪ್ರಚಾರ ಮಾಡಿದ್ದರು. ಆ ನಂತರ ಚೀನಾ ದೇಶದಾದ್ಯಂತ ಸಾಮಾಜಿಕ ಮಾಧ್ಯಮಗಳಲ್ಲಿ ಚರ್ಚೆ ಹುಟ್ಟು ಹಾಕಿದೆ. ಈ ಸೆಲೆಬ್ರಿಟಿ ಧಾರ್ಮಿಕ ಆರಾಧನೆಯನ್ನು ಪ್ರಚಾರ ಮಾಡುತ್ತಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.
ತೈವಾನ್ ನ ನಟಿ ಯೀ ನೆಂಗ್ ಜಾಂಗ್ ಅಥವಾ ಆನಿ ಯೀ ಸೋಮವಾರದಂದು ಸೈನಾ ವಿಬೋ (ಟ್ವಿಟ್ಟರ್ ನ ಚೀನಾ ಮಾದರಿ)ದಲ್ಲಿ ಚಿತ್ತೂರು ಮೂಲದ ಅಮ್ಮ ಹಾಗೂ ಭಗವಾನ್ ರ ಪ್ರವಚನಗಳನ್ನು ಸೋಮವಾರ ಪ್ರಚಾರ ಮಾಡಿದ್ದರು ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ. ವಿಬೋದಲ್ಲಿ ಇದರಿಂದ ಭಾರೀ ಚರ್ಚೆಯಾಗಿದೆ.
ಎಂಪಿಎಸ್ ಹಾಗೂ ಚೀನಾ ಆಂಟಿ ಕಲ್ಟ್ ಅಸೋಸಿಯೇಷನ್ ಈ ಪೋಸ್ಟ್ ಗಳನ್ನು ಫಾರ್ವರ್ಡ್ ಮಾಡಿ, ಸಾರ್ವಜನಿಕರನ್ನು ಎಚ್ಚರಿಸಿದೆ. ಭಾರತದ ಕೆಲವು ಆಧ್ಯಾತ್ಮಿಕ ಸಂಘಟನೆಗಳು ಲೈಂಗಿಕ ದೌರ್ಜನ್ಯ ಪ್ರಕರಣಗಳಲ್ಲಿ ಭಾಗಿಯಾಗಿವೆ ಎಂದು ಎಚ್ಚರಿಸಿವೆ. ಇಷ್ಟೆಲ್ಲ ರಾದ್ಧಾಂತ ಆದ ನಂತರ ನಟಿಯು ತನ್ನ ಪೋಸ್ಟ್ ತೆಗೆದುಹಾಕಿದ್ದಾರೆ.
ಚೀನಾದಲ್ಲಿ ವಿರೋಧ ಭಾರತದ ಅಧ್ಯಾತ್ಮಿಕ ಸಂಘಟನೆಗಳನ್ನು ವಿರೋಧ ಮಾಡುತ್ತಿರುವ ಸಂಸ್ಥೆಯು ರಾಮ್ ರಹೀಮ್ ಗುರ್ಮಿತ್ ಪ್ರಕರಣವನ್ನು ಉದಾಹರಣೆಯಾಗಿ ನೀಡಿದೆ. ಇನ್ನೂರರಷ್ಟು ಭಕ್ತೆಯರನ್ನು ಅತ್ಯಾಚಾರ ಮಾಡಿದ ಪ್ರಕರಣದಲ್ಲಿ ಆತ ಜೈಲು ಶಿಕ್ಷೆ ಅನುಭವಿಸುತ್ತಿದ್ದಾನೆ ಎಂದು ಕೂಡ ಹೇಳಿದೆ.
ಎರಡು ವರ್ಷಗಳ ಹಿಂದೆ ಚೀನಾ ಆಂಟಿ ಕಲ್ಟ್ ನೆಟ್ ವರ್ಕ್ ಎಂಬ ವೆಬ್ ಸೈಟ್ ಆರಂಭಿಸಿದೆ. ಧಾರ್ಮಿಕ ಆರಾಧನೆ ವಿಚಾರವಾಗಿ ಚೀನಾ ಅಳವಡಿಕೊಂಡಿರುವ ನೀತಿ-ಕ್ರಮಗಳನ್ನು ಪ್ರಚುರ ಪಡಿಸುವುದು ಇದರ ಉದ್ದೇಶವಾಗಿದೆ. ಈ ವೆಬ್ ಸೈಟ್ ಮೂಲಕ ಸಾರ್ವಜನಿಕರು ತಮ್ಮ ಮೇಲಾದ ಅಪರಾಧ ಪ್ರಕರಣಗಳ ದೂರು ನೀಡಬಹುದು. ಮಾರ್ಗದರ್ಶನ ಪಡೆಯಬಹುದು. ನಾಪತ್ತೆಯಾದ ತಮ್ಮ ಸಂಬಂಧಿಕರನ್ನು ಹುಡುಕಲು ನೆರವು ಪಡೆಯಬಹುದು.
Click it and Unblock the Notifications
Sign in with Google